Langsung ke konten utama

Gula Batu Itik Amuntai Nang Manis

Bismillahirrahmanirrahim...

Assalamu'alaikum kakawanan ulun sabarataan. Kayak apa habar pian? Mudah-mudahan kita semua disehatakan badan wan dimurahakan rejeki.

Hari ini ulun handak bakisah tentang gula-an itik Amuntai. Selain gula batu itik, ada jua yang manyambat cemilan nang sabuting ngini lawan gula-an itik atawa gula gait itik atawa gulali itik.


Nah, kanapa ngarannya gula batu itik padahal sabujurnya bentuknya bamacam-macam masih jadi misteri jua gasan ulun, *kana catuk*. Kamungkinan ja pang lah, nintu tu karena dahulu gula batu ini paling banyak diulah dalam bentuk itik. Saparanakan tu pang itiknya. Matan nang uma sampai nang anak ada gula batunya, hahaha.

Ulun masih ingat dahulu waktu masih halus rasa sanang banar hati pas pamulaan sama sekali malihat gula-an itik nang bentuknya karanjang kambang. Akhirnya ada jua jer ulun bentuk nang lain salain kaluarga itik.

Selain bentuk itik lawan karanjang kambang, gula batu ini ada nang babentuk kapal layar, kambang halus, karanjang sasarahan, sampai sandal. Ada jua nang bantuknya kayak kalikir atawa bola halus. Nang bentuk bola halus ni favorit ulun banar bahari. Warnanya hijau lawan habang rajin tu, pina mangkilat ha mambari kapingin.

Nah, kebetulan ulun ada baisi foto nang bentuk itik lawan kambang halus haja nah. Mun pian handak malihat bentuk lainnya, silakan bajalanan ka Pasar Amuntai, hihihi.


Harga gula-an ni bamacam-macam. Tagantung lawan ganal halusnya gula-an, lawan rumit kadanya bentuknya. Nang bentuknya kambang halus kayak di bawah ni, 3 buting lima ribu harganya. Nang paling larang bisa sampai ratusan ribu.


Kalo soal rasa, nang ngarannya gula-an nintu, pasti rasanya manis, hihihi. Jangan tatipu lawan warna-warni-nya lah. Kalo pang pian kira nang warna hijau tu rasanya rasa melon atawa nang warna kuning tu rasanya rasa lemon. Rasanya sama haja barataan, manis kayak karamel.

Soalnya, gula batu itik ngini diulah dari gula nang dipanasakan jadi karamel. Gulanya dibari kasumba atawa pawarna makanan supaya bungas. Membentuknya ni harus capat-capat saat karamelnya panasnya pas. Kada kawa kapanasan atawa kadinginan. Bila talalu panas, bisa luyuh tangan acil, bila kadinginan bisa karas dah karamelnya, kada kawa dibentuk lagi.

Hen tabayang lah pian kayak apa terampilnya tangan-tangan acil-acil atawa paman-paman nang maulah gula-an ni. Parlu kecepatan, ketepatan wan kreatifitas tinggi jer urang tu. Makanya pas sudah jadi, gula-annya tu manis-manis, baik bentuk ataupun rasanya.

Nah, lucunya, ulun nang urang Amuntai asli ni, kada tahu kalau gula-an ni khas Amuntai. Maklum ulun jarang bajalanan ka banua urang, hihihi. Rasa kada percaya ulun nah kalau di daerah lain kada tapi ada urang bajual gula batu ngini. Mun di Amuntai gula-an ni nyaman banar dicari. Ada ja bubuhan pawadaian manjual satiap hari di Pasar Amuntai.

Gula batu ngini rancak jua dijadikan salah satu sasarahan pas urang banikahan. Ujar urang tuha bahari tu supaya kahidupan pernikahan pasangan pangantinnya samanis si gula batu.

Hen, mudahan kahidupan kita manis jua kayak gula-an itik ni lah. Ayuja, sekian dulu kisah ulun tentang gula batu itik Amuntai nang manis ngini. Ulun handak mamakan gula-annya dulu nah. Pina manggoda banar mulai tadi, hihihi. Bubuhan pian handak kah jua? Ayuuu... lakasi datangi ka Amuntai (๑>ᴗ<๑)

***

Penulis: irabooklover (www.irabooklover.com)

Komentar

  1. kok aku gk pernah nemu ini sih di acara nikahan. penasaran sama rasanya kak. hehehe
    apa harus ke Amuntai dulu

    BalasHapus
    Balasan
    1. Amunnya kadada di acara nikahannya, bisa jadi ada di acara resepsinya Ka. Kasi ka ke Amuntai, cobai gula batunya, dijamin nyaman, hihihi

      Hapus
  2. Pernah nyobain. Kebetulan ada yang jual di murjani. Memang enak. Sayang sekarang penjualnya nggak ada lagi.

