Langsung ke konten utama

7 Alasan Kanapa Nyaman Badiam di Banjarmasin

 

Haloo buhan pembaca blog FBB. Akhirnya ulun berkesempatan lagi manulis disini.Tulisan ulun kali ini soal nyamannya badiam di di Banjarmasin, Kalsel, Indonesia dan alasan-alasannya


Mungkin buhan Pian sudah tahu,mayoritas penduduk Banjarmasin adalah urang Banua alias urang Banjar asli. Banyak jua urang Banjar yang tadinya bediam di hulu sungai lalu bediam atau berumah di Banjarmasin.


Selain urang asli Banjar, berbagai suku jua ada di Banjarmasin. Seperti suku Jawa, Madura, Bugis dan hampir semua suku di Indonesia banyak bediam di Banjarmasin. Nang akhirnya menjadiakan Banjarmasin, kota yang heterogen, jar urang kaitu pang manyambatnya Ini sakiranya mambawa hal yang positif gasan masyarakat Banjarmasin. 


Banjarmasin menurut ulun kota nang lumayan nyaman. Sabalumnya ulun sudah suah badiam di beberapa kota di Indonesia Ada plus minusnya setiap kota tuh sebagai tempat tinggal. 


Intinya Banjarmasin menurut ulun cukup nyamanlah kalau buhan pian handak memutuskan bediam lawas. Napa nang mambuat Banjarmasin nyaman gasan kita badiam dalam jangka panjang?

7 Alasan Kanapa Banjarmasin Nyaman Banar Gasan Tempat Tinggal

1. Masyarakatnya Ramah wan Terbuka

Masyarakat suku Banjar umumnya dikenal sebagai masyarakat yang ramah wan terbuka. Kayak itu jua  penduduk Bajarmasin yang di dominasi urang Banjar. Keterbukaan wan keramahan meolah masyarakat luar sangat gampang menyatu lawan penduduk lokal.


2. Kehidupan Sungai yang menarik

Dikenal sebagai kota seribu sungai menjadikan Banjarmasin memang dialiri sungai besar hingga sungai kecil. Kehidupan masyarakat sungai, menarik untuk diamati, misalnya soal perdagangan melalui jalur sungai yang masih hidup di Banjarmasin. Intinya kita berataan yang badiam di Banjarmasin akan banyak belajar soal kearifan lokal melalui hadirnya sungai ini. Misalnya menjaga sungai tetap barasih sampai supaya kada lagi sungai meluap wan meolah banjir. 


3. Ragam kulinernya

Di Banjarmasin buhan pian akan mudah menemukan ragam kuliner (makanan) mulai pagi sampai malam hari. Buhan pian gampang banar mancari kuliner lokal yang tersebar sampai ke pelosok kota, kuliner Indonesia pada umumnya jua nyaman banar dicari. Hampir semua makanan daerah Indonesia ada di Banjarmasin.


4. Relatif aman dari kejahatan

Sekali dua kali ada haja pang tadangar kasus kejahatan di Banjarmasin. Tapi secara umum, wilayah Banjarmasin aman haja. Penduduk kota jua merasa tenang dan nyaman. 


5. Biaya Hidup Relatif Murah

Di wilayah Kalimantan, biaya hidup di Banjarmasin masuk kelas menengah haja. Kada talalu randah, kada talalu tinggi jua. Mun dibandingakan lawan beberapa kota lain khususnya di beberapa ibukota provinsi lain, biaya hidup relatif murah. Oh iya, bila ulun amati yang larang di Banjarmasin adalah pakaian hingga kebutuhan yang sifatnya impor. Sedangkan makanan masak ataupun mentah masih lebih murah dibanding kota besar lain di Indonesia.


6. Masyarakatnya Agamis

Masyarakat Banjarmasin juga dikenal agamis. Tiap hari dalam seminggu ada haja pangajian wan itu rami nang datang.


Selain pengajian rutin mereka jua katuju ziarah ka makan ulama hingga katuju merayakan berbagai perayaan agama, misalnya tradisi maulidan.


7. Bebas Macet parah

Ini nang menurut ulun menarik. Tinggal di Banjarmasin relatif bebas macet parah seperti halnya di ibukota atawa Jabodetabek atawa mungkin kota seperti Bandung. Kotanya jua tanang karena jauh dari polusi balabihanan akibat macet misalnya. 


