Langsung ke konten utama

6 Macam Menu Sarapan Urang Banjar

Assalamu'alaikum sanak blogger

Apa habar pian hari ini? Mudahan sehat berataan lah.

Sarapan apa pian pagi ini? Amun ulun biasanya sarapan nasi kuning. Menukarnya di pinggir jalan tu nah nang banyak acil bejualan nasi kuning. Tapi tekenanya ada jua ulun nukar nasi goreng di warung ya tu sekira kada munyak. Hihi.

Kali ini ulun handak bekisah tentang macam-macam menu sarapan urang Banjar. Apa ja yo kira-kira menunya? Baca sampai habis tulisan ulun lah.

1.Nasi Kuning Banjar




Nasi kuning masak habang ni pinanya menu nang paling rancak dijadikan menu sarapan urang Banjar. Mencarinya jua kada ngalih. Di pinggir jalan biasanya banyak acil-acil bejualan nasi kuning ni mulai nang harga 6000an sampai 15 ribu. Kaya yang ulun kesahkan di atas tadi. Iwaknya gin mulai hintalu, ayam, haruan sampai hati ada jua. Tekenanya bertambah tempe  atau mie ada jua nasi kuning ni tergantung nang bejual. Amun ulun ketuju makan nasi kuning pakai iwak haruan pang nah.  Kalau buhan pian katuju pakai apa?

2. Lontong Banjar





Kawannya nasi kuning ni iya lontong. Inya biasanya amun ada urang bejual nasi kuning ada jua bejual lontong ni. Ulun ketuju jua makan lontong ni gasan sarapan tapi amun parut kada tahan bisa ke wc tarus am kesungsungan. Soalnya kuah lontongnya  besantan.  Habis dikuahi santan, lontong urang Banjar ditambahi lagi masak habang jua kaya nasi kuning. Iwaknya gin sama jua. Nah, amun pian handak merasai lontong nang terkenal di Banjar kawa ke Lontong Orari di Kampung Melayu.

3. Pundut nasi





Pernahlah pian memakan Pundut nasi ni? Pundut nasi ini meulahnya beras dibuat di daun nang dibentuk kayak bungkus nasi imbah tu barasnya dikubui santan hanyar dikukus. Rasanya lamak-lamak kaya tu jadinya. Biasanya memakan Pundut nasi ni pakai sambal masak habang jua dikubui di atasnya. Amun rajin bisa jua makannya pakai iwak atau hintalu nyaman jua.

4. Buras / Lapat




Nah amun buras atau lapat ni meulahnya pakai nasi lembek yang sudah besantan tu nah habis tu diandak di Daun pisang habis tu digulung kaya pais hanyar ditangkupkan dan diikat pakai tali rapia. Meikatnya ni pisit-pisit supaya burasnya padat. Habis diikat tu buras ni dijarang pulang sampai masak. Menjarangnya ni gin kada setumat jua 3 sampai 4 jam-an. Amun pundut nasi dimakan pakai sambal masak habang buras dimakan pakai sambal kacang.

5. Mie Habang





Mie habang tekenanya jadi pilihan jua gasan menu sarapan urang banjar. Biasanya mienya ni ditambah intalu behiris. Ada jua mie habang nang makannya pakai kuah soto bertambah ceker tergantung selera nang memakan. Amun ulun makan mie habang ni betambah kecap aja pang biasanya.

6. Soto Banjar



Menu terakhir yang biasanya jadi sarapan urang Banjar adalah soto Banjar. Soto Banjar ni nyaman pang dimakan gasan sarapan sebab rasanya nang berempah tu. Amun handak asik kawa jua makan soto banjar di pasar terapung di warung kapal sekira terasa sensasi makan di atas perahu. atau bisa jua pian mencobai soto bang amat atau soto Bawah jembatan nang terkenal nyamannya

Nah itu haja kira-kira info yang kawa ulun bagi lawan pian. Buhan pian katuju nang mana? Semoga bermanfaat gasan kekawananku seberataan.

Wassalamu'alaikum wr. Wb

***
Nang manulis: Antung Apriana (https://www.ayanapunya.com/)
Nang ma-edit: Enny Ratnawati (https://www.ennyratnawati.com)

Komentar

  1. Pundut nasi lawan mie habang lagi ulun kada pernah makan.

    BalasHapus
    Balasan
    1. Inggih ka, mudah-mudahan pian kawa marasa-i pundut lawan mie habang jua. Kada kalah nyamannya lawan nang lain. Mantull!!! XD

      Hapus
  2. Semuanya kesukaan ulun. Yang paling ketuju lontong lawan mie habang.

    BalasHapus
    Balasan
    1. Tosss Ka, ulun paling katuju jua mie habang, nyam-nyam! XD

      Hapus
  3. Seberataan ulun katuju. Hahaha. Nyaman2 dasar makanan orang Banjar nih. Kada pas sarapan haja, makan siang atau makan malam gin mun ada menu2 di atas ulun makan jua.

