Bajalanan Ka Rumah Jumblu Di Daerah Cempaka

 

Holla Assalamualaikum, babulik pulang ulun Nisa angguta Female Blogger Of Banjarmasin. Bila pian mambaca tulisan ini bararti bagian pian tahu ulun lagi dapat hadiah. 

 

Alhamdulillah, bila bagian pian katuju wan ulun bisa datang ka akun ig ulun cari aja Khairunnisa_zputri nah ini, bila pian handak tahu kelakuan ulun di dunia twitter bisa cari nama ulun, bisa jua kunjungi tulisan ulun, karena ulun jua saurang blogger di https://www.nisazet.com lancar ulun prumusi hehehe.   

 

Jadi, jumahat samalam, ulun bajalanan ka arah cempaka ada ka kiram, ka bukit mawar, ada nang maulah ulun panasaran banar rumah jumblu. Mulai bahari panasaran, tapi kada suah manjajak akan batis kasana. 

 

Bila bagian pian penasaran saran, ulun sabaiknya datangi,tuntii jangan mandangar ujar ujar habar yang kisah belabih ataupun bakurang. Nah ini sababnya, karana mandangar kisah urang lalu ulun handak tahu, akhirnya bajajak ka sana.

 

Alamat rumah jumblu?

Rumah jumblu ini bagana di alamat di jalan campaka masuk perumahan kawasan kesatria secaba masuk kasana kada bayar, asal tahu di adat wan tahu di basa, karana ini yang dimasuki perumahan urang.

 

Bila handak behabut kaina di pas sampai di rumah jumblu. Karena disana halaman luas parkir nyaman tapi jalan yang dijalani itu tanah habang, kada disarankan bila hujan kasana. Ban kandaraan bagumpal habang, sandal capal pakai bajajak gin taumpat habang.

 

Apa yang ulun pikir akan katika datang ka rumah jumblu?

Asik jar ulun bujuran malihat rumah saikunganya. Sakalinyaaaaaaaaaaaaaaaaa pas ulun mendatangi kasana, di higa muka belakang banyak parumahan orang, alias inya kada jumblu bila di telaah bujur bujur, bila sahibar melihat gambar bujur ai inya menyurangan di gundukan tanah bakas tabukan.

 

Nah bila sudah kasana higa mehiga rumah nya bagus bagus. Jadi ulun sampat tatipu tapi kada papa puas haja sudah malihat wan bakudak.

 

Sakalinya, rumah jumblu ini suah rubuh, alias tatimpa angin wan hujan badai datang lalu hancur naran dari kayu wara, babaya kuat pondasi nya, nah imbah rubuh tu di bangun pulang oleh developer sana, sabagai ciri khas parumahan ngintu, bisa jua icun Banjarbaru.

 

Pas sampai kasana, ulun malihat nusia banyaaak banar, ada yang basapidaan, bakudakan, ada jua kakanakan naik kasana. 

 

Nah pikir ulun ada tangga nginih supaya bisa sampai ka atas maliat dalam rumah jumblu, ulun putari ai gundukan tanah nya sakalinya kadada. Tapi ulun nih bingung, jalan mana kakanakan nginih.

 

Bakuciak ulun kalu “Uy kakanakan, jalan mana bagian kam naik ka rumah jumblu tu. Nang kakankan manyahut jalan muka. Haw jar ulun maka kadada tangga, dimapa naik kaini. Uh sakali dipikir akan inya mamanjat jalan yang kada tapi curam itu.

 

Apakah ulun menyesal bajalanan karumah jumblu?

Hau kadada istilah manyasal, yang panting ulun kada takajut habar, asal bagian tahu yang iyanya bajalanan sambil baulah kuntin, upload di blog Alhamdulillah blog nya teisi jadinya. Hahahah, pas parak suri ulun bulik ai lagi, karena Banjarbaru ke Banjarmasin sajam perjalanan amun jalan lambat, bila kaya Rossi masih anum bisa satangah jam sampai.

 

Nah karena parut ulun lapar alias kada bamakanan dari subuh tulak bahayau ulun mamilih makan lalapan di parak bundaran ganal. Bila dari arah campaka bagian pian harus mamutar, andakannya di parak jalan handak kamandiangin.

 

 

Murah wan nyaman lalapan nya, dijamin bagian pian batambah, ulun neh makan minta dua piring tapi kada habis jua. Jadi maisi tanaga pas dijalan.

 

Bulik ka Banjarmasin malihat sunsit umaaa bungas banar ciptaan Allah tu, dasar bujur indah sagala yang diciptakan di bumi ini, iyakalo. Bagian pian yang mambaca, meedit wan mengoment nih salah satu ciptaan Allah yang maha sempurna.

 

Sudah gin, malam banar sudah ulun akhirnya sampai ka rumah ulun, datang bajalanan di musim pandemi kaini, jangan kada ingat mandi. Supaya barasih pas buliknya. Oke!

 

Salam sugar,

Nang Manulis, Nisa

Nang Mangedit, Niswin