Biar macet gen hanya di wilayah tertentu wan jam tertentu ja. Bila kota tu bebas macet, maka kamana-mana jadi tarasa parak haja. Hal yang menarik menurun ulun.


Nah, tulah 7 hal yang menurut ulun menarik ketika memutuskan tinggal di Banjarmasin Kalsel. Kayapa menurut buhan pian? Apa yang menarik buhan pian sampai memutuskan tinggal di Banjarmasin?

***

Nang manulis: Enny @ www.ennyratnawati.com

Nang manyunting: Ira @ www.irabooklover.com

Komentar

  1. Alhamdulillah, tarima kasih Mbak Enny sudah mambari testimoni nyamannya badiam di Banjarmasin. Mudah2an Banjarmasin salalu baik kaya nang ditulis Mbak Enny di atas jadi nyaman didiami.

    BalasHapus
    Balasan
    1. Inggih Ka, banyak terima kasih banar kita gasan Mbak Enny.

      Amiin, mudahan Banjarmasin selalu nyaman didiami.

      Hapus
    2. aamiin,doa kita sabarataan hehe

      Hapus
  2. Nah bujur banar En. Biaya hidup murah nih dasar bujur. Tapi intinya sepakat nah dg 7 poin yg ikam tulis.

    BalasHapus
    Balasan
    1. Inggih Ka, sama kita sepakat lawan apa yang ditulis Mbak Enny. Toss!!!

      Hapus
    2. asikkkk...btw ini blog kurang aktif lah ternyata.hanyar telihati nah

      Hapus
  3. jadi ingat nah rasanya beberapa tahun lalu banjarmasin ni terpilih jadi salah satu dari 7 kota yang paling nyaman ditinggali di indonesia

    BalasHapus
    Balasan
    1. Eh iya kah Ka, hanyar tahu ulun nah. Jadi semakin bangga lawan Banjarmasin \^_^/

      Hapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Belajar Istilah Banjar

  Halo! Apa habar buhan pian sabarataan? Mudahan baik ajaa lah sabarataan, sehat selalu dan dijauhkan dari panyakit.   Nah kali ini ulun handak memadahkan beberapa istilah dalam bahasa Banjar yang mungkin banyak dari pian masih balum tahu karena kada tebiasa berbahasa banjar sehari-hari, atau hanyar aja pindah ke banjar. Oiya, ulun ingat banar bahari pas SD balajar bahasa Banjar muatan lokalnya, amun wahini masih jua kah kakanaan tahu di istilah ni?   Berikut beberapa istilah dalam bahasa Banjar:   1. Salesmaan   Salesma sabujurnya adalah ngaran virus yaitu virus salesma, yang begejala behingusan atau pilek. Nah rancak urang tetap menyambat salesmaan jua amun ada nang kena flu karena gejala si salesma lawan flu nih mirip yang nyata bahingusan lawan batukan.   2. Hawai   Hawai nang ini lain ngaran wilayah lah, hawai nang dimaksud di sini tu artinya semacam sunyi tu nah, misalnya urang tebiasa di kota lalu bejalanan ke desa pasti lain suasananya, tebiasa pina rami

Kisah Intingan wan Dayuhan

Halo sabarataan, batamuan pulang lawan ulun, Nisa. Kali ini, ulun handak mangisahakan kisah Intingan wan Dayuhan nang rajin tu selalu dikisahakan bila ulun handak guring waktu lagi halus dulu. Kisahnya ni turun temurun dari zaman datu, nini, mama, anak sidin, dan cucu sidin, bisa jua kaina sampai ka buyut sidin. Kisahnya nih rami, sampai taguring guring mandangari kisah ini ja, lucu pulang han. Bila pian suah mandangar kisah Intingan wan Dayuhan, bararti kita sama. Zaman bahari kadada pang yutube wan intirnit. Nang ada kisah dari muntung ka muntung ja. Nang kaya apa kisahnya, ni ulun kisahakan nah ka bagian pian sakira kada panasaran. Kisah Intingan wan Dayuhan  Zaman bahari ada dua ikung badua ba-ading nang bangaran Intingan wan Dayuhan. Kisahnya Intingan nang jadi kaka, Dayuhan ading nya. Ibarat kata, si Dayuhan nih inya orangnya kada tapi paham apa yang di padah-akan tu, atau bahasa kitanya, ada nang kurang kaitu nah. Ujar kisah si ading nih kada hakun sakulah, mac