Langsung ke konten utama

Peringatan Hari Jadi Kabupaten Hulu Sungai Utara Ke-71

Assalamualaikum kakawanan barataan. Ulun handak bahabar nah bahwa bulan Mei ini, Kabupaten Hulu Sungai Utara, merayakan hari jadinya yang ke-71 tahun dengan tema "Kabul Hajat Barakat Ikhtiar Wan Tawakal". 

Ulun sanang banar bila Kabupaten Hulu Sungai Utara ni ulang tahun, soalnya kami sama-sama lahir bulan Mei, jadi acara baramiannya barasa salajur maraya-akan ulang tahun ulun jua, hihihi.

Hari lahirnya sabujurnya tanggal 1 Mei, tapi perayaan hari puncaknya semalam tanggal 11 Mei. Seperti tahun-tahun sebelumnya, di hari puncak ni ada acara pergelaran seni lawan kulineran gratis berupa wadai-wadai khas daerah Kalimantan Selatan di depan Kantor Bupati. 

Kebetulan ulun adalah seorang ASN, dan kantor wadah ulun bagawi umpat berpartisipasi menyediakan kikicak atau hintalu karuang ngarannya mun di Banjarmasin. Kantor-kantor lain banyak jua nang umpat berpartisipasi menyediakan wadai gratis gasan masyarakat. 

Ada kukuleh, ada randang, ada cincin talipuk, ada lupis,  pais waluh dan sebagainya. Wadai-wadainya ditata kreatif. Ada kantor yang menyediakan pais waluh lengkap lawan waluh-waluhnya jua. Ada jua yang menyediakan wadai lengkap lawan acil-acil tukang ulah wadainya jua dibawa umpat manjagai stand. Supaya wadainya kawa disajikan panas-panas lewat tangan acil-acil wadai yang sudah ahli, *eaaaaaa*.

Pian bisa melihat video Perayaan Hari Jadi Kabupaten di YouTube Dinas Komunikasi, Informatika dan Persandian Kabupaten Hulu Sungai Utara berikut:

Imbah acara puncak disambung pulang lawan acara pameran atau Amuntai Expo ngarannya. Amuntai Exponya diadakan di jalan Basuki Rahmat atau jalan di belakang Kantor Bupati. Kebetulan kantor ulun ada di jalan Basuki Rahmat ni. Jadi nyaman banar ulun mun handak ka pameran salajur bulik kantor, hihihi. 

Pian bisa melihat video Pembukaan Amuntai Expo 2023 di YouTube berikut:

Macam-macam jualan urang di pameran. Stand favorit ulun adalah stand dari Dinas Pertanian. Parasa ulun stand bagiannya ni yang paling kreatif. Tahun ini bagiannya menampilkan anak-anak itik yang unyu-unyu di tengah-tengah taman buatan. 


[itik unyu di stand Dinas Pertanian]

Habis tu ada jua stand urang bajual manisan buah nang payu bangat mulai hari pertama sampai hari terakhir. Sampai kada kalihatan lagi acilnya nang bajualan saking banyaknya nang manukari. Kada ingat ulun napa ngaran stand manisan buahnya nah, haha.

Sebagai penutup, ulun mengucapkan Selamat Hari Jadi yang ke-71 gasan Kabupaten Hulu Sungai Utara. Doa terbaik selalu gasan kita sabarataan. Ulun bangga lahir, besar dan bisa mengabdi di Kabupaten Hulu Sungai Utara. Mudahan kita kawa batamuan lagi di acara peringatan hari jadi tahun kaina. Aamiin. 

***

Nang manulis: Ira @ www.irabooklover.com

Label:

Komentar

  1. irabooklover31 Mei 2023 pukul 11.14

    Selamat hari jadi Kabupaten Hulu Sungai Utara. Mudahan makin maju wan makin berprestasi <3

    BalasHapus
  2. Mia Yunita31 Mei 2023 pukul 15.24

    Wah milad nih ya kabupaten HSU. Kalo liat videonya aja udah seru apalagi kalo datang berhadir ke HSU tentu tambah seru lagi nih.

    BalasHapus
  3. Ruli retno2 Juni 2023 pukul 13.37

    Selamat ulang tahun HSU, wah uda 71 tahun aja nih. Mudahan bujutan kabul hajat berataan, makin makmur rakyatnya semuanya

    BalasHapus
  4. Maria Tanjung2 Juni 2023 pukul 13.52

    Selamat Ulang tahun Hulu Sungai Utara, semoga makin maju dan berkembang daerahnya. Aamiin

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami
13 komentar
Baca selengkapnya

Belajar Istilah Banjar

  Halo! Apa habar buhan pian sabarataan? Mudahan baik ajaa lah sabarataan, sehat selalu dan dijauhkan dari panyakit.   Nah kali ini ulun handak memadahkan beberapa istilah dalam bahasa Banjar yang mungkin banyak dari pian masih balum tahu karena kada tebiasa berbahasa banjar sehari-hari, atau hanyar aja pindah ke banjar. Oiya, ulun ingat banar bahari pas SD balajar bahasa Banjar muatan lokalnya, amun wahini masih jua kah kakanaan tahu di istilah ni?   Berikut beberapa istilah dalam bahasa Banjar:   1. Salesmaan   Salesma sabujurnya adalah ngaran virus yaitu virus salesma, yang begejala behingusan atau pilek. Nah rancak urang tetap menyambat salesmaan jua amun ada nang kena flu karena gejala si salesma lawan flu nih mirip yang nyata bahingusan lawan batukan.   2. Hawai   Hawai nang ini lain ngaran wilayah lah, hawai nang dimaksud di sini tu artinya semacam sunyi tu nah, misalnya urang tebiasa di kota lalu bejalanan ke desa pasti lain suasananya, tebiasa pina rami
6 komentar
Baca selengkapnya

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu
8 komentar
Baca selengkapnya