Langsung ke konten utama

Istilah Dasar Dalam Dunia Blog

(sumber : www.kuliahkomputer.com)

Ulun handak manulis tentang istilah dasar di dunia perblog-an gasan pemula. Gara-gara rancak bagaul lawan member Female Blogger of Banjarmasin ni banyak banar pengetahuan yang di dapat.

Apa am bila bapandiran lawan member lain tu banyak istilah yang disingkat. Jadi mau kada mau sorang nih betakun atau mancari tahu sorang.

Ini tulisannya sederhana aja karena ulun blogger hanyar jadi istilahnya tu kada ngalih-ngalih. Mun pian blogger hanyar bagus banar mambaca tulisan ulun nih. Wayoo hahaha.

 Mun pian blogger yang sudah talawas ulun minta dikoreksi kalau ada salah tulis atau pian handak menambahi akan istilahnya bagus jua jadi ulun kawa belajar.

Langsung aja yang pertama :

1. TLD

TLD itu singkatan dari Top Level Domain. Nah domain itu nama alamat blog kita. Kalo blog kita gratis tu contohnya semacam www.aluh.blogspot.com atau www.aluh.wordpress.com.

Nah bila pian TLD itu artinya blog pian kawa menghilangkan domain yang gratis tu jadi lebih pendek kayak www.aluh.com. Ini supaya blog pian lebih nyaman diingat urang lawan jadi terlihat professional jer urang tuh. Nama domainnya bisa jua .net atau .xyz macam-macam. Tapi TLD nih ada biayanya.

2. BW

Ini di FBB rancak tiap hari rabu. Jadi BW itu singkatan Blog Walking kalau secara terjemahan perkata tuh artinya berjalan-jalan di blog. Nah maksudnya saling sepakat untuk meninggalkan komentar di blog orang lain terus orang yang kita komentari tu harus jua bekomentar di blog kita. Ini tuh kada asal komentar aja pang.

Komentarnya kada boleh pendek dan harus sesuai dengan materi postingan blognya. Blog Walking ni ada batas waktunya biasanya 3 harian atau lebih. Bila telat blog walking ada denda atau bila parah banar di blacklist.

Tiap grup atau komunitas blogwalking beda-beda peraturannya pang. Semakin pian rancak blog walking jadi banyak jua yang mengomentari blog pian dan bisa meolah blog pian tambah bagus.

 Kenapa jadi bisa bagus? Soalnya pian rancak melihati blog orang lo nah tu bisa menyemangati pian meurus blog biar yang berkunjung jua nyaman.

3. Rate Card

Maksudnya kartu tarif ni ya price list atau kalau di rumah makan tu semacam daftar harganya. Nah ini supaya memudahkan si klien gasan meliat harga yang dibayar untuk jasa pian menulis, mempromosikan dan mereview brand/produk/jasa mereka.

4. Niche

Niche adalah Tema atau topik yang sering di bahas dalam blog. Misal ada blog tentang buku, parenting, tips trik, traveling dan lain-lain.

5. Monetasi

Monetasi blog itu artinya blognya sudah bisa menghasilkan uang. Kalau dulu yang rancak kita tahu tuh kawa dapat duit dari iklan adsense google yang bila banyak diklik orang dapat bayarannya banyak jua. Nah kalau wahini tu lagi musim sponsored post atau job review. Jadi kita menulis post tentang suatu produk atau jasa punya klien.

6. SEO

SEO singkatan dari Search Engine Optimization (pengoptimalan mesin telusur) adalah suatu ilmu yang bisa mengoptimalkan blog pian jadi rancak talihat di google. Misal pian bisi blog tentang taveling pas orang mencari tentang pengalaman traveling kawa blog pian muncul di halaman google. Bagus lagi bila kawa di halaman pertama dan teratas.


Nah itu aja tulisan ulun tentang istilah dasar dalam dunia blogger. Sekian semoga bermanfaat ( Kalau pian handak menambahi istilah ke-7 boleh banar barii komentar dibawah lah.


Nang  manulis : Niswin (Niswindows.blogspot.com)

Komentar

  1. Inggih setuju, tiap-tiap komunitas dasar bujur lain-lain peraturan BW-nya. Ulun dulu pas pemulaan gabung di FBB takajut pas tahu peraturan BW di FBB tu harus wajib meninggalkan komentar ��

    BalasHapus
  2. Nah baguna banar nih artikelnya gasan nang balum tahu istilah dalam perblogan.

    BalasHapus
  3. Yuk Niswin ditunggu TLD-nya hehehe. Kada harus .com jua pang.

    BalasHapus
  4. Request pang nah. Jaka tida ada lee istilah khusus blog pakai bahasa banjar. Bubuhan fbb jua mengeradau istilahnya barangi napakah. Monetasi t jadi menduiti atau menjuluk duit.. Wkwk..

    BalasHapus
  5. Ulun mendukung mba Niswin segera TLD hehehe
    Pas banar blog pian sudah ada nichenya jua lo mba

    BalasHapus
  6. Alhamdulillah, sudah mengenal semua istilahnya selama ini. Yuhhuuu :*

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Pantun Basa Banjar Gasan Manjaga Warisan Budaya

Assalamualaikum sabarataan. Alhamdulillah ulun akhirnya berkesempatan manulis lagi disini. Buhan pian penasaran apa yang handak ulun kisahakan kah? Lakasi baca lah. Di tulisan ini ulun handak bakisah soal pantun basa Banjar. Buhan pian mungkin sudah tahu, urang Melayu tu kada talapas lawan kabiasaan bapantun. Urang Banjar nang sarumpun lawan Melayu damintu jua, harat-harat baulah pantun. Pantun basa Banjar kada balain pang lawan pantun basa lain. Ada katantuannya jua nang musti diumpati. Mun kada diumpati pantun nang diulah kada baik atawa bisa jua kada kawa disambat pantun. Mun kita maulah wadai tu ada tuangannya. Mun maulah baju, ada polanya. Sama haja lawan pantun. Pantun nang baik ada katantuannya, ada tuangan, ada polanya jua, ngini nah: 1. Pantun nang bagus tu baisian ampat buting baris. Dua baris nang panambaian ngarannya sampiran. Dua baris nang pauncitan ngarannya isi. 2. Pantun nang bagus tu ada pola bunyinya, atawa pola parsajakannya. Polanya tu: ab-ab. 3. Pantu

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu