Langsung ke konten utama

4 Hal yang Harus Digawi Bila Terjadi Tabrakan

 


Holla Assalamualaikum, sebelumnya maaf ulun hanyar aja becungul lagi di sini, tempat kesayangan ulun naaaaang paling istimewa wan the best.


Nah jadi ulun handak bakisah, bulan Desember, ulun maumpati pelatihan ka Banjarbaru. Sedangkan rumah ulun andakanya di paling ujung Kota Banjarmasin, alias mamasuki Kabupaten Banjar.


Nah, pada saat meumpati pelatihan beulah wadai, tiap hari pp alias pulang pergi. Berangkat pagi bulik sore, balum lagi bila susubuhan hujan, beh ngintu perjuangan banar bila babangun. Rasa handak basimpudal melanjut akan guring dikawani dengan mimpi nang aduhai membahana badai.


Ada jua saat di parjalanan, nang kita kada tahu musibah datang dari mana haja, makanya disarankan mambaca doa sabalum berangkat. Mudahan kita semua dijauhkan dari bala wan musibah, serta di lindungi. Aamiin.


Kebetulan, ini kisah ulun nang mangalami musibah tabrakan di muka Bandara Syamsudin Noor, rasanya luar biasa mantap. Alhamdulillah kada papa haja, kadada patah tulang, hanya awak lecet. 


4 Hal yang Harus di Gawi, Bila Terjadi  Tabrakan


Jadi, naudzubillah bila terjadi kecelakaan lah, ini hanya antisipasi supaya kada terjadi kasalahan patal.


  • Jangan Langsung Begarak, Beduduk, Atau Bejalan.


Bila parah banar, terjadi tabrakan. Jangan langsung bagarak, karena tulang abis kecelakaan akan mengalami keterkejutan atau tahantup, entah itu ka aspal, atau ka biding kendaraan. Nah, untuk itu jangan langsung beduduk. Bila kaitu, dalam posisis berbabah, tetap aja berabah satumat, 5 menit kada papa. Asal ada releksasi otot.


  • Gawi Pencegahan Pertama

Bila terjadi hal yang kada mengenakan, alias parah banar. Keadaan masih sadar, tunggui ambulan aja untuk meangkat dan membawa ke rumah sakit. Karena, bila diangkat orang yang kada tu patahnya di mana, bisa bebangat.


Habis itu langsung minta rontgen, untuk pencegahan selanjutnya. Gunanya di rontgen ini, supaya mengetahui tulang mana nang patah, atau retak wan bisa dicegah sabalum talambat.


  • Bawa Beurut

Bila kecelakaannya kada talalu parah, wan masih bisa bagarak. Walaupun awak tabanting ka aspal, harus langsung diurut saawakan. Harus hari itu jua. Supaya, kada terjadi kesalahan kainanya.



Biar aja meharit sakit satumat, waktu di urut tu. Tapi ampih imbahnya. Usahkan diurut saawakan, supaya tahu dimana tasilahunya.


Habis diururut, jangan langsung mandi. Diam akan sejam dua jam, karena pada saat diurut itu pori-pori awak terbuka. Bahaya bila langsung di bawa mandi.


Jangan lupa minum obat untuk ma-ampihi bagian dalam, biasanya ulun meminum amoxicilin dengan asam fenamat. Atau langsung ke apotek untuk konsultasi obat yang bagus.


  • Jangan Panik, Bila ada Luka, Jangan di Balut Langsung dengan Perban


Terakhir, bila terjadi kecelakaan di jalan raya. Jangan panik atau ngeblang. Usahakan pikiran kita harus tetap fokus. Supaya kawa bepikir harus kayapa habis ini.


Biar pikiran fokus, tanang, kawa malanjutkan handak misalakan mahubungi kawan parak, atau dangsanak,atau bapandir wan orang kampung, batakun di mana tukang urut nang taparak. Nah, bisa jua minta bawa ka rumah sakit.


Apabila terjadi luka, di basuh lawan alkohol, bila kadada gunakan banyu putih nang barasih, pakai gasan manyimbur luka supaya kada infeksi. Jangan langsung di babat lawan kapas, atau kain kasa. Karena luka nya masih basah. Bisa jadi buruk atau bebau, bisa jua antara luka dan kain kasa itu berikit.


Jadi, biar akan ja inya tabuka, dan diangin anginkan. Jangan kada ingat, kasai betadine aja.ditetes bagimitan. Karena padih kan.


Penutup


Nah, itu haja tips dari ulun, ini karena ulun sorang yang mengalami tabrakan. Jadi itu tips yang ulun gawi semalam. Sabalum tulak ulun saranakan badoa, atau pas di jalan babacaan, supaya kita terhindar dari musibah nang kada kita handaki.


Tapi, ingat jua. Semua musibah pasti ada hikmah nang dapat diambil di dalamnya. Terima kasih, untuk buhan pian yang handak kenal lebih dekat lawan ulun, bisa langsung klik www.nisazet.com laaah thankyouuu.


Salam Sugar.


***

Nang manulis: Nisa @ www.nisazet.com

Nang manyunting: Ira @ www.irabooklover.com

Komentar

  1. Syukur alhamdulillah Nisa kada papa habis tabrakan. Mudahan kita sabarataan selalu diberi kasalamatan bila bakendara-an atawa bila sedang dalam perjalanan. Aamiin.

    BalasHapus
  2. Wah tipsnya bagus banar nah, mudahan aja kita berapaan selamatan, tp tetap perlu jua pang membaca yg kaya ini gasan pengetahuan kalo diperlukan

    BalasHapus
  3. Saya bingung mau koment dalam Bahasa Banjar. hehehe. Izin koment bahasa Indonesia ya Admin. Jadi memang ketika mengalami tabrakan tidak boleh langsung bangkit ya kak. Soalnya kuatir terjadi trauma juga sih ya

    BalasHapus
  4. alhamdulillah kada papa, sa, lah. aku jua semalam sempat tabrakan di km 4 pas handak begawi alhadulillah lecet sedikit aja dan langsung kubawa beurut jua

    BalasHapus
  5. Nah ini banyak yang harus urang tahu, karena rancak habis kecelakaan urang2 di sekitar langsung abut meangkut korban nang tegugur nih. Ternyata harus rileksasi dulu lah lawan kada boleh asal angkat

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Pantun Basa Banjar Gasan Manjaga Warisan Budaya

Assalamualaikum sabarataan. Alhamdulillah ulun akhirnya berkesempatan manulis lagi disini. Buhan pian penasaran apa yang handak ulun kisahakan kah? Lakasi baca lah. Di tulisan ini ulun handak bakisah soal pantun basa Banjar. Buhan pian mungkin sudah tahu, urang Melayu tu kada talapas lawan kabiasaan bapantun. Urang Banjar nang sarumpun lawan Melayu damintu jua, harat-harat baulah pantun. Pantun basa Banjar kada balain pang lawan pantun basa lain. Ada katantuannya jua nang musti diumpati. Mun kada diumpati pantun nang diulah kada baik atawa bisa jua kada kawa disambat pantun. Mun kita maulah wadai tu ada tuangannya. Mun maulah baju, ada polanya. Sama haja lawan pantun. Pantun nang baik ada katantuannya, ada tuangan, ada polanya jua, ngini nah: 1. Pantun nang bagus tu baisian ampat buting baris. Dua baris nang panambaian ngarannya sampiran. Dua baris nang pauncitan ngarannya isi. 2. Pantun nang bagus tu ada pola bunyinya, atawa pola parsajakannya. Polanya tu: ab-ab. 3. Pantu

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu