 |
| Ipau |
Assalamualaikum sanak ulun. Apa kabar dangsanak seberataan? Hari ini lun handak menulisakan sebuah wadai khas Ramadhan yang unik. Kenapa nah ulun sambat unik? Asbab kada semuaan urang Banjar tau lawan wadai ngini. Unik karena rasanya kada manis kaya wadai Ramadhan biasanya. Rasanya ni gurih, asin.
Iyaaa, bujuy anaay... Eh, bujur banar. Ipau ngarannya. Han, suah lah pian mendangarnya? Memakannya? Suah lah? Amun balum suah, kadada salahnya membaca lagi ke bawah. Ay, supan mun sampai kada tau wadai khas Banjar, ya kalo?
Ipauuu...
Ipauuuu...
Ipau. Iya, ipau. Kada salah ngarannya, dasar ipau. Aneh pank sebujurnya, asaan ngaran acil-acil, hahaha.
Baca jua : Wadai Banjar Apam Surabi dan Lupis
Ipau ngini wadai khas Banjar nang rasanya masin, bentuknya tu belapis-lapis, setiap lapisannya tu ada isiannya; tumisan wortel, kentang, daging, lawan intalu bejarang nang dihiris. Lalu dikuahi santan kental lawan diandaki bawang goreng.
Ulun rajin beulah ini bila laki ulun handak. Sidin ketuju makanan masin daripada yg manis, minuman gin kada ketuju yang manis. Asbab bininya sudah cukup manis jar jadi kada perlu tambahan dari luar.
Hahahaha 😝
OOT banar nih, ayujaa minta maaf nah 😁.
Oya, jar ulun tadi kada semuaan lo urang Banjar tau ipau nih. Beberapa kali ulun suah tetamu urang Banjar dan ulun takuni "Tau ipau lah pian?", nah muha sidin menjawab tu kaya aneh lawan nama wadainya, "Ipau? Wadai ipau? Asa hanyar mendengar nah? Kayapa garang wadainya?"
Han lo, padahal umurnya nyata lebih tuha sidin pada ulun. Jadi, wadai ipau ini unik jar ulun tadi. Sudahnya ngarannya unik, kada seberataan urang Banjar tahu, rasanya pun masin di antara wadai Banjar yang terkenal manis wan liwar manis.
Ipau ni mun dijadiakan makanan pembuka puasa siap-siap kekanyangan pian. Hahaha... Karena sekali tegigit rasa handak tarus. Padahal karbo dan proteinnya tinggi banar. Ulun mun sudah temakan ipau ni kada sanggup lagi memasukkan nasi. Hibak Kaka ay 😭
Baca jua : 8 Macam Wadai Banjar
Nah, menulisakan ipau haja nih pina musti?
Ay, kada laaah.... Ulun bisa jua menulis resepnya. Cuma kepanjangan kaina tulisannya. Ulun sudah menulisakan di blog di www.latifika.com. Kekawanan ulun membaca resep tu langsung baliuran amun nang pintar bemasak langsung baulah jar. Hihihi....
Sekian dulu lah perkenalan lawan ipau. Mudahan kena ulun kawa bebagi kesah lagi di sini :)
Kontributor: Latifika (www.latifika.com)
"Ipau. Iya, ipau. Kada salah ngarannya, dasar ipau. Aneh pank sebujurnya, asaan ngaran acil-acil, hahaha"
BalasHapusWkwkwk, betul betul betul, kayak ngaran acil-acil.
Ulun tamasuk yang kada tahu lawan wadai ipau ne. Pernah melihat sambil lalu ja di akun instagram kawan. Kayak apa lah rasanya? Penasaran nah XD
dulu aku kira ipau itu nama acil yang jualan hahahaha
BalasHapusmaklum pas baru pindah. ala arabian food gitu yaaa
kalo puasaan bos di kantor suka banget beli ipau buat buka.
Ipau ni mun di Barabai banyak banar urang bajual bila puasaaan. Suka pilih, tp harus mamilih nang nyaman pang. Hen gawian ketuju menukar haja ulun ni, meulah kd bisa. Haha
BalasHapusUma nyamannya lah ipau asa handak nah memakan Pina meolah kapingin melihat uwuuuu
BalasHapusAku penggemar di ipau ini nih mbak.. Enak itu tuh. Aku ada langganan ipau terenak nih pas bulan puasa.
BalasHapusIpau ini wadai langka biasanya pas ramadhan aja, untung kemarin smpet cobaa hehe Rasanya enak klo kta org sih lasagna org banjar hehe
BalasHapuspertama kali nyoba ipau pas ramadan kemarin.
BalasHapuslucu rasanya, ada sayur sayurnya ada lemak lemak santannya gitu :D
salam,
rizkyashya.com
Homa, rasa teliur melihat nah. Dasar nyaman kam ipau nih. Lancak mun bulan puasa meolah jua. Habis seloyang makan serongan. Haha
BalasHapusAku ga bisa makan ipau neh, cemana lah rasa kek enek tp mungkin emang ga bisa makan yg beginian. huhu
BalasHapusLun katuju banar lawan Ipau neeeh. Apalagi pas nang badagang baulah patis sambalnya nyaman. Ubuy, rasa kada cukup tupang sahiris
BalasHapus