    BalasHapus
    Balasan
    1. Bujur banar Ka, pagi siang sore cucuk jua ni di makan, enak..enak..enak.. XD

      Hapus
  4. aku suka mie habang hehehe
    apa lagi kalo banyak bawang merah gorengnya. syedep. hehehe

    BalasHapus
    Balasan
    1. Akur Ka, mie habang batabur bawang goreng memang sedaaaaaap, *titikbanyuliur*, XD

      Hapus
  5. pina nya tasalah membuka ngini maka meolah lapar tee..hahaha

    BalasHapus
  6. ulun paling ketuju nasi kuning pakai iwak haruan. heu

    BalasHapus
  7. Ulu n katuju barataan.jadi bingung nang mana nang paling katuju hahahaha...ayo nah adakah yang membawai makanan nasi kuning dll? ulun mau ja hehe

    BalasHapus
    Balasan
    1. Wkwkwkwk, bujur Ka, dasar nyaman barataan, bingung mamilih jadinya XD

      Hapus
  8. Aku biasanya amun baisukan katuju makan wadai haja nang kaya Roti kamir, roti pisang, amparan tatak, pais, guguduh sanggar, lupis, dll.

    BalasHapus

Posting Komentar

Postingan populer dari blog ini

Wajib Dihindari, Inilah 7 Kandungan Berbahaya pada Sunscreen

Berdasarkan fungsinya, sunscreen sudah menjadi bagian penting dari deretan skincare kamu. Kulitmu akan terlindung dari sinar UVA dan UVB berkat pemakaian sunscreen . Akan tetapi, tahukah kamu jika ada kandungan berbahaya dalam sunscreen ? Mulai sekarang, selektiflah memilih sunscreen karena beberapa di antaranya bisa jadi mengandung bahan berbahaya berikut ini. Yuk, simak! 1.      Oxybenzone Oxybenzone sangat efektif melindungi kulit dari sinar UV, tetapi menyebabkan berbagai reaksi tidak bersahabat dari kulitmu. Oxybenzone menyebabkan kulit kemerahan, kering, berjerawat, dan reaksi alergi lainnya. Kandungan ini juga menembus kulit, sehingga mempermudah bahan kimia lainnya menyerap di kulit. Berdasarkan penelitian, Oxybenzone ternyata mengganggu kinerja hormon dalam tubuh, lho. Lebih dari itu, Oxybenzone juga merupakan bahan aktif yang berdasarkan penelitian juga berbahaya untuk lingkungan. Oxybenzone bisa merusak koral atau karang di laut. Bayangkan, bagaimana j...

4 Cafe di Banjarmasin Nang Cocok Gasan Bagawian

Assalamualaikum, kayak apa habar pian sabarataan? Mudahan pian barataan sehat-sehatlah. Ulun Ashya, nang beisi blog www.rizkyashya.com  . Ulun handak batukar habar nah tentang café nang cocok banar gasan begawian di Banjarmasin. Siapa tau pian handak mencobai begawian di café, ulun bari rekomendasinya. Kalo pian panasaran jangan dilalui haja tulisan ulun nang ini lah. Office Coffee Ini café favorit ulun gasan begawi. Parak lawan kantor ulun, menunya lengkap mulai makanan barat sampai ringan, lawan colokannya banyak banar. Kalo ulun begawi disana, ulun pasti kada ingat diwaktu. Suah ulun bagawi dari jam 1 siang sampai 9 malam kada barasa karena tempatnya nyaman banar. Nang mungkin minus dari café ini harganya larang banar, tapi asli nyaman rasa makanannya jadi ya kaya apa am lagi harga kada kawa didustai jar urang. Alamat : Jalan M.T Haryono No 32, Banjarmasin Instagram : @office.coffee.official Harga : Rp 35.000,- sd Rp 100.000,- Kawai Kofie Nah, kalo café ini parak lawa...

4 Andil Blogger Perempuan dalam Meningkatkan Partisipasi Politik

Politik erat kaitannya dengan berpendapat atau menyuarakan pendapat. Bahkan, akhir-akhir ini terjadi krisis demokrasi yang mempertanyakan keadilan. Akibatnya, terdapat krisis kepercayaan dalam memilih wakil rakyat. Apakah kamu juga mengalaminya? Mulai sekarang, para pihak mulai berbenah dan banyak menyuarakan sikap politik yang baik. Salah satunya adalah blogger perempuan yang mengambil peran meningkatkan partisipasi politik. Inilah beberapa hal yang disuarakan para blogger perempuan demi meningkatnya peran masyarakat dalam politik. 1.      Jangan Golput Golput atau golongan putih adalah pihak-pihak yang tidak mau menentukan pilihan dalam pemilu. Hal ini umumnya timbul karena kekecewaan terhadap para calon wakil rakyat. Banyak janji manis dari calon wakil rakyat yang membuat banyak orang ragu dan malas memilih hingga akhirnya menempuh jalan golput. Golput ini sangat disayangkan karena hak suara seseorang tidak berfungsi. Bahkan, hal yang berbahaya adalah suara yan...