Langsung ke konten utama

Motif-Motif Sasirangan


Assalamu'alaikum kakawanan sabarataan, apa habarnya hari ini? Nah hari ini ulun handak bekisah. Mengisahakan cara beolah sasirangan. Tahu ai kalo pian sasirangan tu apa?

Bujur! Kain sasirangan tu kain khasnya provinsi Kalimantan Selatan alias kainnya urang Banjar. Kain sasirangan ni mirip-mirip lawan kain jumputan urang Jawa lawan Sumatera sana, mirip cara pembuatannya aja pang.

Tapi amun motif lawan modelnya tu lainan, khas tu pang sudah mun sasirangan tu, sekali melihat tu pinandu sudah kain apa.

Bahari kala tu sasirangan dipakai gasan kain urang betatamba, disambatnya jua kain pamitan. Warnanya bahari tu kabanyakan warna kuning, warna khas urang banjar. Rancak dipakai gasan jadi laung, tapih lawan kakamban gasan buhan bebinian. Motif awalnya gin balum banyak nang kaya wahini pang.

Sairing bajalan waktu, kain sasirangan ni sudah kada gasan batatamba lagi tapi sudah gasan ba-aksi. Kawa dipakai gasan apa aja. Motifnya gin wahini banyak banar jua sudah. Nang bisa meulah sudah banyak jua. Jadi nyaman banar pian mun handak maulah baju mancari kainnya ni ada ja urang bajual.

Amun motifnya kalau kada salah nang sudah dipatenkan tu ada ini nah:

- sarigading,
- ombak sinapur karang (ombak menerjang batu karang),
- hiris pudak (irisan daun pudak),
- bayam raja (daun bayam),
- kambang kacang (bunga kacang panjang), -
- naga balimbur (ular naga),
- daun jeruju (daun tanaman jeruju),
- bintang bahambur (bintang bertaburan di langit),
- kulat karikit (jamur kecil),
- gigi haruan (gigi ikan gabus),
- turun dayang (garis-garis),
-  kangkung kaombakan (daun kangkung),
- jajumputan (jumputan),
- kambang tampuk manggis (bunga buah manggis),
- dara manginang (remaja makan daun sirih), putri manangis (putri menangis),
- kambang cengkeh (bunga cengkeh),
 - awan beriring (awan sedang diterpa angin), - benawati (warna pelangi),
-  bintang bahambur (bintang bertaburan di langit),
-  turun dayang (garis-garis),
-  sisik tanggiling.

Han banyak banar kalo motifnya sasirangan nih. Jangan mangaku urang banjar pian amun balum baisi kain sasirangan, hehe.

Nah amun bebuhan pian baisi kain sasirangan motif apa aja di rumah?

***
Nang manulis: Lidya (www.admilidyasari.com)
Nang me-edit: Ira (www.irabooklover.com)

Label:

Komentar

  1. utari ninghadiyati13 November 2019 pukul 13.06

    Motif lawan warnanya buanyak banar. Bingung handak menukar yang mana.

    BalasHapus
    Balasan
    1. Female Blogger of Banjarmasin15 November 2019 pukul 21.26

      Inggih Ka, ulun bingung jua bila handak manukar, bagus-bagus barataan, hihi

      Hapus
  2. Enny Ratnawati13 November 2019 pukul 13.25

    Motif nya banyak. Warnanya Jua beragam . Tapi hampir se berataan motif ulun katuju haja. Kalau diolah baju pokoknya bagus banar

    BalasHapus
    Balasan
    1. Female Blogger of Banjarmasin15 November 2019 pukul 21.28

      Inggih Ka, dasar bungas-bungas barataan motif kain sasirangan ni ^^

      Hapus
  3. Lidya Basrindu13 November 2019 pukul 16.53

    Alhamdulillah ulun masih urang banjar tu karena baisi aja lawan sasirangan di rumah haha.
    Banyak banar wahini motifnya sampai bingung amun lagi ma milih handak manukar

    BalasHapus
    Balasan
    1. Female Blogger of Banjarmasin15 November 2019 pukul 21.28

      Bujur Ka, motifnya bungas-bungas, lalu bingung handak nang mana, hihi

      Hapus
  4. Rima Angel14 November 2019 pukul 17.40

    Wah ternyata banyak juga ya motif sasirangan ini, aku pikir ga sebanyak ini.

    BalasHapus
  5. Mia Yunita15 November 2019 pukul 10.49

    dari yang awalnya kain gasan pangobatan, manamba nang garing, timbul jadi fashion. keren juga ya, apalagi motif-motifnya bikin bingung mau beli yang mana hehe

    BalasHapus
    Balasan
    1. Female Blogger of Banjarmasin15 November 2019 pukul 21.30

      Inggih Ka, alhamdulillah sasirangan kawa jadi fashion dah wayahini, maka bungas-bungas pulang motifnya, bingung kita jadinya lah, rasa handak manukari barataan, hihi

      Hapus
  6. antung apriana15 November 2019 pukul 10.53

    hmm kada ingat nah di rumah tu motifnya apa. wahini motof sasirangan pina banyak bemodif sudah. ingat banar bahari pas smp belajar meulah sasirangan ni pas kelas muatan lokal

    BalasHapus
    Balasan
    1. Female Blogger of Banjarmasin15 November 2019 pukul 21.33

      Waahh, keren Ka sakulahan smp pian muatan lokal-nya balajar maulah sasirangan ^^

      Hapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami
13 komentar
Baca selengkapnya

Belajar Istilah Banjar

  Halo! Apa habar buhan pian sabarataan? Mudahan baik ajaa lah sabarataan, sehat selalu dan dijauhkan dari panyakit.   Nah kali ini ulun handak memadahkan beberapa istilah dalam bahasa Banjar yang mungkin banyak dari pian masih balum tahu karena kada tebiasa berbahasa banjar sehari-hari, atau hanyar aja pindah ke banjar. Oiya, ulun ingat banar bahari pas SD balajar bahasa Banjar muatan lokalnya, amun wahini masih jua kah kakanaan tahu di istilah ni?   Berikut beberapa istilah dalam bahasa Banjar:   1. Salesmaan   Salesma sabujurnya adalah ngaran virus yaitu virus salesma, yang begejala behingusan atau pilek. Nah rancak urang tetap menyambat salesmaan jua amun ada nang kena flu karena gejala si salesma lawan flu nih mirip yang nyata bahingusan lawan batukan.   2. Hawai   Hawai nang ini lain ngaran wilayah lah, hawai nang dimaksud di sini tu artinya semacam sunyi tu nah, misalnya urang tebiasa di kota lalu bejalanan ke desa pasti lain suasananya, tebiasa pina rami
6 komentar
Baca selengkapnya

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu
8 komentar
Baca selengkapnya