Langsung ke konten utama

Main Badandang

Assalamualaikum. Nangapa habar? Mudahan sihat sigar sakaluargaan lah buhan sanak ulun nang mambaca tulisan ulun ni.. aamiin.

Zaman makin maju, tiknulugi jua samakin maluas ditangah masyarakat. Tapi, adakah masih kakanakan wayahini nang katuju main badandang? Hmm… ajin sako neh ada jua kakanakan mudirin nang kada tahu nang kaya apa bantuknya dandang?

Nah, mudahan haja kada pang lah. Rugi banar parasa ulun kada tahu raminya badandang, magin munnya lalakian. Kagiatan Badandang ni sabujurannya tarmasuk dalam permainan tradisional khas Kalimantan Selatan, sakalumpuk haja lawan parmainan balogo.

Bandanya nang ngaran ‘Dandang’ ni barupa kalayangan, kukurang labih lah manurut ulun bantukannya, bedanya ada di ukuran. Lamun misalnya layang-layang nang kita tahu tu bisa ditarbangakan ulih saikung kakanakan esde, nah lamun si Dandang ngini mau 3 sampai 5 ikung urang tuha nang mambawa bukah hanyar kikira anggaran kawa tarabang. Jadi kawa ai kalo membayangkan kaya mana ganalnya? Ganal banar sanak ai!


Rangkanya dari kayu, misal kayu paring kah. Nang maulah jadi rami tu adalah ‘dangung’. Dangung ngitu nangapa pulang? Dangung tu adalah potongan bambu nang sudah dilubangi seini seitu anggaran keluar bunyi bila bersinggungan lawan udara.




Badandang biasanya digawi pas musim kumarau limbah bubuhan nang bahuma sudah tuntung baharaguan di pahumaan. Kadada marganya nang pina musti, nang iyanya tu main badandang ni ‘landasan pacu’ hagan supaya dandang naik ka atas tu harus luas. Lamun di Kampung lapangan luas nang ada pas kumarau ya pahumaan, jadi pas ae kasitu teh malumbar banangnya hagan main.



Pas bangat waktinya tu lawan marakatakan bubuhan nang anum-anum jua, apalagi badandang ni bahanu selain festival bisa jua diselenggarakan salajur gasan mamariahakan acara buhan kaluarga di Kampung, kaya pas ulun bahari kawin, paman ulun nang urang Kandangan lawan urang Rantau salajur sakalian maulah acara Badandang barsama. Sabujurnya, paminat parmainan nang sabuting ni banyak ai, tapi event-nya banarai nang parasa ulun pina tajarang.

Nah, kayapa? Kita kah balajar main badandang!

***
Nang manulis: Leha (https:\\www.syunamom.com)
Nang manyunting: Ira (https:\\www.irabooklover.com)

Komentar

  1. Aih badandang kah ti ngarannya, dikira sama haja pada kalayangan. Hnyar tahu nah acel. Asa kd suah lagi pang malihat urang bemainan kalayangan ganal kaini wahini.

    BalasHapus
    Balasan
    1. Inggih Ka, mulai jarang dah talihat urang bamainan dandang ni wayahini.

      Hapus
  2. Ulun urang Banjar tapi hanyar tahu nah pada ada mainan badandang ni, *supannya ih*, *tutupi muha pakai kalayangan*

    BalasHapus
  3. Ternyata badandang ni mirip sama kalayangan lah, jarang talihat urang main badandang.. Wahini urang katuju main gadget hihi

    BalasHapus
    Balasan
    1. Inggih Ka, padahal mun urang wayahini hakun mancobai main badandang ni rami pada main gadget bisa, hihihi.

      Hapus
  4. Tetangga belakang pernah lho main layangan badandang. Ukurannya nggak seperti yang difoto tapi ada suaranya. Berdengung gitu. Hebatnya layangan itu dibiarkan saja semalaman tanpa ribet megang talinya.

    BalasHapus
    Balasan
    1. Whuaaaah, keren pian Ka sudah suah malihat layangan badandang ^_^

      Hapus
  5. Ingat bahari waktu SD malihat buhan dikampung ulun mainan nginih dipahumaan bila habis katam.. rami banar sampai handak sanja hanyar naikan karumah.

    BalasHapus
    Balasan
    1. Dasar rami banar tu Ka lh jadi sampai sanja tu hanyar naikan ka rumah XD

      Hapus
  6. Serunya ai main badandang. Belum pernah ulun melihati kayak ini di banjarmasin. Banyak jua yang umpat di fotonya lah

    BalasHapus
    Balasan
    1. Inggih Ka, mudahan kita kaena ada kesempatan malihat urang main badandanng ^_^

      Hapus
  7. Waah seru nih. Di kota ku Tulungagung juga biasa ada 'badandang' kalau pas musim kemarau kak. Ukuran layang-layangnya gedeee banget.

    BalasHapus
    Balasan
    1. Waaah, berarti dasar bujur rami main badandang ni lah sampai di banua seberang ada jua urang main kalayangan ganal ^_^

      Hapus
  8. Raminya ih caka parak matan rumah handakai jua umpat malihat. Maka lucu banar gambar nubita ngitu

    BalasHapus
    Balasan
    1. Inggih Ka, lucu gambar Nubita nya, tokoh kartun nang legendaris tu, hihihi

      Hapus
  9. hanyar ingat kalaau ngarannya badandang hehehe.Mudahan kada punah permainan ini lah

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Bajukung di Atas Rawa

jejakrekam.com Di Kalimantan Selatan daerah pahuluan selain gunung dan sungai jua ada daerah rawa. Terutama di 3 kabupaten hulu sungai selatan, tengah, dan utara tergabung 3 daerah rawa.Nah di rawa ngini kadakawa pakai alat angkutan nang ganal jadi harus pakai jukung nang ramping supaya muat lawan kada santuk lawan di bagian bawah bila kamarau pas banyu surut. Jadi di awal bulan Juni samalam ulun sawat mancobai bejukung di rawa ngini. Tepatnya di daerah perbatasan antara hulu sungai tengah dan hulu sungai utara. Di permukaan rawanya hibak lawan tumbuhan banyu. Jadi jukung tu harus mambuka jalan dahulu. Bila takana rumputnya nang jadi sarang nyamuk benyamuk tunpang disangati nang di atas jukung. Makanya paman-paman nang mambawa jukung besangu obat nyamuk. Kada tahan jua obat nyamuk saking banyaknya nyamuknya. Oya, jukung ni dipakai gasan alat pengawasan kelompok pencari iwak. Rata-rata di sini mata pencaharian orang mencari iwak tarus pang. Tapi takana ada nang menyalahi aturan yaitu ma

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu