Langsung ke konten utama

Jejak Sastra Banjarbaru


Assalamualaikum dingsanak berataan. Hari ini ulun handak bakisah soal perjalanan sastra di Kalimantan Selatan, khususnya di Banjarbaru. Pasti buhan pian berataan rata-rata sudah pernah ke Banjarbaru, kalo? Kotanya nyaman, setujulah buhan pian?

Tapi, ulun kada bekisah soal kenyamanan kota Banjarbaru. Ulun bekisah soal lain haja nah. Sastranya.

Mungkin buhan pian balum tahu lah, Kota Banjarbaru dahulu tempat pindahan urang –urang dari wilayah lain. Migrasi jar urang tu istilahnya. Bahari tu masih sunyi Banjarbaru ni. Model kayak kampung tu nah. Ada pang beberapa wilayah yang rami. Misalnya pendulangan intan di Cempaka.

Walau kampung, bahari di Banjarbaru sudah ada teater sederhana tahun 1963. 1964 Arena Studi TeaterArtis (ASTA) sudah ada di Banjarbaru. Tahun 1960-an, Banjarbaru jua sudah ada beisi majalah. Ngarannya Majalah Anjung.

Habis itu, sastra di Banjarbaru tarus tu pang berkembang. Sampai tahun 2000-an, di Banjarbaru banyak banar sudah komunitas sastra-nya.  Di 2001-2009 ada delapan  kelompok yang muncul dan umpat mehiasi sastra Banjarbaru, yaitu: Bengsas ’01 Sanggar Naga tahun 2001, Forum Taman Hati tahun 2002, Forum Lingkar Pena Banjarbaru tahun 2003, Kelompok Studi Sastra Banjarbaru tahun 2005, Rumah Cerita dan Komunitas Sastra Indonesia Banjarbaru (KSI) tahun 2007, Komunitas AUK (Aku Untuk Kamu) dan KomunitasTeras Puitika tahun 2009.

Selain komunitas sstra yang makin banyak tadi, di Banjarbaru jua makin batambah haja buhan penerbit, nang mendukung berkembangnya buhan sastra tadi tamasuk lahir buhan sastrawan Banjarbaru. Penerbit di Banjarbaru misalnya Zukzez Express nang sudah menerbitkan 400 lebih judul buku, wan penerbit Pena Kita nang sudah menerbitkan 200 judul buku.

Sampai wahini, sastra Banjarbaru makin maju menurut ulun.  Apalagi didukung oleh buhan komunitas nang rajin banar berdiskusi dan mambari sumbangan gasan sastra Banjarbaru. Ulun berharap, sastra Banjarbaru makin jaya di masa depan wan menjadi salah satu penggerak sastra di Kalimantan Selatan. Kayapa manurut buhan pian?

***
Nang manulis: Cherry  (https://cherryyrans.blogspot.com
Nang manyunting: Enny (https://www.ennyratnawati.com)

Komentar

  1. Ulun mendukung banar perkembangan sastra di banua ni. Jadi literasi kah jar urang tu baik jua. Kaina2nya pengaruh jua lawan tingkat kemajuan di bidang nang lain.

    BalasHapus
  2. banyak banar lah penerbit lawan komunitas sastranya di banjarbaru ini. Ulun baru tahu jua kalau Banjarbaru tuh tempat migrasi dahulu

    BalasHapus
    Balasan
    1. Inggih Ka, mudahan kualitas penerbit lawan komunitasnya kada kalah jua lawan nang di banua lain ^^

      Hapus
  3. Mudahan penerbit-penerbit nang ada di Banjarbaru ni kada kalah lah kualitasnya lawan penerbit-penerbit nang ada di seberang pulau ^^

    BalasHapus
  4. Sekang komunitas sastra di banua sudah banyak berkembang. Banyak anak-anak muda kritis dan peduli pada budaya juga ikut bersastra. Semoga berkembangnya komunitas diiringi dengan kualitas ^^

    BalasHapus
  5. Banyak jualah komunitas sastra di Banjarbaru. Biasanya buhan komunitas sastra ni bekumpulan di Murjani situ jar lah

    BalasHapus
    Balasan
    1. Inggih Ka, manurut habar bagiannya tu rancak bakumpulan di Murjani ^_^

      Hapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Pantun Basa Banjar Gasan Manjaga Warisan Budaya

Assalamualaikum sabarataan. Alhamdulillah ulun akhirnya berkesempatan manulis lagi disini. Buhan pian penasaran apa yang handak ulun kisahakan kah? Lakasi baca lah. Di tulisan ini ulun handak bakisah soal pantun basa Banjar. Buhan pian mungkin sudah tahu, urang Melayu tu kada talapas lawan kabiasaan bapantun. Urang Banjar nang sarumpun lawan Melayu damintu jua, harat-harat baulah pantun. Pantun basa Banjar kada balain pang lawan pantun basa lain. Ada katantuannya jua nang musti diumpati. Mun kada diumpati pantun nang diulah kada baik atawa bisa jua kada kawa disambat pantun. Mun kita maulah wadai tu ada tuangannya. Mun maulah baju, ada polanya. Sama haja lawan pantun. Pantun nang baik ada katantuannya, ada tuangan, ada polanya jua, ngini nah: 1. Pantun nang bagus tu baisian ampat buting baris. Dua baris nang panambaian ngarannya sampiran. Dua baris nang pauncitan ngarannya isi. 2. Pantun nang bagus tu ada pola bunyinya, atawa pola parsajakannya. Polanya tu: ab-ab. 3. Pantu

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu