Langsung ke konten utama

Bekisahan tentang Kuyang Lincar


Assalamualaikum, ulun Rima kembali handak bekisahan di blog Female Blogger Banjarmasin. Sebelumnya ulun ada bekisah kalo tentang Kuyang tapi kisahnya nitu, kisah kuyang manusia nang belepas kepala. Nah, ini ulun handak bekisah tentang kuyang sabutingnya lagi yang pernah ulun kisahkan sadikit lawan buhan pian waktu itu.

Buhan pian nang handak membaca kisah sebelumnya, bisa membacanya di link sini lah. Sekira tahu kisah sabutingnya banar ai walau beda tapi sama-sama tentang kuyang tuh nah maksud ulun.

Ulun lanjut lah bekisahan tentang kuyang nang lincat ini. Kisah ini ulun dikisahkan abah ulun jua pang, kada suah mendengar dari urang atau tetamu kisah kaini dari urang apalagi ulun yang tetamu, jangan gin nah, amit-amit am nah. 🙈 Jauhkan bala jer urang tuh, jangan sampai ditamui nang kaini-kaini ah kitanya lah.

Jadi kisahnya ini nih mirip haja pang lawan nang kisah sabutingnya itu tuh, jurang tuh visi misinya sama haja pada handak disayang laki. Jangan kaini bubuhan pian lah. 😅

Ulun mulai lah kisahnya, sebujurnya koler pang nang menulisnya nih, apa nih pas nulis lagi bengaji orang handak adzan maghrib, untung lain malam jumat. 😝

Anu jar pas malam tuh lakinya nih mencarii bininya, kenapa jer kada bulik-bulik. Kada sekali ini aja pang kaini, rancak sudah am, makanya lakinya penasaran kenapa bininya nih bila sidin bangun tengah malam maka sudah kadada eh. Heran jua sako sidin lah.

Nah, pinanya sidin nih pas malam ke berapa kah pinanya sudah tahu kalau bininya sudah lain kaitu nah tapi kada yakin jurang tuh.

*Aduh adzan maghrib, kaini aja gin nah lanjut kisahnya, kada nyaman perasaan bekisah pas maghrib kaini. Horror banar suasananya. 😅 Lanjut isuk siang haja sudah. 😣

Kasi kita lanjutan bekisahnya lah, mumpung masih sore nah ini jadi masih aman haja bekisahan jam seini kita. 😅

Sampai lakinya tuh pina curiga kalo soalnya bininya pina jarang ada malam kaitu mah, lalu lakinya nih bepander lawan ustadz di kampung situ am. Nah, pas ada malamnya tuh bininya kadada, lakinya lalu keluar jua tapi ke wadah ustadz nang sidin bepadah sebelumnya itu.

Ini nih lah kuyangnya lain nang betinggal awak nang kaya kurang sebelumnya, ini tuh kuyangnya lawan awak-awaknya sebigian jua eiy, model kayak orang bejalan biasa eiy jua amun kita melihat.

Ditunggui oleh lakinya nih lawan ustadz tadi, lawan dihebohi jua lawan orang kampung kaitu, jadi menunggui sampai si bininya handak bulik, parah adzan subuh kaitu nah, dihadangi di jalan inya handak bulik.

Si kuyangnya ini nih bejalan laju, inya jua kada bajajak di bumi, sekilan jurang dari muka bumi. Yang dibawanya tuh lading belati lawan apa tuh nah hang kesan meandak tempuninya kaitu, entah nyiru halus kah atau apa kaitu nah, ada pokoknya nang diingkutnya. Padahal manusia lah ini tapi rasa setan pang sudah mun jadi nituh, orang aja sekilan dari bumi. 🙈 Awaknya tuh lincar model kaya awak orang diminyaki kaitu nah, ngalih banar am menangkap kuyangnya ini.

Jadi lah, singkat cerita nang tadi kalo yang habis ditunggui, asli am ada sidin, lakinya ada jua lawan ustadz dan orang kampung. Semodel takajut kaitu tapi ngaran setan am lah, biar dihagai banyak orang tetap eiy jua banyak caranya. 😅

Sudah dibacai ustadz segala macam, sudah dihagai orang kampung jua sekira kawa menangkap si kuyangnya nih. Heboh dari sebelum subuh sampai parak subuh, yaitu kada kawa jua menangkap sampai akhirnya si kuyangnya kawa kabur.

Habis kisah kalo, si bininya nih kabur pas jadi kuyang, rami eiy orang kampung bekisah tapi kadada bulik lagi am sidin, mungkin supan kalo. Kisah lakinya yang ditinggalkan nih kadada kisah laki am, tahunya ulun sampai si kuyangnya ini kada kawa ditangkap oleh bubuhan ustadz situ lawan orang kampung. 🙈

Habis am sudah kisahnya nah, singkat aja kada tapi panjang kisahnya nih, apa am kada tetangkap pang kuyangnya. Kisah ini jarang ditemui kalo, mudahan jadi kisah baru kesan bubuhan pian daripada kuyang yang biasanya. 😝


***


Penulis : Rima (www.rima-angel.com)

Komentar

  1. Huahbh horor banar lok. Kada wanilah melihati.

    BalasHapus
  2. Horor banar ni kisah. Apa pun macam kuyangnya tetap takutan nah hiks

    BalasHapus
  3. kaina kita bekisahan hantu lain pulang lah kita hihi

    BalasHapus
  4. Rimaaa ketuju banar bekisahan hantu, ya ampun, ngeri2 sedap membaca kisah tentang kuyang nih

    BalasHapus
  5. Aku hanyar tahu kisah ini, asa menyesal ada jua jadi tebaca timbul takutan heh, wkwkwk

    BalasHapus
  6. bebini kuyang eehhh... untung jua kada babulik lagi nang bini nih. jaka babulik kaya apakah leh..

    BalasHapus
  7. Banyak banar Rima stok kisah horor nah. Kawa diulah beseri

    BalasHapus
  8. Beh ai. Untung kada membuka pas malam. Jaka tidak tebanting hape. Haha. Mantap kisah kuyangnya euy

    BalasHapus
  9. macam-macam lah jenisnya kuyang nih, hanyar tahu ulun

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Belajar Istilah Banjar

  Halo! Apa habar buhan pian sabarataan? Mudahan baik ajaa lah sabarataan, sehat selalu dan dijauhkan dari panyakit.   Nah kali ini ulun handak memadahkan beberapa istilah dalam bahasa Banjar yang mungkin banyak dari pian masih balum tahu karena kada tebiasa berbahasa banjar sehari-hari, atau hanyar aja pindah ke banjar. Oiya, ulun ingat banar bahari pas SD balajar bahasa Banjar muatan lokalnya, amun wahini masih jua kah kakanaan tahu di istilah ni?   Berikut beberapa istilah dalam bahasa Banjar:   1. Salesmaan   Salesma sabujurnya adalah ngaran virus yaitu virus salesma, yang begejala behingusan atau pilek. Nah rancak urang tetap menyambat salesmaan jua amun ada nang kena flu karena gejala si salesma lawan flu nih mirip yang nyata bahingusan lawan batukan.   2. Hawai   Hawai nang ini lain ngaran wilayah lah, hawai nang dimaksud di sini tu artinya semacam sunyi tu nah, misalnya urang tebiasa di kota lalu bejalanan ke desa pasti lain suasananya, tebiasa pina rami

Kisah Intingan wan Dayuhan

Halo sabarataan, batamuan pulang lawan ulun, Nisa. Kali ini, ulun handak mangisahakan kisah Intingan wan Dayuhan nang rajin tu selalu dikisahakan bila ulun handak guring waktu lagi halus dulu. Kisahnya ni turun temurun dari zaman datu, nini, mama, anak sidin, dan cucu sidin, bisa jua kaina sampai ka buyut sidin. Kisahnya nih rami, sampai taguring guring mandangari kisah ini ja, lucu pulang han. Bila pian suah mandangar kisah Intingan wan Dayuhan, bararti kita sama. Zaman bahari kadada pang yutube wan intirnit. Nang ada kisah dari muntung ka muntung ja. Nang kaya apa kisahnya, ni ulun kisahakan nah ka bagian pian sakira kada panasaran. Kisah Intingan wan Dayuhan  Zaman bahari ada dua ikung badua ba-ading nang bangaran Intingan wan Dayuhan. Kisahnya Intingan nang jadi kaka, Dayuhan ading nya. Ibarat kata, si Dayuhan nih inya orangnya kada tapi paham apa yang di padah-akan tu, atau bahasa kitanya, ada nang kurang kaitu nah. Ujar kisah si ading nih kada hakun sakulah, mac