Assalamu'alaikum...
Uiii bubuhannya. Sapa di sini nang katuju mamakan iwak talang? He'eh nang ngitu, iwak karing panyamannya wan palarangnya sabanjaran. Rarata pinanya mun bubuhan Banjar pasti katuju pang lah.
Pian bujur urang Banjar kah lain? Tahu haja iwak talang teh kalu, telang kah talang kah? Hahaha... Bingung jua ulun asalnya, tapi pinanya nang bujur telang pang, mun talang tu lalu haja kaganangan talang banyu nang di hatap tu.
Di Kalsel ni dairah perairan atawa babanyu jar urang tu, sualnya banyak banyu di mana-mana. Sungai banyak, pinggiran pantai gin panjang banar hujung ka hujung. Nah iwak talang nih hasil dari laut, nang asalnya iwak hidupnya bengaran iwak tenggiri.
Amun pian ka pasar, han tahu haja luku iwak talang ni pelarangnya peiwakkaringan. Amun beikung rancak tu 90-100 ribu sakilu. Amun kada bakapala, awak haja, bisa 125 ribu sakilu. Han... Sama wan harga daging kalu. Mun urang manyambat uma ai kulirnya bebaya nukar iwak karing balarang-larang. Ngitu inya banarai kada tahu, nang kayapa nikmatnya mamakan iwak talang ngini. Ulun maraha larang tatapai ulun tukari, tapi manawar bahimat pang hulu. Ngitu gin nukar paling saun ha, dusah bakilu-kilu, kalu pina pagi siang malam maiwak karing tarus kalu naik tensi. Hahaha.
Iwak karing talang ni rancak tu kawa dimasak bagarih lawan santan, tapi bagarih ni rancak nyaman dari iwak karing haruan pang. Cuma amun kulir batulang, dasar nyaman iwak talang nang bagarih. Nang paling tarkanal wan paling payu amun di pasar wadai bulan puasa tu iwak karing talang dimasak asam padas. Uma heh, titik banyu liur manulis masak asam nih. Han, kayapa lagi nyamannya, manulis ngaran masakannya haja taliur ulun (hadang, balap hulu ulun batisu nah).
Maulah iwak karing asam padas tu nyaman haja. Babaya bawang habang, bawang putih, tumat, lumbuk, uyah, gula, lawan asam jawa. Minyak sadikit ja gasan maharu, tasarah haja mun handak batambah banyu saikit atau kada babanyu kada papa jua. Padas-padas nyaman banar tu pang, saku kawa 2-3 piring amun dapatnya talang asam padas nih. Eh tapinya ada lagi seuting, kawa di makan baguring haja, tapi bacacahan asam. Uma... Pacah di ilat, apalagi mun taigut lumbuk rawit, ubuyyy..lain titik liur lagi, titik banyu mata dapatnya.. Haha..
Amun pian titik jua liur mangganang iwak talang, lajui ja nukar. Tapi hati-hati aja pang, sualnya rancak tu marga inya larang ada haja nang bajual talang lain tenggiri. Matan iwak lain bahannya. Rancak mun lawan paman sayur menyambatnya lain "Telang bujur". Kayapa handak tahu telang bujur atawa kada? Gampang haja, bila murah, lain asli to. Lawan rancak ukurannya tahalus. Mun palsu tu kada pang, cuma dasar kada senyaman talang bujur pang. Malah rancak tu bisa gatal mun lain telang bujur nih. Cucuk-cucukan pang leh. Mun ulun rancak gatal mun tamakan nang lain telang bujur dah.
Nah, ngitu hulu lah kisah ulun tantang iwak telang. Lajui sudah nukar iwaknya mun handak. Amun kulir, nukar haja nang sudah masak di warung, rancak tu ada ai.
Salah khilap acil minta maap lah.
Redaksi: Ruli Retno (author on www,ruliretno.com)
Uiii bubuhannya. Sapa di sini nang katuju mamakan iwak talang? He'eh nang ngitu, iwak karing panyamannya wan palarangnya sabanjaran. Rarata pinanya mun bubuhan Banjar pasti katuju pang lah.
Pian bujur urang Banjar kah lain? Tahu haja iwak talang teh kalu, telang kah talang kah? Hahaha... Bingung jua ulun asalnya, tapi pinanya nang bujur telang pang, mun talang tu lalu haja kaganangan talang banyu nang di hatap tu.
Di Kalsel ni dairah perairan atawa babanyu jar urang tu, sualnya banyak banyu di mana-mana. Sungai banyak, pinggiran pantai gin panjang banar hujung ka hujung. Nah iwak talang nih hasil dari laut, nang asalnya iwak hidupnya bengaran iwak tenggiri.
Amun pian ka pasar, han tahu haja luku iwak talang ni pelarangnya peiwakkaringan. Amun beikung rancak tu 90-100 ribu sakilu. Amun kada bakapala, awak haja, bisa 125 ribu sakilu. Han... Sama wan harga daging kalu. Mun urang manyambat uma ai kulirnya bebaya nukar iwak karing balarang-larang. Ngitu inya banarai kada tahu, nang kayapa nikmatnya mamakan iwak talang ngini. Ulun maraha larang tatapai ulun tukari, tapi manawar bahimat pang hulu. Ngitu gin nukar paling saun ha, dusah bakilu-kilu, kalu pina pagi siang malam maiwak karing tarus kalu naik tensi. Hahaha.
 |
| source: tokopedia |
Maulah iwak karing asam padas tu nyaman haja. Babaya bawang habang, bawang putih, tumat, lumbuk, uyah, gula, lawan asam jawa. Minyak sadikit ja gasan maharu, tasarah haja mun handak batambah banyu saikit atau kada babanyu kada papa jua. Padas-padas nyaman banar tu pang, saku kawa 2-3 piring amun dapatnya talang asam padas nih. Eh tapinya ada lagi seuting, kawa di makan baguring haja, tapi bacacahan asam. Uma... Pacah di ilat, apalagi mun taigut lumbuk rawit, ubuyyy..lain titik liur lagi, titik banyu mata dapatnya.. Haha..
 |
| source: cookpad |
Amun pian titik jua liur mangganang iwak talang, lajui ja nukar. Tapi hati-hati aja pang, sualnya rancak tu marga inya larang ada haja nang bajual talang lain tenggiri. Matan iwak lain bahannya. Rancak mun lawan paman sayur menyambatnya lain "Telang bujur". Kayapa handak tahu telang bujur atawa kada? Gampang haja, bila murah, lain asli to. Lawan rancak ukurannya tahalus. Mun palsu tu kada pang, cuma dasar kada senyaman talang bujur pang. Malah rancak tu bisa gatal mun lain telang bujur nih. Cucuk-cucukan pang leh. Mun ulun rancak gatal mun tamakan nang lain telang bujur dah.
Nah, ngitu hulu lah kisah ulun tantang iwak telang. Lajui sudah nukar iwaknya mun handak. Amun kulir, nukar haja nang sudah masak di warung, rancak tu ada ai.
Salah khilap acil minta maap lah.
Redaksi: Ruli Retno (author on www,ruliretno.com)
Editor: Gita Puteri
Uma telang... Dasar nyaman banar ini. Marga tiap manilpun kuitan hahari basambat iwak talang ha tarus, harau pas bulik ka Banua disangui sidin dua kilu cil ae... aman pang pinanya ulun ni sabulanan mun kada baduit cil ae,
BalasHapusada haja stoknya (Nauzubillah pang tapi lah saban hari makan iwak karing pulang hahaha).
Titik liur acil baisukan mambaca nginih, lalu bacacarian hampalam ha handak baulah cacahan asam. Sasabulan gin kada tadapat iwak ni asa kaganangan banar sudah
BalasHapusUlun katuju nang bagarih santan padas, ubuy tulung jauhakan rice cooker amunnya tadapat makanan ngitu
BalasHapusIni menu wajib keluargaku pas Ramadan lho. Ih sebentar lagi. Biasanya kalau gak beli, suami aku yang masak ini. Dia jago masak telang asam manis😊
BalasHapusIni menu wajib keluargaku pas Ramadan lho. Ih sebentar lagi. Biasanya kalau gak beli, suami aku yang masak ini. Dia jago masak telang asam manis😊
BalasHapusMun urang banjar kada tahu di iwak talang nginih telalu banar. Iwak fenomenal nang meulah kada kanasian. Apalah pizza lawan lasagna tuh timbai ja dapatnya nginih. Haha
BalasHapusUma telang ini selalu jadi primadona 😂, biar kaya apa ja Mun ada telang nih pasti bertambah 😂
BalasHapusOmoo timbul kacar handak makan iwak karing wkwk becacapan asam kamal hhe
BalasHapusSetujuuuuuu~ uln di goreng aja itu di makan nasi bekuah teh. MasyaAllah, ngileeeer
BalasHapus