Langsung ke konten utama

Bajukung di Atas Rawa

jejakrekam.com

Di Kalimantan Selatan daerah pahuluan selain gunung dan sungai jua ada daerah rawa. Terutama di 3 kabupaten hulu sungai selatan, tengah, dan utara tergabung 3 daerah rawa.Nah di rawa ngini kadakawa pakai alat angkutan nang ganal jadi harus pakai jukung nang ramping supaya muat lawan kada santuk lawan di bagian bawah bila kamarau pas banyu surut.



Jadi di awal bulan Juni samalam ulun sawat mancobai bejukung di rawa ngini. Tepatnya di daerah perbatasan antara hulu sungai tengah dan hulu sungai utara. Di permukaan rawanya hibak lawan tumbuhan banyu. Jadi jukung tu harus mambuka jalan dahulu. Bila takana rumputnya nang jadi sarang nyamuk benyamuk tunpang disangati nang di atas jukung.



Makanya paman-paman nang mambawa jukung besangu obat nyamuk. Kada tahan jua obat nyamuk saking banyaknya nyamuknya.



Oya, jukung ni dipakai gasan alat pengawasan kelompok pencari iwak. Rata-rata di sini mata pencaharian orang mencari iwak tarus pang. Tapi takana ada nang menyalahi aturan yaitu manyatrum jadi iwak tu matian lawan ulihan orang nang mancari iwak pakai cara tradisional kada banyak lagi.



Nah kelompok pencari iwak nang kaini nang perlu diluruskan nang diwasi jadi biasanya oetugas dikawani polisi air patroli malam-malam. Inya malam-malam pang orang banyak manyatrrum iwaknya. 



Pamandangan di rawa bungas banar. Apalagi jaka tumbuhannya kadada lagi. Nang aneh, ada haja orang baulah rumah di atas rawa. Siang malam di sana karena gawian orang memang mencari iwak. Kada akwa memabayangakan kayapa bila malam. Sunyi lawan pasti benyamuk banar.



Kadada jalan daratnya di sana. Jukung oang adah alat trasnportasi. Ada jalan halus tapi putus kada aampai jauh. Sisanya jembatan-jembatan kayu haja lagi.



Di sepanjang rawa kami malihat macam-macam alat tangkap iwak orang pasang. Dasar banyak pang iwaknya jar. Mulai dari papuyu, haruan, sapat, macam-macam ai lagi.



Tapi nang maulah sadih banyak jua orang manangkapniwak masih lawan alat tangkap nang kada legal. Satruman pakai alat genset. Padahal itu bahaya banar. Mun kada hati-hati bisa saurang kana  bahayanya. Banyak kisah orang meninggal karena satruman.


Samalam pas kami bajukung di rawa tuh, harinya kada tapi panas. Imbah hujan. Ujar bapak-bapak nang di situ, hakun kayaitu harinya daripada panas. Mun panas harinya panas banar. Di rawa kadada kanaungan. Lawan panas di langit mamantul ke banyu jadi panas dari atas lawan dari abawah jua. Kada batahankada hangit awak. Kada tahan sunblock acil.



Mun sudah di atas rawa tu rasanya sama berataan tempatnya. Tapi paman-paman di sana hapal, ini anadaknya di handil.nomor sekian nomor sekian jar. Jalan bebelokannya gin hapal sidin padahal mun sekilas sama banar pemandangannnya. Palagi mun tumbuhan itu sama hijau kanan kir, kadada oenandanya. 



Dasar hapal tinpang leh. Belain ai lawan nang hanyar suah ke sini. Pas bulikannya kami.mehantas jalan supaya lebih lakas sampai bebulik. Atasaga nyaumuknya banayal banayar karena celah diantara tumbuhan alias jalan di atas sungai itu makin halus.

Jadi pas leawt tuh kaya menyibak srang nyamuk. Luar biasa.

Nang Manulis: Rindang Yuliani

Komentar

  1. Wkwkwk, sama, ulun gin bila bajukung di atas rawa tu bingung. Ni jukung manuju kamana, pina sama arahnya barataan, kadada penunjuk jalan, kdd tikungan dan lain sebagainya. Tapi paman tukang jukung tu tahu ja kamana manuju. Hen haratnya sidin 🤭

    BalasHapus
  2. Uma ih, handak banar ulun kesana membawai kekanakan naik jukung. Ulun hdk jua melihat kerbau rawa tuh dimana yo lah

    BalasHapus
  3. Kawa membayangakan. Cagar besangu autan ni jua sarung tangan sekira kd sunburn tangan wkwk. Tapi dasar rami pang bajukung ni. Sepalih deg²an jua maklum awak barat dibawa bejukung ni lalu rasa napakah.

    BalasHapus
  4. uma harusnya membawa obat nyamuk atau autan lah mun ke sana. tapi bisa kada mempan jua nah autan dapatnya nyamuk rawa. heu

    BalasHapus
  5. Asli bingungnya banar Mun lewat2 kyp caranya Amangnya hafal jalan , habis tuh belok kemana kah lah wkk

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Pantun Basa Banjar Gasan Manjaga Warisan Budaya

Assalamualaikum sabarataan. Alhamdulillah ulun akhirnya berkesempatan manulis lagi disini. Buhan pian penasaran apa yang handak ulun kisahakan kah? Lakasi baca lah. Di tulisan ini ulun handak bakisah soal pantun basa Banjar. Buhan pian mungkin sudah tahu, urang Melayu tu kada talapas lawan kabiasaan bapantun. Urang Banjar nang sarumpun lawan Melayu damintu jua, harat-harat baulah pantun. Pantun basa Banjar kada balain pang lawan pantun basa lain. Ada katantuannya jua nang musti diumpati. Mun kada diumpati pantun nang diulah kada baik atawa bisa jua kada kawa disambat pantun. Mun kita maulah wadai tu ada tuangannya. Mun maulah baju, ada polanya. Sama haja lawan pantun. Pantun nang baik ada katantuannya, ada tuangan, ada polanya jua, ngini nah: 1. Pantun nang bagus tu baisian ampat buting baris. Dua baris nang panambaian ngarannya sampiran. Dua baris nang pauncitan ngarannya isi. 2. Pantun nang bagus tu ada pola bunyinya, atawa pola parsajakannya. Polanya tu: ab-ab. 3. Pantu

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu