ABOUT US

Kami adalah komunitas Narablog perempuan terbesar di Kalimantan Selatan

OUR TEAM

PENGURUS TAHUN 2020

  • Putri A. Santoso (Putri)

    Ketua Komunitas

    I long for the raised voice, the howl of rage or love.

  • Anis Winda (Niswin)

    Admin Sosial Media

    Contented with little, yet wishing for much more.

  • Triyatni Ashari (Tri)

    HR and Blog

    If anything is worth doing, it's worth overdoing.

OUR SKILLS

We pride ourselves with strong, flexible and top notch skills.

Marketing

Development 90%
Design 80%
Marketing 70%

Content Writing

Development 90%
Design 80%
Marketing 70%

SEO Article

Development 90%
Design 80%
Marketing 70%

ACHIEVEMENTS

We help our clients integrate, analyze, and use their data to improve their business.

150

GREAT PROJECTS WITH BRAND

300

MEMBERS

124000

TOTAL MEMBERS FOLLOWERS

STRATEGY & CREATIVITY

Innovation distinguishes between a leader and a follower.

BLOG ARTICLES

We pride ourselves on bringing a fresh perspective and effective marketing to each project.

  • Meratus Bahari, Wahini, wan Kena

    Meratus Bahari, Wahini, wan Kena


    Apa kabar pian Meratus kaina?
    Assalamu’alaikum....

    Buhan anak-anak Banua tahu ay lawan Meratus kalo? Apa yang ada dalam pikiran pian mendengar kata Meratus? Bujur banar, pegunungan, hutan, dan paru-paru dunia. Kada salah lagi, Meratus salah satu puzzle pembentuk paru-paru dunia. Tahu lah pian dimana Meratus tu andakannya? Dari sumber yang ulun dapatkan Meratus tu andakannya  membentang dari arah tenggara ke sebelah utara Kalimantan Selatan sampai ke perbatasan Kalimantan Timur.  Posisinya membelah wilayah Kalsel membaginya lereng barat dan timur.

    ini di surga? Laiin, ini di dunia masih

    Meratus ini bilang banyak banar di dalamnya kekayaan alam, dari macam-macam pohon sampai haiwannya.

    “Menurut  Whitmore 1984 dalam Whitten 1997,  Hutan Lindung Pegunungan Meratus dapat dikelompokkan sebagai Hutan Pegunungan Bawah (Lower Montane Tropical Rain Forest). Hutan pegunungan ini berdasarkan hasil survei mikro pada tahun 1984 (Badan Intag, 1984) dipenuhi oleh pepohonan: Meranti Putih (Shorea sp), meranti Merah (Shorea spp), Agathis (Agathis sp), Kanari (Canarium dan Diculatum BI), Nyatoh (Palaquium spp), Medang (Litsea sp), Durian (Durio sp), Gerunggang (Crotoxylon arborescen BI), Kempas (Koompassia sp), Belatung (Quercus sp)”.
    Pepohonan itu banyak jua dijadiakan gasan mata pencaharian bubuhan suku dayak yang badiam di dalamnya. Mereka mamanfaatkaan alam tapi sekaligus manjaganya, marawatnya, oleh sebab mereka paham bujur amun mereka marusak alam, alam kada lagi bersahabat lawan mereka, malah nyawa mereka nang jadi taruhannya kena.

    Andakan kawasan hutan Meratus ini di daerah hulu, Sanak ay, bagian dataran tinggi, jadi banyak sungai nang bermula dari sana. Jadi, hutan Meratus ini bisa disambat sumber mata air Kalimantan Selatan. Bila dibabat habis napa nang terjadi? Kawa ay pian mamikirakannya lo, pasti sumber banyu karing dan kita akan krisis banyu level kronis.

    Meratus ngini jua beisi lahan yang miring dan jenis tanah mudah erosi, terkikis. Jadi apa yang terjadi jika Meratus ni dibabat habis? Bisa ay pian pikirakan jua lo bila akar tanah nang menahani tanah kadada lagi karena pohonnya ditabasi. Longsor!

    Dari semuaan wilayah Meratus di Kalimantan, yang tersisa wayahini tinggal ¼ nya haja. Haan, tahulah buhan pian? Sisa ¼ itu andakannya di Kabupaten HST, Hulu Sungai Tengah, ampun buhan Barabai. Lainnya kemana? Habis ditambangi pank, kemana lagi 😢.

    Rimba terakhir kita

    Apa perasaan pian mun membaca “rimba terakhir”? Mun ulun sorang rasa sediiih banar, sedih yang menyanyat membayangkan kata “terakhir” nya tu nah. Nang kaya sama mun mendengar “kesempatan terakhir” sedihnya. Wahini Meratus sebagai kawasan hutan terakhir di Banua sedang terancam ditambang. Ulun kada kawa membayangkan napa nang akan terjadi. Biar ulun kada begana di Kalsel, mamikirakan nasib Meratus jujur haja meulah ulun sadih. Akankah paru-paru dunia terakhir nang Kalsel miliki ini akan musnah? Akankah anak cucu kita hanya kawa memandangi Meratus hanya foto-foto pendahulunya haja? Ya Alloh, sungguh ulun kada kawa membayangkan.....

    Bisakah kita mempertahankan Meratus wahini dan kaina? Supaya alam tatap bekawan lawan kita dan supaya kaina di akhirat kita kawa mempertanggung jawabkan di hadapan-Nya atas alam yang sudah dibarii secara percuma. Semoga kita bisa....


    Sumber gambar : https://fullsrg.blogspot.com/2014/06/eksotika-hutan-meratus.html
    Kontributor : Latifika Sumanti
    www.fika-su.com
  • Muharram, Minum Susu Sampai Mambubur Asyura

    Muharram, Minum Susu Sampai Mambubur Asyura

    sumber : http://banjarmasin.tribunnews.com

    Assalamu'alaikum sanak sekalian,

    Kali ini ulun handak membahas salah satu tradisi urang Banjar di bulan Muharram. Kada papa kalo lah membahasnya di bulan Maulud kaya ini. Hehe. Nang kaya kita tahu berataan, Muharram adalah tahun baru Islam, yang dirayakan hampir seberataan umat Islam di seluruh dunia, temasuk di negara kita. Bagaimana lawan urang Banjar? Urang Banjar ternyata termasuk yang sangat bergembira bila Muharram datang. Urang Banjar jua meanggap bulan ini istimewa.

    Tradisi Muharram di kalangan suku Banjar, Kalimantan Selatan jua unik dan sudah turun temurun terjaga. Buhan pian yang mungkin pernah bediam di beberapa daerah lain di Indonesia pasti kada pernah menamui hal yang sama seperti yang kita tamui di Banjar.

    Misalnya tradisi tanggal 1 Muharram. Manyambut tahun baru Islam ini, beberapa daerah meadaakan “ritual” khusus. Di Rantau, Kabupaten Tapin misalnya, tiap 1 Muharram masyarakat yang bediam di daerah situ  meminum susu putih manis. Terserah haja susunya bisa merek apa haja, kada ditentukan.
    Tapi biasanya bewarna putih dan berasa manis. Di Rantau, habis Sebahyang Subuh di mesjid-mesjid langsung disadiakan susu putih gasan jamaah yang habis sembahyang subuh. Kada di Mesjid atau langgar haja, di rumah gin urang minuman susu-an jua.  Urang Tuha sampai kakanakan dibari susu putih segelas di pagi 1 Muharram.

    Tahulah buhan pian, sekalinya ada  filosofi soal minum susu ini. Minum susu di hari pertama bulan Muharram sekalinya diartikan dengan niat kita untuk kehidupan yang lebih baik tahun berikutnya.
    Minum susu putih terutama susu putih yang manis jua sebagai harapan tahun yang kita jalani ini lebih manis. Jar urang, biar manis kesehatannya, manis kesejahteraan sampai manis dalam seberataan urusan yang hubungannya dengan Ketaqwaan kepada Allah.

    Puasa dan Bubur Asyura

    Keutamaan puasa di bulan Muharram pasti buhan pian sudah banyak yang tahu. Terutama di tgl 9 dan 10 Muharram. Uniknya, di masyarakat Islam Banjar nih, ada jua tradisi yang lain daripada yang lain.
    Tradisi itu adalah beolah bubur Asyura. Bubur asyura hanya bisa kita tamui setahun sekali yaitu pada 10 Muharram. Bubur ini dibuat bergotong royong oleh masyarakat yang bediam di berbagai wilayah di Banjarmasin pada khususnya dan masyarakat Banjar yang bediam di Hulu Sungai.

    Dalam buku “Islam dan Masyarakat Banjar”, Prof Alfani Daud  menulis tradisi bubur Asyura sudah ada dan berlangsung sejak ratusan yang lalu dalam budaya Islam masyarakat Banjar.

    Jar sidin, adanya tradisi acara Mambubur Asyura sebagai kenangan lawan momentum rasa syukur mengingat perjuangan pejuang kaum muslimin dahulu yang pernah mengalami masa-masa panceklik kelaparan. Makanya semua bahan-bahan apa saja yang bisa dimakan, dimasak langsung berataan.
    Rupanya, sampai wahini tradisi itu hidup tarus.  Kada meolahnya haja yang gotong royong, biasanya bahan-bahannya jua sumbangan sukarela dari warga yang bediam disitu. Ada yang manyumbang baras, bahan sayuran, ada jua yang duit. Terserah haja dan sesuai pemandiran dan kebiasaan tahun sebelumnya. Yang penting penuh ke-ikhlasan jar.

    Bubur Asyura sebujurnya kayak bubur biasa. Cara meolahnya jua mirip haja. Tapi yang lain, bubur Asyura ini  beras yang digabung lawan 41 bahan makanan lainnya dan habis itu dimasak menjadi bubur. Bahan makanan yang 41 macam itu bisa apa haja misalnya kangkung, bayam, kacangpanjang, tempe ,tahu , waluh (labu) sampai gumbili (ubi). Bubur ini digawi rami-rami di sebuah tempat yang sudah disepakati berataan. Terutama yang menggawi adalah buhan binian yang saat itu ada di rumah.

    Sedangkan tugas buhan lakian yang ada adalah menyalaakan bara apinya gasan memasak bubur tadi.
    Jangan takajut kalau 10 Muharram kita malihat di Banjar dan sekitarnya, urang sibuk dimana-mana, sampai ke gang-gang dan masjid-masjid. Ada yang tugasnya meracaki sayur-sayuran , ada jua yang tugasnya meaduk-aduk rinjing ganal (wajan-Red). Nah, biasanya bila bubur sudah masak sekitar waktu Zuhur tinggal didoakan haja. Yang betugas mendoakan ni biasanya Bapak-Bapak yang habis sembahyang Zuhur di Masjid.

    Gawian meolah bubur sudah tuntung. Tinggal tugas selanjutnya adalah menyebarakan bubur ntu. Hampir sekampungan biasanya mandapat bubur Asyura ini. Bisa jua urang membawa panci/mangkok ke tempat urang beolah bubur untuk maminta bubur Asyura gasan di rumah masing-masing.
    Yang kada puasa hari itu bisa langsung memakan haja buburnya. Panas-panas bubur Asyura ini nyaman banar, apalagi buburnya sudah didoakan. Pasti pulang sehat bergizi karena campuran sayurnya macam-macam. Dimakan pakai sambal labih nyaman lagi. Bisa tepaluh tu pang buhan pian. Nah, yang hari itu  puasa, bubur ini menjadi menu berbuka puasa pas magribnya.

    Sudahlah makan bubur Asyura 10 Muharram tadi? Selamat Tahun Baru Islam 1 Muharram 1440 H. Mudahan tahun ini kita berataan mendapat keberkahan dalam kehidupan. Aamiin.

    Penulis : Enny Ratnawati
    Blog : www.ennyratnawati.blogspot.com

  • WHAT WE DO

    Untuk job komunitas, kami telah bekerjasama dengan puluhan brand dalam 4 tahun terakhir. Juga berbagi agenda-agenda lainnya. Tidak termasuk dengan pengalaman kerjasama individu sebagai member

    CONTACT US

    For enquiries you can contact us in several different ways. Contact details are below.

    Silakan menghubungi kami melalui form kontak di bawah ini. Bisa juga menghubungi Putri 08971418636 (WA)

    Kami menerima berbagai tawaran kerjasama dengan Brand, baik produk maupun layanan. Kami akan berusaha merespon sesegera mungkin