    BalasHapus
    Balasan
    1. Berarti ada ja di Banjarbaru Kak lah, cuma ngalih dicari. Dasar paling nyaman mencarinya di Amuntai pang, ada setiap hari urang bajual di pasar ^^

      Hapus
  3. Ini langka bgt di banjarmasin, masa harus ke amuntai sih .. Pdahal justru jajanan legendaris gini yang bkin kangen dan tertarik di banding jajanan kekiniann hehe

    BalasHapus
    Balasan
    1. Langka Kak lah di Banjarmasin. Kasi Ka ke Amuntai, ada ja gula batunya ni tiap hari urang bajual di pasar XD

      Hapus
  4. Wah aku baru dengar nama kue khas ini, ternyata ada di Banjarmasin yah pdgl udh stgh tahun di sini hehe

    BalasHapus
    Balasan
    1. Inggih Ka, di Banjarmasin dasar jarang pang tadangar. Amunnya di Amuntai banyak ja gula batunya ni urang bajual ^^

      Hapus
  5. lucu juga, buat diicip2 boleh deh karena aku pribadi gak terlalu suka yang manis-manis.

    BalasHapus
    Balasan
    1. Boleh ae Ka icip-icip sadikit, sisanya gasan ulun lah, hihihi

      Hapus
  6. Ulun ranxak mun dapat ngini disimpan dlm kulkas sayang memakan. Hahahha..harat bnr acil2 yg beolah, mun ulun yg beolah paling sako bantuknya bulat2 haja. Wkwkwk

    BalasHapus
    Balasan
    1. Aaaaaai, mun ulun malah gagiritan handak mamakan, hihihi.

      Inggih Ka, harat acilnya nang maulah ni. Tapi pian kawa ja umpat mancoba-i dulu, siapa tahu sakalinya pian harat maulah jua hen XD

      Hapus
  7. Aaa... pertama kali nyobain gula batu ini kapan ya, pas masih kuliah kayaknya. Saat itu dibawain kakak. Suka sih dan khas banget. Tapi 1 buah gula batu itik sungguh tidak sanggup kuhabiskan sendiri mbak. hehe Harus rame2 makannya.

    BalasHapus
    Balasan
    1. Inggih Ka, dahulu dasar ganal-ganal gula batunya. Tapi wayahini ada dah Ka ai versi mininya, jadi kawa-ae kita habisakan sakali ngap, wkwkwk.

      Hapus
  8. ini nang bahari rancak dijual di SD tu iyalah yo? pamannya biasanya meulah bentuk burung. wkwk

    BalasHapus
    Balasan
    1. Inggih, iya ae Ka ae. Tapi entah kenapa parasa ulun rasanya pina talain saikit lawan ulahan paman di sakulahan tuh. Gara-gara lain tangannya nang maulah kalo lih, hihihi.

      Hapus
  9. Ini neh dahulu suah jua ulun mencobai, pernah ada bejualan di sekolahan kaitu. Kanakan cocok eiy pang mencobai neh. Hihi

    BalasHapus
    Balasan
    1. Inggih, cocok gasan kakanakan gula batunya ni, tapi mun urang tuhanya handak mancobai boleh ae jua Ka XD

      Hapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Pantun Basa Banjar Gasan Manjaga Warisan Budaya

Assalamualaikum sabarataan. Alhamdulillah ulun akhirnya berkesempatan manulis lagi disini. Buhan pian penasaran apa yang handak ulun kisahakan kah? Lakasi baca lah. Di tulisan ini ulun handak bakisah soal pantun basa Banjar. Buhan pian mungkin sudah tahu, urang Melayu tu kada talapas lawan kabiasaan bapantun. Urang Banjar nang sarumpun lawan Melayu damintu jua, harat-harat baulah pantun. Pantun basa Banjar kada balain pang lawan pantun basa lain. Ada katantuannya jua nang musti diumpati. Mun kada diumpati pantun nang diulah kada baik atawa bisa jua kada kawa disambat pantun. Mun kita maulah wadai tu ada tuangannya. Mun maulah baju, ada polanya. Sama haja lawan pantun. Pantun nang baik ada katantuannya, ada tuangan, ada polanya jua, ngini nah: 1. Pantun nang bagus tu baisian ampat buting baris. Dua baris nang panambaian ngarannya sampiran. Dua baris nang pauncitan ngarannya isi. 2. Pantun nang bagus tu ada pola bunyinya, atawa pola parsajakannya. Polanya tu: ab-ab. 3. Pantu

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu