Langsung ke konten utama

Cara Ma-ulah Sasirangan Khas Banjar


Uyy…. buhannya apa habar buhan pian sabarataan? Mudahan sehat aja barataan lah…Nah ulun di sini handak mainfoakan kaya apa gerang caranya meolah kain sasirangan nang langkar nih. Gasan buhan pian yang balum tahu, kasi baca sampai tuntung lah Cil..Acil.

Banjar dikenal lawan kain  khasnya, ngarannya “Kain Sasirangan”, kerajinan khas Kalimantan Selatan. Biasanya kainnya ni dipakai gasan ikat kepala, sabuk gasan lakian, lawan selendang gasan binian. Banyak banar motif atau pola gasan si kain ni. Warna-warnanya rancak diambil dari warna alam.

Cara Ma-ulah  Kain Sasirangan :

1. Pemulaan banar jangan kada ingat harus ada ba-isi kain putih dulu. Jangan kain motif sudah jadi. Mun nang sudah jadi itu ngarannya lain maulah kain sasirangan lagi tapi maulah baju gasan ka kawinan hahah. Nang bujur, siapkan kain putih sasuai ukuran gasan baju buhan pian. Jenis kainnya ngintu kain kapas (cotton). Mun wayahini sudah kawa banyak pilihan kainnya. Kawa pakai kain santung, kain balacu, kain kaci, kain polyester, kain rayon atawa kain sutera.

2. Habis tu, baulah pola di kain pakai cetakan nang sudah ada. Motifnya barang pian haja nang mana katuju. Amun ulun katuju motif iris pudak lawan kambang bintang.

3. Hanyar dijahit jalujur mengikuti pola motif nang sudah pian ulah tadi. Mun buhan pian pernah meolah kain ngini pas jaman sakulah dulu, langsung jahir haja sampai ujung hanyar disisit kancang habis tuh dibuhul ujungnya.

4. Bila sudah tuntung barataan dijahit, kain nang masih ada bakas kanji dirandam dulu lawan banyu nang dicampur kaporit. Marandamnya samalaman. Esoknya hanyar diangkat Cil lah,  wkwk.  Jangan kalawasan marandamnya, kena kada jadi sasirangan tapi malah jadi mandai, hahaha.

5. Mewarnai kain biasanya dua kali prosesnya.  Kanapa tadih jadi dua kali? Inya ada urang nang katuju dua warna, habis-am tangalih sadikit. Pamulaan di culup haja habis tuh hanyar nang dicolet tadi. Lawasi-ai dahulu dirandam sambil dikucak-kucak. Jjaman ulun sakulah bahari sawat am bemainan dahulu. Jangan kada ingat basarung tangan lah pian. Banyu warnanya tuh panas Cil ai,  timbul luyuh pian, kapuhunan-am.

6. Bila sudah tuntung, gana-akan dulu. Habis tu didadai sampai ti-is. Parak karing hanyar dipaculi benang bakas jalujur tadi.

7. Imbah dipacul banangnya tadi, mulai kalihatan-am sudah motifnya tadi bepola-pola. Habis tu dibasuh, dikucak-kucak sampai barasih. Sampai jernih kadada lagi bakas warnanya.

8. Habis tu dikaringakan-ai lagi. Tapi dinaung lah nang kada langsung kana sinar matahari supaya taduh.

9. Habis tu digosok-ai lagi kainnya supaya rapi lawan licin talihat.  Habis tuh kawa dah dijahit handak jadi baju panjang kah, jadi rok kah, atau jadi kerudung sabarataan kawa haja asal cukup kainnya.

Nah, bisa kalo sudah beulah kain sasirangan sorang ? Kada usah lagi pian nukar, nyata irit biaya rumah tangga Cil ai.

Salam Enychan.

***

Nang manulis: Enychan (http://www.enychan.com/)
Nang ma-edit: Ira (https://www.irabooklover.com/)

Komentar

  1. ini kaya bikin celup gitu ya kak?
    aku pernah bikin pas SD dulu

    tp kayany bagian susahnya bikin pola ya


    -PS-
    Peluk dari jauh
    lilpjourney(dot)com

    BalasHapus
    Balasan
    1. Inggih Ka, dicelup kainnya.

      Inggih dasar tangalih pang sedikit ma-ulah polanya ni, hihihi

      Hapus
  2. Ulun suah beulah sasirangan, sayang kada tapi bisa menjelujur bangang lalu kada baik hasilnya hahaha

    BalasHapus
    Balasan
    1. Hihihi, kada papa Ka, pengalaman ma-ulah sasirangannya jua nang patut dikenang, *ecieee*

      Hapus
  3. masalah pola ni khas deh kayanya. jangan sampai aku beolah sasirangan motif hello kitty wkwk

    BalasHapus
    Balasan
    1. Hihihi, inggih bujur Ka. Polanya harus khas sasirangan. Tapi kalonya ada Hello Kitty bisa jw kayaknya lah, digabung lawan pola khas sasirangan, jadinya sasirangan kreasi, *mulai mangabuaw*, wkwkwk

      Hapus
  4. Jadi keingatan bahari pas smp muloknya beulah sasirangan ngini. Mulai dari menggambar pola, menjahit sampai mewarnai. Pas dijamur lawan jaring malah tepehurup lawan ampun kawan. Hihi

    BalasHapus
    Balasan
    1. Wkwkwkwk, kaena bila maulah lagi langsung andaki label Ka, supaya kada tapahurup XD

      Hapus
  5. Susah banar lah maulah kain sasirangan ini 🤣 tapi hasilnya cantik dan beda sama kain lainnya

    BalasHapus
    Balasan
    1. Inggih Ka, lumayan ngalih jua parasa ulun. Makanya hasilnya cantik lawan balainan pada nang lain ^_^

      Hapus
  6. Alhamdulillah, pernah datang ke event dan diajarin cara bikin sesirangan dari 0 banget ternyata susah banget eiy perkara jahit menjahit nya, yg jelujur.

    BalasHapus
    Balasan
    1. Inggih Ka, menjelujurnya ngalih lawan talapahi jua parasa ulun, hihihi, Tapi mun sudah jadi puas tu pang malihat hasilnya ^^

      Hapus

Posting Komentar

Postingan populer dari blog ini

Pantun Basa Banjar Gasan Manjaga Warisan Budaya

Assalamualaikum sabarataan. Alhamdulillah ulun akhirnya berkesempatan manulis lagi disini. Buhan pian penasaran apa yang handak ulun kisahakan kah? Lakasi baca lah. Di tulisan ini ulun handak bakisah soal pantun basa Banjar. Buhan pian mungkin sudah tahu, urang Melayu tu kada talapas lawan kabiasaan bapantun. Urang Banjar nang sarumpun lawan Melayu damintu jua, harat-harat baulah pantun. Pantun basa Banjar kada balain pang lawan pantun basa lain. Ada katantuannya jua nang musti diumpati. Mun kada diumpati pantun nang diulah kada baik atawa bisa jua kada kawa disambat pantun. Mun kita maulah wadai tu ada tuangannya. Mun maulah baju, ada polanya. Sama haja lawan pantun. Pantun nang baik ada katantuannya, ada tuangan, ada polanya jua, ngini nah: 1. Pantun nang bagus tu baisian ampat buting baris. Dua baris nang panambaian ngarannya sampiran. Dua baris nang pauncitan ngarannya isi. 2. Pantun nang bagus tu ada pola bunyinya, atawa pola parsajakannya. Polanya tu: ab-ab. 3. Pantu

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu