Female Blogger of Banjarmasin

Laksa, kuliner Banua nang kada asing... Laksa sebujurnya lain hal nang asing bagi ‘urang Banjar’.   Meski jadi pertanyaan apakah Laksa ni kuliner khas Banjar ataukah lain tapi pas di Banua ada nang bajualan Laksa.   Biasanya kuliner nang disajikan kada Laksa haja.   Kawannya ada Surabi, Lupis, Puracit, Petah, jua Putu Mayang.   Amun mambaca ngaran-ngaran kuliner nitu pastinya kada asing kalo.   Kenapa jadi kada asing karena mun palihat ti kada hanya disajikan di Banua haja, ya kalo.  Tapi amun sudah kada awam lagi ada di Banua apalagi nang baulah dan bajual adalah urang Banjar, jadi rasa sreg haja amun kuliner Laksa menjadi kuliner Banua. Asal muasal laksa... Ulun pun masih penasaran sabujurnya, matan mana gerang Laksa ini wan kaya apa inya bisa ka Banua. Sabujurnya amun malihat aktivitas urang-urang nang katuju berkelana termasuk nang baisi keahlian bemasak pastinya kada heran pang lah, wajar haja Laksa pun bisa sampai ka Banua. Di Malaysia, Singapur...

  soto banjar (source.dokpri)   Assalamualaikum, apa habar bubuhannya? Han tetamu lagi lawan artikel FBB nang hari ini handak membahas soto banjar di Banjarmasin. Sudah tahu kalo bahwa soto banjar ngitu makanan khas atawa makanan tradisional khas banjar. Khas banjar ngini artinya lain di Banjarmasin haja, tapi mewakili samuaan urang suku banjar. Jadi pabila ada urang bacari soto banjar dimana haja di buncu kalsel ngini pasti ada nang bajual ya kalo. Tapi hari ini, kita dasarnya handak mambahas soto banjar nang ada di Banjarmasin haja. Jadi kan Banjarmasin ngitu sebagai pusat perdagangan kalsel, nyata pang mun orang dating kasini tuh bejalan ke Banjarmasin, bukan Cuma urang luar daerah tapi jua urang-urang banjar nang di luar kota nyata pang katuju bejalanan atawa belanja ka Banjarmasin. Rata-rata tuh nang dicari ya soto banjar  tupang sebagai kuliner khas kasukaan urang suku banjar. Kada usah gin lah kapapanjangan intronya, langsung haja ulun bagikan gasan pian barataan....

Assalamu'alaikum sanak blogger Apa habar pian hari ini? Mudahan sehat berataan lah. Sarapan apa pian pagi ini? Amun ulun biasanya sarapan nasi kuning. Menukarnya di pinggir jalan tu nah nang banyak acil bejualan nasi kuning. Tapi tekenanya ada jua ulun nukar nasi goreng di warung ya tu sekira kada munyak. Hihi. Kali ini ulun handak bekisah tentang macam-macam menu sarapan urang Banjar. Apa ja yo kira-kira menunya? Baca sampai habis tulisan ulun lah. 1.Nasi Kuning Banjar ( sumber gambar ) Nasi kuning masak habang ni pinanya menu nang paling rancak dijadikan menu sarapan urang Banjar. Mencarinya jua kada ngalih. Di pinggir jalan biasanya banyak acil-acil bejualan nasi kuning ni mulai nang harga 6000an sampai 15 ribu. Kaya yang ulun kesahkan di atas tadi. Iwaknya gin mulai hintalu, ayam, haruan sampai hati ada jua. Tekenanya bertambah tempe  atau mie ada jua nasi kuning ni tergantung nang bejual. Amun ulun ketuju makan nasi kuning pakai iwak haruan pang nah.  Ka...

Assalamu'alaikum acil-acil, paman-paman, kaka-kaka lawan ading-ading ulun nang ulun sayangi. Salam sejahtera gasan kita sabarataan. Mudah-mudahan kita semua selalu dalam keadaan selamat, baik di dunia maupun di akhirat ^^ Hari ini ulun handak mangacari bagian pian pulang nah lawan kuliner khas Amuntai, *lambaiakan kakamban habang*. Kuliner pilihan ulun kali ini ngarannya wadai cinta. Nah, suah lah pian marasa-i? Wadai nang sabuting ni terkenal banar di Amuntai. Ngarannya gen harat. Wadai cinta, singkatan dari CINcin TAlipuk, mbuahahaha. Sepiring wadai cinta (⺣◡⺣)♡* Cincin talipuk diulah dari biji buah kambang taratai nang banyak tumbuh di daerah rawa di Amuntai. Biji buahnya ni ditumbuk halus wan diayak supaya jadi galapung. Galapung ini lah nang diulah jadi wadai cincin tadi setelah ditambahi gula habang, gula pasir, wan galapung baras. Walaupun ngarannya cincin, tapi bentuk wadai nang ngini lebih mirip donat mini karena luangnya sabuting ja, kada ampat kayak wadai c...

Selamat datang kakawanan sabaratan, disini ulun handak menganal akan diri ulun, nama Nisa . Mudahan amun buhan pian  sudah kenal nginih kita jadi bubuhan kula dunia  wan akhirat. Aamiin. Di sini, ulun handak mengisahakan kayapa maulah bingka barandam. Sudah tahu berataan lo kayapa bingka barandam? Nyaman banar rasanya. Yang pamulaan harus disiap-akan adalah bahan dan alat yang handak kita gawi. Bahan: 1. Hintalo ayam ras 6 biji     sumber: www.google.com 2. Galapung 7 sendok     sumber: www.google.com 3. Gula sesadangnya jangan telalu banyak, karena banyu yang pakai merandam sudah bebuat gula jua     sumber: www.google.com 4. Pandan sakira harum     sumber: www.google.com 5. Banyu putih pakai menjarang bingka nya kaina, jadi amun kawa semakin banyak banyu putih semakin berandam bingka nya.     sumber: www.google.com Alat:  1. Mixer      sumber: www....

Bismillahirrahmanirrahim... Assalamu'alaikum kakawanan ulun sabarataan. Kayak apa habar pian? Mudah-mudahan kita semua disehatakan badan wan dimurahakan rejeki. Hari ini ulun handak bakisah tentang gula-an itik Amuntai. Selain gula batu itik, ada jua yang manyambat cemilan nang sabuting ngini lawan gula-an itik atawa gula gait itik atawa gulali itik. Nah, kanapa ngarannya gula batu itik padahal sabujurnya bentuknya bamacam-macam masih jadi misteri jua gasan ulun, *kana catuk*. Kamungkinan ja pang lah, nintu tu karena dahulu gula batu ini paling banyak diulah dalam bentuk itik. Saparanakan tu pang itiknya. Matan nang uma sampai nang anak ada gula batunya, hahaha. Ulun masih ingat dahulu waktu masih halus rasa sanang banar hati pas pamulaan sama sekali malihat gula-an itik nang bentuknya karanjang kambang. Akhirnya ada jua jer ulun bentuk nang lain salain kaluarga itik. Selain bentuk itik lawan karanjang kambang, gula batu ini ada nang babentuk kapal layar, kambang halus...

Ipau Assalamualaikum sanak ulun. Apa kabar dangsanak seberataan? Hari ini lun handak menulisakan sebuah wadai khas Ramadhan yang unik. Kenapa nah ulun sambat unik? Asbab kada semuaan urang Banjar tau lawan wadai ngini. Unik karena rasanya kada manis kaya wadai Ramadhan biasanya. Rasanya ni gurih, asin. Iyaaa, bujuy anaay... Eh, bujur banar. Ipau ngarannya. Han, suah lah pian mendangarnya? Memakannya? Suah lah? Amun balum suah, kadada salahnya membaca lagi ke bawah. Ay, supan mun sampai kada tau wadai khas Banjar, ya kalo? Ipauuu... Ipauuuu... Ipau. Iya, ipau. Kada salah ngarannya, dasar ipau. Aneh pank sebujurnya, asaan ngaran acil-acil, hahaha. Baca jua : Wadai Banjar Apam Surabi dan Lupis Ipau ngini wadai khas Banjar nang rasanya masin, bentuknya tu belapis-lapis, setiap lapisannya tu ada isiannya; tumisan wortel, kentang, daging, lawan intalu bejarang nang dihiris. Lalu dikuahi santan kental lawan diandaki bawang goreng. Ulun rajin beulah ini bila laki ulun ...

Kayapa habar bubuhan pian barataan? Baik haja kalu lah? Sadikit bakisah hulu nah. Asal mulanya ulun ni handak manulis tampat wisata nang hanyar “booming” di Barabai ngini. Tapi, bahujung kada jadi  manulis sebab ulun kada tapi panjalan ka tampat wisata. Nah, jadi ulun handak mambahas makanan haja nah. Buhan pian nang pina pangacaran, basiap-siap ha lah. Bisa langsung mang-gas handak mancari makanan nang ulun tulis ni di Barabai, Hulu Sungai Tengah. (Dasar bujurr melilih banyu liur, pas parut laparr pank tabaca nah *serbit mana serbit)  1. Apam Barabai Han, sapalih buhan pian pasti tahu sudah lawan wadai nangini. Ada dua buting pilihan rasa. Ada nang disambat urang apam putih. Ada jua nang disambat urang apam habang. Nang sabujurannya kada habang kada, tapi koneng eh kuning maksud ulun tih. (koneng tu nang gigi bemaju sikit kalo lah ka muka? Eh lain pulang lih, ngitu boneng)  Wadai ini sampai wayahini masih payu. Masih jua dijadiakan urang oleh-oleh hagan kalu...

Ada pasangan dari Soto Banjar nang pina jarang dibahas tapi sabujurnya tamasuk sabagai masakan khas Banjar jua dikatujui banyak urang. Di banua kita ini bila ada Soto Banjar maka kada langkap amun kadida sate. Kada afdhol buhannya ae amun makan soto kadida satenya. Bararti amun ada Soto Banjar ada jua Sate Banjar. Amun makan satenya haja bulihlah?? Bulih banaar! Tapi supaya ada kawannya, biasanya katupat dihiris halus-halus gasan kawan makan sate. Adakah bidanya antara Sate Banjar wan sate matan daerah lain? Nah, ulun di sini manulisakan napa-napa nang khas dari Sate Banjar. Nang khas dari Sate Banjar biasanya diulah dari hirisan daging, kulimbit, tulangan, hati-ampadal dari ayam. Ada jua nang maulah satenya dari daging sapi jua menjangan. Tapi nang rancak diulah biasanya dari ayam. Kekhasan bumbu gasan daging sate sebelum dibanam yaitu selain kecap & bumbu dasar jua ditambahi saus tomat. Jangan heran amun malihat sate nang dibanam pina bawarna habang. Nitu karena warn...

Assalamu'alaikum... Uiii bubuhannya. Sapa di sini nang katuju mamakan iwak talang? He'eh nang ngitu, iwak karing panyamannya wan palarangnya sabanjaran. Rarata pinanya mun bubuhan Banjar pasti katuju pang lah. Pian bujur urang Banjar kah lain? Tahu haja iwak talang teh kalu, telang kah talang kah? Hahaha... Bingung jua ulun asalnya, tapi pinanya nang bujur telang pang, mun talang tu lalu haja kaganangan talang banyu nang di hatap tu. Di Kalsel ni dairah perairan atawa babanyu jar urang tu, sualnya banyak banyu di mana-mana. Sungai banyak, pinggiran pantai gin panjang banar hujung ka hujung. Nah iwak talang nih hasil dari laut, nang asalnya iwak hidupnya bengaran iwak tenggiri. Amun pian ka pasar, han tahu haja luku iwak talang ni pelarangnya peiwakkaringan. Amun beikung rancak tu 90-100 ribu sakilu. Amun kada bakapala, awak haja, bisa 125 ribu sakilu. Han... Sama wan harga daging kalu. Mun urang manyambat uma ai kulirnya bebaya nukar iwak karing balarang-larang. Ngitu inya ba...

Assalamualaikum, kayapa habar? Sudah lah makan bubuhan pian? Nah, mun bapandir makanan ni pasti cagaran rami. Iya ae rami, Inya bubuhan Banjar ni banyak makanannya nang nyaman-nyaman. Daging buahnya sagan gaguduh, kulitnya sagan mandai sumber: Wikipedia.com Kada samata nyaman haja, bubuhan Banjar ni jua liwar kreatif bila bamasak. Misalnya nah, paku haja gen kawa diulah sayur, Han kayapa? 😂 Acil neh, begayaan saku lih. Tanaman paku buhannya ae maksud sidin tuh 😆. Diantara makanan yang menurut Acil nyaman-nyaman, ada jua kulinernya yang unik, yaitu Mandai. Apa ngitu Mandai? Mun kada urang Banua wajar haja mun kada tahu. Sini nah Acil padahakan. Mandai itu nang kaya asinan yang diulah dari kulit buah Cempedak atau tiwadak kami biasanya mengiau tanaman yang basapupu sekali lawan buah nangka wan  basapupu jauh lawan durian ngini. Hampir kedada yang terbuang dari tiwadak aka cempedak di wadah kami.  Biar kesannya pina kada membari kapingin, jangan dihawai ...