Langsung ke konten utama

Ampat Mainan Tahun 90-an Nang Wayahini Kadada Lagi

Apa habar buhan kakawanan setia Nisa?

Kakanakan wahini rami banar main hapi (hp). Bila inya haratan manangis diunjuki yutub (YouTube) ranai tu langsung. Misalkan dilihatakan kisah urang mandi bola kah, si joni joni yes papa kah, kisah upin ipin, nusa rara wan masih banyak lagi kisah yutub nang kadada habis-habisnya diulah orang. Rasa sadih malihat, dimana-mana kakanakan wayahini saraba hapi. Kamanakan ulun nang masih halus kayak hampial tu gen umpat jua mamainakan hapi.

Jadi, ulun di sini handak membawa-i bagian pian babulik ka masa dahulu, nang mana ulun bacari maainan ini kadada lagi kakanakan wayahini mamainakannya. Rasa sadih malihat nang sudah ganal kayak ulun nih mancari mainan kakanakan. Padahal dasar banaran rami bila bamainan mainan nang kayak ngini dulu. Biar hari panas, kada makan, sampai hakun ja bulik sanja saking raminya bamainan lawan kakawanan.

Apa-apa ja gerang mainannya tu? Ini nah mari kita lihat dibawah ni:

1. Batiwah


Batiwah maksudnya mahimapat kaleng bakas oli atau kaleng susu , undasnya kayu. Jadi siapa nang badahulu wan paling jauh menimbai kayu sehingga kawa mehamburakan kaleng, maka inya manang. Dan siapa yang paling parak menimbai undas ka kaleng inya nang kalah. Saban kamarian bemainan ini, banyak manusia nang umpat. Bila uyuh hanyar ampihan, biar sampai sanja. Dasar rami banar bamainan ngini.

2. Bamainan Gambar


Harga sabuting gambar ni 1000 rupiah. Macam-macam rupa gambar lawan cara mamainankannya. Di potong tunggal butingan, bisa gasan main bekompak, main betimbai sandal dalam lingkaran, bisa jua main be-dum.

Nang paling rami bila kebanyakan menang sudah gambar ni baparabut. Nang ampun gambar mehambur gambar di atas mija, atau di atas nang tinggi pada kakawanan, jadi kakawanan nang dibawah nang tukang putiki gambar hasil parabutan tadi.

3. Meteor Garden

Meteor garden bahasa nang dari mana asalnya. Ini mainan kutak ruku, jadi setiap kutak ruku belain lain nilainya. Bila kutak ruku sampurna dinilai 1K karena saking nyamannya cacariannya, semakin ngalih kotak rukunya semakin tinggi nilainya. Memainkan meteor garden bisa badua batiga ba-ampat, samakin banyak urang nang umpat, semakin banyak dapatnya bila menang haha.

4. Tali Gatah
Galang gatah bahari musim banar, sampai yang handak japuk masih ja dipalar. 
Jadi tali gatah nih disusun tunggal butingan. Bisa dimainkan tali ulai, bekodok, betimbai, sing duduk, sing diri, singkaladi beolah katikan cacak atau gasan disimpani. 

Bila bamainan ini tangan hakun ganting dapatnya gatah di andak di tangan kiri wan kanan, makin banyak gatah yang dibawa makin ganting pegelangan tangan.

Nah itu mainan kakanakan di zaman 90-an. Jaka kawa meulang waktu, buhan pian handak main nang mana?  Amunya kawa, ulun handak main sabarataan, sakira ma-ingat memori ulun bahari pada suah marasani mainan kaini.

Salam sugar

Nisa ❤

***

Nang manulis: Nisa (www.nisazet.com)
Nang ma-edit: Ira (www.irabooklover.com)

Komentar

  1. Mainan kelereng juga ada kak. Hehehe
    Anak-anak zaman sekarang mah mainannya di gadget :(
    Kayanya dari empat mainan tadi cuma nomor 1 aja yang aku belum pernah main pas kecil. hehehe

    BalasHapus
    Balasan
    1. Inggih bujur Ka. Main kelereng atau kalikir bahasa banjarnya rami jua di tahun 90-an ^_^

      Hapus
  2. Selain empat ini.. Msh banyak mainan jaman old yg melatih kreatifitas hahahha... Misalnya ya sin apa yasinan tuh. Melatih kerjasama

    BalasHapus
    Balasan
    1. Inggih bujur Ka, main yasinan tu rame banar bahari, hihihi

      Hapus
  3. Jadi ingat dulu main tali karet tapi jadi anak bawang wkwk
    Kalau main gambar buat dikoleksi sendiri kada gasan mainan lawan kawan

    BalasHapus
    Balasan
    1. Sama Ka, main gambar tu bahari saking disayangnya gambarnya jadi koleksi pribadi, wkwkwk

      Hapus
  4. Meteor gardeng tu nang kyp memainakannya. Bahari lagi halus pakai bungkus gulaan aja suah. Mun batiwah bahari kami pakai kayu. Karena di wadah kami bahari tenyaman mencari kayu pada kaleng.��

    BalasHapus
    Balasan
    1. Cara mainnya kurang labih sama lawan mangumpulakan bungkus gulaan t jua bisa Ka. Inggih, selain pakai kaleng, pakai kayu kawa jua rajin mainnya ^_^

      Hapus
  5. Ulun paling suka main karet gatah. Belum pernah main batiwah atau meteor garder haha

    BalasHapus
  6. Ingat bahari mengumpulkan tali gatau bakas mama betetukar. Happy banar dapat Tali gatah. Wahini lain lagi kisahnya. Haha

    BalasHapus
    Balasan
    1. Inggih bujur banar Ka. Bahari rasa sanang banar tu pang bila dapat tali gatah, hihihi ^_^

      Hapus
  7. Han, tabukti parmainan banjar gin ada jua nang go internesyenel. ngitu nah nang ngarannya 'meteor garden'. kanapa yang tabayang wajah2 buhan efse atawa F4 lah wkwk..

    BalasHapus
    Balasan
    1. Hiburan tambahan tu Ka ae, wkwkwk, bamainan sambil mambayangakan bubuhan efse XD

      Hapus
  8. Hanyar tahu nah mainan meteor garden. Kdd gambarnya pang ih jadi kada tahu kayapa mainannya. Amun nang paling atas tu keingatan main boi am

    BalasHapus
    Balasan
    1. Inggih Ka kadada gambarnya kemungkinan karena mainnya pakai kutak ruku, ehm, *kodematakidip-kidip*. Atau bisa jua karena kutak rukunya nang dikumpulakan bahari hilangan sudah wayahini, wkwkwk XD

      Hapus
  9. Mainan anak jaman now skrg udah beda banget yah beda sama kita dulu, tp seru meski sesederhana itu

    BalasHapus
  10. Eh meteor garden kah namanya nang kotak rokok tuh, ulun kd tahu ngarannya tapi mainan itu jua bahari. Hahaha

    BalasHapus
    Balasan
    1. Hen, keren lo Ka ngaran mainannya sekalinya, wkwkwk XD

      Hapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Pantun Basa Banjar Gasan Manjaga Warisan Budaya

Assalamualaikum sabarataan. Alhamdulillah ulun akhirnya berkesempatan manulis lagi disini. Buhan pian penasaran apa yang handak ulun kisahakan kah? Lakasi baca lah. Di tulisan ini ulun handak bakisah soal pantun basa Banjar. Buhan pian mungkin sudah tahu, urang Melayu tu kada talapas lawan kabiasaan bapantun. Urang Banjar nang sarumpun lawan Melayu damintu jua, harat-harat baulah pantun. Pantun basa Banjar kada balain pang lawan pantun basa lain. Ada katantuannya jua nang musti diumpati. Mun kada diumpati pantun nang diulah kada baik atawa bisa jua kada kawa disambat pantun. Mun kita maulah wadai tu ada tuangannya. Mun maulah baju, ada polanya. Sama haja lawan pantun. Pantun nang baik ada katantuannya, ada tuangan, ada polanya jua, ngini nah: 1. Pantun nang bagus tu baisian ampat buting baris. Dua baris nang panambaian ngarannya sampiran. Dua baris nang pauncitan ngarannya isi. 2. Pantun nang bagus tu ada pola bunyinya, atawa pola parsajakannya. Polanya tu: ab-ab. 3. Pantu

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu