Langsung ke konten utama

Meratus Bahari, Wahini, wan Kena


Apa kabar pian Meratus kaina?
Assalamu’alaikum....

Buhan anak-anak Banua tahu ay lawan Meratus kalo? Apa yang ada dalam pikiran pian mendengar kata Meratus? Bujur banar, pegunungan, hutan, dan paru-paru dunia. Kada salah lagi, Meratus salah satu puzzle pembentuk paru-paru dunia. Tahu lah pian dimana Meratus tu andakannya? Dari sumber yang ulun dapatkan Meratus tu andakannya  membentang dari arah tenggara ke sebelah utara Kalimantan Selatan sampai ke perbatasan Kalimantan Timur.  Posisinya membelah wilayah Kalsel membaginya lereng barat dan timur.

ini di surga? Laiin, ini di dunia masih

Meratus ini bilang banyak banar di dalamnya kekayaan alam, dari macam-macam pohon sampai haiwannya.

“Menurut  Whitmore 1984 dalam Whitten 1997,  Hutan Lindung Pegunungan Meratus dapat dikelompokkan sebagai Hutan Pegunungan Bawah (Lower Montane Tropical Rain Forest). Hutan pegunungan ini berdasarkan hasil survei mikro pada tahun 1984 (Badan Intag, 1984) dipenuhi oleh pepohonan: Meranti Putih (Shorea sp), meranti Merah (Shorea spp), Agathis (Agathis sp), Kanari (Canarium dan Diculatum BI), Nyatoh (Palaquium spp), Medang (Litsea sp), Durian (Durio sp), Gerunggang (Crotoxylon arborescen BI), Kempas (Koompassia sp), Belatung (Quercus sp)”.
Pepohonan itu banyak jua dijadiakan gasan mata pencaharian bubuhan suku dayak yang badiam di dalamnya. Mereka mamanfaatkaan alam tapi sekaligus manjaganya, marawatnya, oleh sebab mereka paham bujur amun mereka marusak alam, alam kada lagi bersahabat lawan mereka, malah nyawa mereka nang jadi taruhannya kena.

Andakan kawasan hutan Meratus ini di daerah hulu, Sanak ay, bagian dataran tinggi, jadi banyak sungai nang bermula dari sana. Jadi, hutan Meratus ini bisa disambat sumber mata air Kalimantan Selatan. Bila dibabat habis napa nang terjadi? Kawa ay pian mamikirakannya lo, pasti sumber banyu karing dan kita akan krisis banyu level kronis.

Meratus ngini jua beisi lahan yang miring dan jenis tanah mudah erosi, terkikis. Jadi apa yang terjadi jika Meratus ni dibabat habis? Bisa ay pian pikirakan jua lo bila akar tanah nang menahani tanah kadada lagi karena pohonnya ditabasi. Longsor!

Dari semuaan wilayah Meratus di Kalimantan, yang tersisa wayahini tinggal ¼ nya haja. Haan, tahulah buhan pian? Sisa ¼ itu andakannya di Kabupaten HST, Hulu Sungai Tengah, ampun buhan Barabai. Lainnya kemana? Habis ditambangi pank, kemana lagi 😢.

Rimba terakhir kita

Apa perasaan pian mun membaca “rimba terakhir”? Mun ulun sorang rasa sediiih banar, sedih yang menyanyat membayangkan kata “terakhir” nya tu nah. Nang kaya sama mun mendengar “kesempatan terakhir” sedihnya. Wahini Meratus sebagai kawasan hutan terakhir di Banua sedang terancam ditambang. Ulun kada kawa membayangkan napa nang akan terjadi. Biar ulun kada begana di Kalsel, mamikirakan nasib Meratus jujur haja meulah ulun sadih. Akankah paru-paru dunia terakhir nang Kalsel miliki ini akan musnah? Akankah anak cucu kita hanya kawa memandangi Meratus hanya foto-foto pendahulunya haja? Ya Alloh, sungguh ulun kada kawa membayangkan.....

Bisakah kita mempertahankan Meratus wahini dan kaina? Supaya alam tatap bekawan lawan kita dan supaya kaina di akhirat kita kawa mempertanggung jawabkan di hadapan-Nya atas alam yang sudah dibarii secara percuma. Semoga kita bisa....


Sumber gambar : https://fullsrg.blogspot.com/2014/06/eksotika-hutan-meratus.html
Kontributor : Latifika Sumanti
www.fika-su.com

Komentar

  1. Sedih rasanya kalau kita tidak punya kuasa untuk menyelamatkan Meratus. Jadi serasa tidak berdaya. Semoga bisa diselamatkan ya. Aamin.

    BalasHapus
  2. Uma ai sedihnya mendangar sisa 1/4 tuh. Asa payah kenapa kita kada kawa menjagai hutan tu gasan anak cucu kita kaina. Hiks.. Dapat apa kena anak cucu ulun mun dapat hutan gundul wara. Gara2 kita pang kada meharagu

    BalasHapus
  3. Beneran sisa seperempat aja ya?
    Kasian sekali kita ini, apalagi gak bisa ngapa-ngapain karena gak punya kuasa huhu

    BalasHapus
  4. uma rimba terakhir kah? rasa sedih baar mandangarnya. cuman ya itu apalah daya kita, selain bisa support lewat tulisan dll plus doa2 yang baik..

    BalasHapus
  5. Amin�� semoga kita yang Wahini masih kawa mempertahankan ��

    BalasHapus
  6. Meratus meratus.. Nang kayapa kah kam kena leh. Kami nih napa da kekayani pang kw menulungi. Nang iyanya buhan atas jua sdh. Ham, makanya nak lah kam dimasa depan hrs jd urang spy kawa mendebat nang diatas ngini. *kisah manderi anak

    BalasHapus
  7. Mudahan meratus selamanya bisa seperti ini, semoga haja kada jadi nang kasus semalam tuh. Asli bagus banar sekalinya lah maka banyak banar pepohonan nang beragam.

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Belajar Istilah Banjar

  Halo! Apa habar buhan pian sabarataan? Mudahan baik ajaa lah sabarataan, sehat selalu dan dijauhkan dari panyakit.   Nah kali ini ulun handak memadahkan beberapa istilah dalam bahasa Banjar yang mungkin banyak dari pian masih balum tahu karena kada tebiasa berbahasa banjar sehari-hari, atau hanyar aja pindah ke banjar. Oiya, ulun ingat banar bahari pas SD balajar bahasa Banjar muatan lokalnya, amun wahini masih jua kah kakanaan tahu di istilah ni?   Berikut beberapa istilah dalam bahasa Banjar:   1. Salesmaan   Salesma sabujurnya adalah ngaran virus yaitu virus salesma, yang begejala behingusan atau pilek. Nah rancak urang tetap menyambat salesmaan jua amun ada nang kena flu karena gejala si salesma lawan flu nih mirip yang nyata bahingusan lawan batukan.   2. Hawai   Hawai nang ini lain ngaran wilayah lah, hawai nang dimaksud di sini tu artinya semacam sunyi tu nah, misalnya urang tebiasa di kota lalu bejalanan ke desa pasti lain suasananya, tebiasa pina rami

Kisah Intingan wan Dayuhan

Halo sabarataan, batamuan pulang lawan ulun, Nisa. Kali ini, ulun handak mangisahakan kisah Intingan wan Dayuhan nang rajin tu selalu dikisahakan bila ulun handak guring waktu lagi halus dulu. Kisahnya ni turun temurun dari zaman datu, nini, mama, anak sidin, dan cucu sidin, bisa jua kaina sampai ka buyut sidin. Kisahnya nih rami, sampai taguring guring mandangari kisah ini ja, lucu pulang han. Bila pian suah mandangar kisah Intingan wan Dayuhan, bararti kita sama. Zaman bahari kadada pang yutube wan intirnit. Nang ada kisah dari muntung ka muntung ja. Nang kaya apa kisahnya, ni ulun kisahakan nah ka bagian pian sakira kada panasaran. Kisah Intingan wan Dayuhan  Zaman bahari ada dua ikung badua ba-ading nang bangaran Intingan wan Dayuhan. Kisahnya Intingan nang jadi kaka, Dayuhan ading nya. Ibarat kata, si Dayuhan nih inya orangnya kada tapi paham apa yang di padah-akan tu, atau bahasa kitanya, ada nang kurang kaitu nah. Ujar kisah si ading nih kada hakun sakulah, mac