Langsung ke konten utama

Tempat Wisata nang Wajib Dikunjungi di Batulicin

 

source: seringjalan.com

Buhan pian pernahlah ke Batulicin? Nah, gasan buhan pian yang kadatahu Batulicin itu apa dan dimana. Jadi, Batulicin itu nama sebuah kota yang ada di Kabupaten Tanah Bumbu, Batulicin ngini masih bagian dari Kalimantan Selatan. 

 

Amun buhan dari bandara Syamsyudin Noor di Banjarbaru gasan manuju ke Batulicin ini memerlukan waktu sakitar kurang labih 5 jam. Lumayan jauh, tapi amun buhan pian sudah kasini pasti kada manyasal. Karna, banyak wisata yang bisa pian kunjungi. Nah, ada babarapa wisata yang wajib pian datangi amun ka Batulicin.

1. Goa Liang Bangkai


Goa Liang Bangkai ini sudah lumayan banyak dikanal bubuhan masyarakat. Amun bubuhan pian handak kasini, mamarlukan waktu yang lumayan lawas sakitar 1.5 jam parjalanan amunnya dari Kota Batulicin. 

 

Goa ini tarmasuk sangat uni, karna banyak ditamukan goa baru di dalamnya. Jadi dalam Goanya ini ada goa lagi. Ada goa utama, goa tujuh lawing, goa pangintai, goa landak, goa babi, dan masih banyak lagi.

 

 Bahkan, ujar tahun 2010 ada bubuhan arkeolog yang manamuakan fosil-fosil manusia purba dalam goa ini. Salain manamuakan manusia purba, bahkan jua adaa pisau nang tarbuat dari batu serpih lawan lukisan.

2. Pantai Angsana


Amun bubuhan pian katuju malihat pantai, pantai Angsana ini wajib buhan pian datangi. Pantai ini tarkanal banar, banyak sudah pangunjungnya. Di pantai ini nih buhan pian kawa manikmati hamparan pasir halus, banana boat, lawan jetski. 

 

Salain itu, amun buhan pian katuju malihat pamandangan bawah laut, pian bisa ke Pantai ini. Karenaa pantai ini manyadiakan fasilitas snorkeling dan diving gasan bubuhan pian yang handak malihat tarumbu karang lawan biota laut. 

 

Di pantai Angsana ngini buhan pian kawa jua bamalam, karena buhan pian kawa menyewa penginapan disini. Harga panginapannya masih tarjangkau, pas banar gasan buhan pian nang katuju melihat sunrise.

 

3.  Pantai Rindu Alam


Nah, salain pantai angdana buhan pian jua wajib mangunjungi pantai Rindu Alam nih. Karna, di pantai ini kada kalah bagus jua lawan pantai angsana. Disini banyak jua fasilitas yang bisa pian pakai ada kolam renang, flying fox, lawan play ground. 

 

Di pantai ngini cocok banar gasan buhan pian nang katuju santai manikmati angina sepoi-sepoi karna di pantainya nih banyak pohon nang rindang banar. Kada usah khawatir, amun buhan pian handak santai disini banyak haja pendopo yang  kawa pian gunakan barsama.

4.  Air Terjun Mandin Damar


Amun buhan pian kada katuju ka pantai, tanang haja! Di batulicin ngini jua ada wisata nang ada air terjunnya. Air terjun ngini andakannya di Desa Gunung Raya Kecamatan Mentewe. 

 

Amun buhan pian handak kasini parlu manampuh jarak 70 km dari kota Batulicin. Biarpun jaraknya liwar jauh, amun buhan pian sudah sampai sana kada manyasal karna pamandangan air terjunnya liwar bagus pasti maulah buhan pian terkagum-kagum.

5.  Pulau Sewangi


Pulau Sewangi nih kada kalah jua lawan wisata nang lainnya, lataknya di antara Laut Jawa lawan Selat Makassar. Nah, nang paling unik di Pulau Sewangi ngini buhan pian kawa mlaihat sumber mata air nang kada parnah karing walaupun lagi musim kamarau.
 

Itu pang babarapa tampat wisata nang harus pian kunjungi lamun pian bajalanan ka Batulicin. Dari babarapa wisata ngintu adakah sudah nang suah pian datangi? Amun balum lakasi kaina amun pian bajalanan ka Batulicin sampatkan ka wisatanya, sakira pian kada pansaran.

Nang Manulis Fatimah


Komentar

  1. Lawas banar kada kesana ih.kada ingat lagi wisata2nya.mudahan habis pandemi Kawa bejalanan lagi

    BalasHapus
  2. Ulun kada pernah lalu ka Batulicin ih, hiks. Mudahan kaena kawa bajalanan kasana jua. Amiin.

    BalasHapus
  3. Subhanallah 5 jam lah kadada kawan lagi wahini yang wani 5 jam dibawa bajalanan. Semoga kapan-kapan kawa ke salah satu wisatanya tuh barang ai

    BalasHapus
  4. Ya ampun dari semuanya aku cuma pernah ke pantai angsana. Betapa banyak pr yg pengen ku jelajahi hihihi

    BalasHapus
  5. hanyar sekali nah ke Batulicin bahari pas begawi di kantor lawas. Pernah besinggah di pantai di pinggir jalan ja. Hanyar tahu jua nah di sana ada gua jua

    BalasHapus
  6. Ada gue sekalinya lah disana. Belum pernah kesana eh . Handak pang kena bejalanan tapi ke pantainya duluuu ����

    BalasHapus
  7. Aku sudah pernah ke Angsana, nanti kalo ada kesempatan mau jalan-jalan lagi ah.

    BalasHapus

Posting Komentar

Postingan populer dari blog ini

Pantun Basa Banjar Gasan Manjaga Warisan Budaya

Assalamualaikum sabarataan. Alhamdulillah ulun akhirnya berkesempatan manulis lagi disini. Buhan pian penasaran apa yang handak ulun kisahakan kah? Lakasi baca lah. Di tulisan ini ulun handak bakisah soal pantun basa Banjar. Buhan pian mungkin sudah tahu, urang Melayu tu kada talapas lawan kabiasaan bapantun. Urang Banjar nang sarumpun lawan Melayu damintu jua, harat-harat baulah pantun. Pantun basa Banjar kada balain pang lawan pantun basa lain. Ada katantuannya jua nang musti diumpati. Mun kada diumpati pantun nang diulah kada baik atawa bisa jua kada kawa disambat pantun. Mun kita maulah wadai tu ada tuangannya. Mun maulah baju, ada polanya. Sama haja lawan pantun. Pantun nang baik ada katantuannya, ada tuangan, ada polanya jua, ngini nah: 1. Pantun nang bagus tu baisian ampat buting baris. Dua baris nang panambaian ngarannya sampiran. Dua baris nang pauncitan ngarannya isi. 2. Pantun nang bagus tu ada pola bunyinya, atawa pola parsajakannya. Polanya tu: ab-ab. 3. Pantu

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu