Langsung ke konten utama

Pupur Dingin Khas Banjar

  

Gasan bubuhan pian nang katuju badandan, mamutihakan muha supaya makin langkar. Pupur dingin nih sudah dari jaman dahulu banar sudah ada gasan parawatan muha bubuhan gadis banjar. Diulah dari bahan rempah, galapung baras atau bingkuang. 

Jadi pupur dingin ini skincare versi ka arifan lokal nang banyak banar manfaatnya gasan muha, sakira silau mun urang melihat tu saking putih lawan mulusnya 不不.


Tapi jangan salah lah buhannya, pupur dingin ni kada ngalih dicari. Banyak banar urang bajual mana murah pulang harganya han. Rugi tuh pang mun kada manukar !!!


Sudah Dari Zaman Bahari


Ujar urang tuh pupur dingin ini sudah ada matan jaman kai nini buyut kita bahari. Biasanya nang rancak dijual tuh nang dari galapung baras ditambahi rarampah dapur.


Makainya kayapa tadih ?

  1. Ambil wadah barang aja apakah asal jangan ampun tetangga 不. Misalnya wadahnya tuh piring halus. Ambil 3 biji pupur dingin, campur lawan banyu, kulai satumat sampai pina encer. Jangan likat lah kena jadi semen muha buhannya ai…
  2. Tapalkan ka muha sabukuan sampai kagulu-gulu. Kaina tunggui ja sampai karing. Rasanya dingin-dingin kaya itu kam. Bahasa gaulnya ada colling sensation, meolah muha kita tuh nyaman rileks macam tu pang.
  3. Biarkan ja, handak bagawian kah apa kah lagi buhan pian, nang lagi bajukung supaya kada panas, nang lagi bahuma supaya rasa kaya dikipasi tarus.
  4. Mun handak mambilas langsung basuh haja muha lawan banyu biasa, habis tuh lap muha. Kada gasan mutih-akan aja pupur dingin ini, sama aja sunscreen kearifan lokal biar muha kada hirang jar nini ulun bakisah bahari.


Kawa Gasan Siapa Haja


Urang nang ketuju bepupur dingin nih kada urang tuha haja pang bila handak kaluar rumah atau bahuma tapi banyak-ai jua nang anum-anum biar kada hirang muha mun kana sinar matahari tadih. 

 

Mun ulun rancak ma aduk pupur dingin pakai banyu mawar supaya tambah harum. Kalo mau dapat laki bila kaluar rumah bapupur dingin. Begayaan haja nah ulun minta rela banar 不


Khasiat Pupur Dingin


Banyak banar khasiatnya Si Pupur Dingin nginih buhannya ai sakalinya. Imbah ulun membuka mbah google dikira tadi maulah putih wara eh sekalinya kada..

 

  1. Kawa gasan jerawat buhan pian jadi kempes sebab ada anti-bakteri alami.
  2. Muha buhan pian ampih jadi kilang minyak. Jaka minyaknya dijual payu kada papa, ini kada pang T.T.  Jadi ampih dah balap-lap muha tarus.
  3. Mamutihakan muha biar glowing kaya urang-urang jua nang bila ditakuni pakai apa? Jawab haja kada pakai apa-apa, muha ulun natural ka ai...
  4. Muha kada iritasi lagi jadi dingin kayaknya tu rasa masuk kulkas padahal kada.
  5. Muha lembut jadinya, lalat gin tagalincir kaena. Tapi jangan pulang talalu lembut,  kaena dikira molto baju gasan tapasan.

Nah masih kada mau lah buhan pian mancobai Pupur Dingin ngini? Mun khasiatnya aja banyak banar dah kada usah lagi nang larang-larang skincare. Ngini gin dah muha mulus putih kaya kaci buhannya ai.


Tukari lah bila ada nini atau kai nang bajual. Langsung borong jangan kada ingat buhan pian hehe.


Bila handak rekomendasi makeup/skincare nang modern bisa baca blog ulun www.enychan.com , insyaAllah kaina ulun bari reviewnya, produknya kada lah pian manukar sorang ja 不

***

Nang manulis: Eny @ www.enychan.com
Nang manyunting: Ira @ www.irabooklover.com

Komentar

  1. Pupur dingin ini favorit suamiku banget kalau pas musim panas. Dibalur di punggung rasanya adem gitu. Duh jadi kangen bisa ke Banjarmasin.

    BalasHapus
  2. Pupur dingin itu kalau sudah diaplikasikan ke wajah, rasanya nyess dingin menyegarkan. Cocok buat dipakai siang2 panas kaya begini.

    BalasHapus
  3. Lawas kada bapupur dingin nah. Padahal oke banar lah manfaatnya, kawa ampih muha jadi kilang minyak. Mau ae kaina manukar ka pasar.

    BalasHapus
  4. Pupur dingin ni amun wahini sambatannya masker bubuk lah pinanya. Hihi. Jadi ingat dahulu nini rajin beulah sorang Pupur dingin ni pakai batas jadi kada usah menukar lagi

    BalasHapus
  5. Pupur dingin ini khas banget sih, pas pertama datang k banjar kaya kaget gitu lihag nini nini bepupur

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Bajukung di Atas Rawa

jejakrekam.com Di Kalimantan Selatan daerah pahuluan selain gunung dan sungai jua ada daerah rawa. Terutama di 3 kabupaten hulu sungai selatan, tengah, dan utara tergabung 3 daerah rawa.Nah di rawa ngini kadakawa pakai alat angkutan nang ganal jadi harus pakai jukung nang ramping supaya muat lawan kada santuk lawan di bagian bawah bila kamarau pas banyu surut. Jadi di awal bulan Juni samalam ulun sawat mancobai bejukung di rawa ngini. Tepatnya di daerah perbatasan antara hulu sungai tengah dan hulu sungai utara. Di permukaan rawanya hibak lawan tumbuhan banyu. Jadi jukung tu harus mambuka jalan dahulu. Bila takana rumputnya nang jadi sarang nyamuk benyamuk tunpang disangati nang di atas jukung. Makanya paman-paman nang mambawa jukung besangu obat nyamuk. Kada tahan jua obat nyamuk saking banyaknya nyamuknya. Oya, jukung ni dipakai gasan alat pengawasan kelompok pencari iwak. Rata-rata di sini mata pencaharian orang mencari iwak tarus pang. Tapi takana ada nang menyalahi aturan yaitu ma

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu