Langsung ke konten utama

Ipau, Wadai Banjar nang Unik


Ipau

Assalamualaikum sanak ulun. Apa kabar dangsanak seberataan? Hari ini lun handak menulisakan sebuah wadai khas Ramadhan yang unik. Kenapa nah ulun sambat unik? Asbab kada semuaan urang Banjar tau lawan wadai ngini. Unik karena rasanya kada manis kaya wadai Ramadhan biasanya. Rasanya ni gurih, asin.

Iyaaa, bujuy anaay... Eh, bujur banar. Ipau ngarannya. Han, suah lah pian mendangarnya? Memakannya? Suah lah? Amun balum suah, kadada salahnya membaca lagi ke bawah. Ay, supan mun sampai kada tau wadai khas Banjar, ya kalo?

Ipauuu...

Ipauuuu...

Ipau. Iya, ipau. Kada salah ngarannya, dasar ipau. Aneh pank sebujurnya, asaan ngaran acil-acil, hahaha.

Baca jua : Wadai Banjar Apam Surabi dan Lupis





Ipau ngini wadai khas Banjar nang rasanya masin, bentuknya tu belapis-lapis, setiap lapisannya tu ada isiannya; tumisan wortel, kentang, daging, lawan intalu bejarang nang dihiris. Lalu dikuahi santan kental lawan diandaki bawang goreng.

Ulun rajin beulah ini bila laki ulun handak. Sidin ketuju makanan masin daripada yg manis, minuman gin kada ketuju yang manis. Asbab bininya sudah cukup manis jar jadi kada perlu tambahan dari luar.

Hahahaha 😝

OOT banar nih, ayujaa minta maaf nah 😁.

Oya, jar ulun tadi kada semuaan lo urang Banjar tau ipau nih. Beberapa kali ulun suah tetamu urang Banjar dan ulun takuni "Tau ipau lah pian?", nah muha sidin menjawab tu kaya aneh lawan nama wadainya, "Ipau? Wadai ipau? Asa hanyar mendengar nah? Kayapa garang wadainya?"

Han lo, padahal umurnya nyata lebih tuha sidin pada ulun. Jadi, wadai ipau ini unik jar ulun tadi. Sudahnya ngarannya unik, kada seberataan urang Banjar tahu, rasanya pun masin di antara wadai Banjar yang terkenal manis wan liwar manis.

Ipau ni mun dijadiakan makanan pembuka puasa siap-siap kekanyangan pian. Hahaha... Karena sekali tegigit rasa handak tarus. Padahal karbo dan proteinnya tinggi banar. Ulun mun sudah temakan ipau ni kada sanggup lagi memasukkan nasi. Hibak Kaka ay 😭

Baca jua : 8 Macam Wadai Banjar






Nah, menulisakan ipau haja nih pina musti?

Ay, kada laaah.... Ulun bisa jua menulis resepnya. Cuma kepanjangan kaina tulisannya. Ulun sudah menulisakan di blog di www.latifika.com. Kekawanan ulun membaca resep tu langsung baliuran amun nang pintar bemasak langsung baulah jar. Hihihi....

Sekian dulu lah perkenalan lawan ipau. Mudahan kena ulun kawa bebagi kesah lagi di sini :)

Kontributor: Latifika (www.latifika.com)
Label:

Komentar

  1. irabooklover3 Juli 2019 pukul 11.19

    "Ipau. Iya, ipau. Kada salah ngarannya, dasar ipau. Aneh pank sebujurnya, asaan ngaran acil-acil, hahaha"

    Wkwkwk, betul betul betul, kayak ngaran acil-acil.
    Ulun tamasuk yang kada tahu lawan wadai ipau ne. Pernah melihat sambil lalu ja di akun instagram kawan. Kayak apa lah rasanya? Penasaran nah XD

    BalasHapus
  2. lilpjourney.com | @putriii_santoso4 Juli 2019 pukul 09.33

    dulu aku kira ipau itu nama acil yang jualan hahahaha
    maklum pas baru pindah. ala arabian food gitu yaaa

    kalo puasaan bos di kantor suka banget beli ipau buat buka.

    BalasHapus
  3. Rindang Yuliani4 Juli 2019 pukul 13.03

    Ipau ni mun di Barabai banyak banar urang bajual bila puasaaan. Suka pilih, tp harus mamilih nang nyaman pang. Hen gawian ketuju menukar haja ulun ni, meulah kd bisa. Haha

    BalasHapus
  4. Eny kadinda Aprilya4 Juli 2019 pukul 19.14

    Uma nyamannya lah ipau asa handak nah memakan Pina meolah kapingin melihat uwuuuu

    BalasHapus
  5. Hairun Nisa5 Juli 2019 pukul 09.32

    Aku penggemar di ipau ini nih mbak.. Enak itu tuh. Aku ada langganan ipau terenak nih pas bulan puasa.

    BalasHapus
  6. Melisa Carollina5 Juli 2019 pukul 10.18

    Ipau ini wadai langka biasanya pas ramadhan aja, untung kemarin smpet cobaa hehe Rasanya enak klo kta org sih lasagna org banjar hehe

    BalasHapus
  7. Rizky Ashyanita5 Juli 2019 pukul 10.25

    pertama kali nyoba ipau pas ramadan kemarin.
    lucu rasanya, ada sayur sayurnya ada lemak lemak santannya gitu :D


    salam,

    rizkyashya.com

    BalasHapus
  8. Aswinda Utari5 Juli 2019 pukul 11.19

    Homa, rasa teliur melihat nah. Dasar nyaman kam ipau nih. Lancak mun bulan puasa meolah jua. Habis seloyang makan serongan. Haha

    BalasHapus
  9. Rima Angel5 Juli 2019 pukul 12.02

    Aku ga bisa makan ipau neh, cemana lah rasa kek enek tp mungkin emang ga bisa makan yg beginian. huhu

    BalasHapus
  10. Zulaeha Achmad5 Juli 2019 pukul 12.34

    Lun katuju banar lawan Ipau neeeh. Apalagi pas nang badagang baulah patis sambalnya nyaman. Ubuy, rasa kada cukup tupang sahiris

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami
13 komentar
Baca selengkapnya

Belajar Istilah Banjar

  Halo! Apa habar buhan pian sabarataan? Mudahan baik ajaa lah sabarataan, sehat selalu dan dijauhkan dari panyakit.   Nah kali ini ulun handak memadahkan beberapa istilah dalam bahasa Banjar yang mungkin banyak dari pian masih balum tahu karena kada tebiasa berbahasa banjar sehari-hari, atau hanyar aja pindah ke banjar. Oiya, ulun ingat banar bahari pas SD balajar bahasa Banjar muatan lokalnya, amun wahini masih jua kah kakanaan tahu di istilah ni?   Berikut beberapa istilah dalam bahasa Banjar:   1. Salesmaan   Salesma sabujurnya adalah ngaran virus yaitu virus salesma, yang begejala behingusan atau pilek. Nah rancak urang tetap menyambat salesmaan jua amun ada nang kena flu karena gejala si salesma lawan flu nih mirip yang nyata bahingusan lawan batukan.   2. Hawai   Hawai nang ini lain ngaran wilayah lah, hawai nang dimaksud di sini tu artinya semacam sunyi tu nah, misalnya urang tebiasa di kota lalu bejalanan ke desa pasti lain suasananya, tebiasa pina rami
6 komentar
Baca selengkapnya

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu
8 komentar
Baca selengkapnya