Langsung ke konten utama

Bajalanan Ka Danau Tamiyang Di Daerah Mandikapau

Assalamualaikum wr wb, apa habar pian sabarataan? Mudahan pian Berataan sehat-sehatlah.

Perkenalkan dahulu, ulun Ashya beisi blog www.rizkyashya.com, mun pian kadada gawian jangan kada ingat lah mampir ke blog ulun.

 

Nah, artikel Banjar Corner ini ulun handak bakisah pengalaman ulun jalan-jalan ka Danau Tamiyang. Sebenarnya kada jalan-jalan jua, pas ulun lawan kawan ulun handak bulik dari Begawi melihati ada danau, jadi langsung mampir. Gak nyesel banget ulun mampir ke Danau itu.

 

Gambar : visitkalsel.com

 

Wisata Danau Tamiyang bagana di Kawasan Pegunungan Meratus, bejarak 23Km dari Kota Martapura. Alamat lengkap Danau Tamiyang di Desa Mandikapau, Kecamatan Karang Intan, Kabupaten Banjar. Bila bagian pian bejalan dari Banjarbaru, saran ulun pian ambil jalan ka arah Mandiangin. Sebelah kiri jalan ada plang tulisan Danau Tamiyang, nah pian ikuti tullisan itu ja. Jalannya gampang aja, karna sudah diaspal. Kadada belok-belok, lurus aja ikuti jalan.

 

Pas ulun melihati Danau Tamiyang ini, ulun takajut soalnya danaunya bersih lawan rapi. Kada cuma wisata Danau, mun pian ke Danau Tamiyang pian kawa bermain sepeda air lawan speed boat. Kada hanya itu ja, dihiga danau yang terbentuk dari bendungan karang Intan ini dibangun beberapa gazebo, jalan tracking, warung makan, WC, lawan ruang ganti.

 

Yang membuat bungas danau ini adalah adanya jembatan yang dicat warna-warni yang membelah Danau Tamiyang, buhannya menyebut Jembatan Pelangi. Bukit-bukit juga keliatan bungas, kaya gambaran kaitu. Mun pian handak foto-foto, ada jua beberapa spot foto yang backgroundnya danau. Kira-kira ada 10 lakasi foto. Yang handak selfie-selfie ada jua spot-spot fotonya.

 

Gambar : rizkyashya.com

Biaya masuk jua murah menurut ulun, sekitaran Rp 5.000,- kalo kada Rp 10.000,-. Ulun kada ingat soalnya pas kesana ulun kada bayar, hehe. Murah banar kan? Kawa misal korona ni ampih buhan pian bejalanan ka Danau Tamiyang lawan keluarga.

 

Nah, itu cerita ulun bejalanan di Danau Tamiyang. Mudahan Covid-19 cepat ampih ya, biar kita bisa bejalanan tanpa harus khawatir.

 

Sehat-sehat pian berataan.

Salam

Rizky Ashyanita (www.rizkyashya.com)

 

Label:

Komentar

  1. Rindang Yuliani14 Juli 2021 pukul 17.02

    Ulun kira awalnya Danau Tamiyang tu di Kalteng sana karena ada ngaran kota kabupaten Tamiyang Layang di sana, sekalinya di Banjarbaru haja leh.

    BalasHapus
  2. Maria Tanjung Sari15 Juli 2021 pukul 17.08

    Jadi kangen nih ke Banjarmasin. Saya terakhir pas 2015 ke sana ada nikahan saudara sepupu suami. Kalimantan ini bagus kok pemandangan dan objek wisatanya

    BalasHapus
  3. Enny Ratnawati16 Juli 2021 pukul 07.44

    Wah Ulun ja yang orang Banjar belum pernah ke danau ini
    Sekalinya bagus banar lah hehehe

    BalasHapus
  4. Niswin16 Juli 2021 pukul 09.04

    asa suah kesana ih, itu yang ada ranting yang warna warni tu lah yo? kada tapi ingat soalnya banyak yang disinggahi objek wisatanya hehee..

    BalasHapus
  5. Antung apriana16 Juli 2021 pukul 10.46

    wah belum pernah ke danau tamiyang nang. ulun kira ini danau yang dulu bekas tambang tu tapi pinanya lain lah

    BalasHapus
  6. Khairunnisa Z Putri16 Juli 2021 pukul 10.46

    Sampai wahini belum haja lagi ke danau tamiyang,mulai lagi rami sampai sunyi sdh . Mdhan ada waktu nah bjlann kesana.

    BalasHapus
  7. Aswinda Utari16 Juli 2021 pukul 12.11

    Uma ih aku kada suah kesini ja lagi. Padahal pina rami urang kesinian. Pina bagus pemandangannya nah

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami
13 komentar
Baca selengkapnya

Belajar Istilah Banjar

  Halo! Apa habar buhan pian sabarataan? Mudahan baik ajaa lah sabarataan, sehat selalu dan dijauhkan dari panyakit.   Nah kali ini ulun handak memadahkan beberapa istilah dalam bahasa Banjar yang mungkin banyak dari pian masih balum tahu karena kada tebiasa berbahasa banjar sehari-hari, atau hanyar aja pindah ke banjar. Oiya, ulun ingat banar bahari pas SD balajar bahasa Banjar muatan lokalnya, amun wahini masih jua kah kakanaan tahu di istilah ni?   Berikut beberapa istilah dalam bahasa Banjar:   1. Salesmaan   Salesma sabujurnya adalah ngaran virus yaitu virus salesma, yang begejala behingusan atau pilek. Nah rancak urang tetap menyambat salesmaan jua amun ada nang kena flu karena gejala si salesma lawan flu nih mirip yang nyata bahingusan lawan batukan.   2. Hawai   Hawai nang ini lain ngaran wilayah lah, hawai nang dimaksud di sini tu artinya semacam sunyi tu nah, misalnya urang tebiasa di kota lalu bejalanan ke desa pasti lain suasananya, tebiasa pina rami
6 komentar
Baca selengkapnya

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu
8 komentar
Baca selengkapnya