Langsung ke konten utama

Lakasi Bakunjangan ka Sultan Adam

Assalamualaikum dingsanak barataan. Ulun hari ini handak bakisah soal Jalan Sultan Adam, Banjarmasin. Nah, buhan pian, amun pas bakunjangan atawa bajalanan ka Banjarmasin, ingatakan ada nang ngarannya Jalan Sultan Adam.

Hau, lalu pang, napang istimiwanya jalan nanginih? Nang partama: ngaran jalannya adalah ngaran salah satu Sultan Banjar nang manjadiakan Islam sabagai hukum kasultanan. Sudah tahu kalo buhan pian kisahnya?



Kadua, jalan nginih lumayan rami sudah. Jadi kada sunyi . Sapanjangan jalan Sultan Adam banyak parumahan. Nah, jadi umat manusianya nyata banyak.

Katiga, banyak fasilitas umum wan jua wadah balanja wan kuliner apalagi gasan mangupi. Haan...siapakan duit haja buhan pian.

Jadi Jalan Sultan Adam ini intangan parak Kayutangi/Jalan Cemara bisa jua parak Jalan Pangeran Hidayatullah daerah Banua Anyar. Mahantas liwat Sungai Miai kawa jua.Cusss kasi pian klik 'Google Maps'. Nah, sudah dapat kalu?



Nah, pian handak langsung bajajanak kah cuci mata cuci kah? Atawa handak santai bamamakan dahulu? Tasarah pian haja.

Nang nyata di jalan ini ada fasilitas umum mulai perguruan tinggi yaitu STKIP PGRI (Sekolah Tinggi Keguruan & Ilmu Pendidikan PGRI), STIH (Sekolah Tinggi Ilmu Hukum) Sultan Adam, STMIK (Sekolah Tinggi Manajemen & Ilmu Komputer) Banjarbaru, Universitas Terbuka. Selain itu juga ada SD, MTS, SMA Al Furqan juga SMP negeri.



Bila handak baurusan ka Dinas Penduduk & Catatan Sipil kawa jua karna lokasinya ada di jalan Sultan Adam. Pas di higa kantor Disdukcapil nitu ada rumah makan pecel & rawon. Han, tuntung baurusan kawa tu sambil bamamakan.

Jadi di Sultan Adam jua banyak urang bajualan di bangunan ruko. Di ruko-ruko nitu ada nang bajualan baju, hijab, macam-macam tas, kusmetik, makanan, salon kecantikan, klinik parawatan wajah dan lain-lain. Paraya jauh-jauh ka mal karna bisa jadi nang dicari ni ada dijual di sekitar Sultan Adam. Handak mangupi ada cafe Kopi Brik, Lain Hati dan macam-macam cafe.



Buhan pian nang panasaran, hayu lakasi bakunjangan ka jalan Sultan Adam. Jangan kada ingat bakesah wan dangsanak jua kakawanan nang kayak apa raminya jalan Sultan Adam. Kawa gasan tujuan baurusan, malanjutakan pandidikan jua gasan batatukar & basantai-santai baik surangan, wan kaluarga atawa kakawanan.



***

Penulis : Mia Yunita (www.ummvc.com)
Editor : Enny RA (www.ennyratnawati.com)

Komentar

  1. Dasarnya am disana tuh serba ada maka makanan banyak jua disana. Nyaman banar mun berumah disana.

    BalasHapus
  2. Sultan adam parak sama glow jua, tambusan kayu tangi rami jua .. Pokoknya mun hndk becari sesuatu atau bjalanan pas bnar ke sultan adam ni slain ke mall.. :D

    BalasHapus
    Balasan
    1. Akur Ka ae, jalan Sultan Adam ni kada kalah raminya lawan Mall ^

      Hapus
  3. Banyak banar kuliner disini hehehehe...jadi pengen nah bejalanan kesana, sayangnya rumah sudah larang lah daerah sana hehehe

    BalasHapus
    Balasan
    1. Inggih, jui bajalanan ka sini Ka, banyak kulinernya ^^

      Hapus
  4. dasar amun bejalanan ke Sultan Adam ni hibak banar kulinernya. Mulai dari nang murah sampai nang larang. Hihi. Sayang nah rumah ulun jauh pada Sultan Adam jadinya kada tapi rancak ke sana

    BalasHapus
    Balasan
    1. Inggih Ka, kaena sekali-kali bajalanan ka sini Ka lah. Kulinernya manunggu pian jer, hihihi ^^

      Hapus
  5. Sultan Adam memang lengkap sih, apa aja ada disana sepertinya. Ku jg suka nyari makan disana hehe


    Salam,

    www.rizkyashya.com

    BalasHapus
    Balasan
    1. Alhamdulillah pian katuju mancari makan di Jalan Sultan Adam. Jangan jara Kak lah ^^

      Hapus
  6. Jalan Sultan Adam ni dasar terkenal pang. Ulun yang dari Hulu Sungai rancak mandangar. Tapi masih kada tahu lewat mana mun handak manuju ka sana, hihihi.

    BalasHapus
    Balasan
    1. Inggih Ka, Jalan Sultan Adam ni terkenal banar. Kaena bila tiap tulak ka Banjar bajalanan ka Sultan Adam Ka lah. Supaya ingat jalannya manuju ka sana ^^

      Hapus

Posting Komentar

Postingan populer dari blog ini

Pantun Basa Banjar Gasan Manjaga Warisan Budaya

Assalamualaikum sabarataan. Alhamdulillah ulun akhirnya berkesempatan manulis lagi disini. Buhan pian penasaran apa yang handak ulun kisahakan kah? Lakasi baca lah. Di tulisan ini ulun handak bakisah soal pantun basa Banjar. Buhan pian mungkin sudah tahu, urang Melayu tu kada talapas lawan kabiasaan bapantun. Urang Banjar nang sarumpun lawan Melayu damintu jua, harat-harat baulah pantun. Pantun basa Banjar kada balain pang lawan pantun basa lain. Ada katantuannya jua nang musti diumpati. Mun kada diumpati pantun nang diulah kada baik atawa bisa jua kada kawa disambat pantun. Mun kita maulah wadai tu ada tuangannya. Mun maulah baju, ada polanya. Sama haja lawan pantun. Pantun nang baik ada katantuannya, ada tuangan, ada polanya jua, ngini nah: 1. Pantun nang bagus tu baisian ampat buting baris. Dua baris nang panambaian ngarannya sampiran. Dua baris nang pauncitan ngarannya isi. 2. Pantun nang bagus tu ada pola bunyinya, atawa pola parsajakannya. Polanya tu: ab-ab. 3. Pantu

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu