Batamuan lagi kita. Kali ini ulun handak bakisah soal pentol. Ada yang kada pernah makan pentol? Atau malah kada tahu lawan pentol? Hehehe.
Setahu ulun di Banjarmasin ni banyak banar orang bejual pentol. Buhan penjualnya tu dikenal lawan sambatan paman pentol. Kenapa tadih jadi paman? Soalnya nang bejualan pentol jarang banar babinian, kebanyakan buhan lakian alias paman-paman jar urang Banjar biasa mangiyau.
Kalau buhan pian rancak makan pentol, pasti tahu, pentol ni bujur-bujur “mamabukakan”. Kayapa kada mabuk, urang nang memakannya asalnya handak nukar sadikit haja. Eh kada kerasaan, tarus memakan pentol dan kawan-kawannya. Akhirnya bisa 10.000 atau labih takaluar dari kantong sidin nang katuju mamentol ni, hehehe.
Pentol sebujurnya banyak di kota lain. Minimal mirip pentol. Yang ulun tahu, pentol ni lain asli Banjar panglah. Pinanya asli Jawa. Makanya nang bejualandi Banjar ni jarang banar urang Banua, tapi urang Jawa atau buhan Madura yang bediam di Banjar. Buhannya tu paham banar sudah bahasa Banjar jua.
Nah pentol ni aslinya Bakso. Cuman disini ada pentol kuah dan ada pentol yang kada bekuah. Pentol yang kada bekuah nih biasanya ada tersedia saus dan tomat. Kalau saus biasanya padas rasanya.
Nang uniknya penjual pentol keliling atau yang mangkal tu biasanya kada manjual pentol bakso haja. Buhannya tu bejualan jua model gorengan tahu tempe sampai bejualan tahu yang beisi sedikit pentol jua. Ada jua nang bejulan hintalu gulung, sosis, sate pentol dan banyak banar lagi ragamnya.
Harganya murah banar pulang. Kayapa kada banyak nang katuju. Harganya mulai Rp 500. Paling larang, kalau pengamatan ulun di pentol keliling atau yang mangkal di Banjar nih, hanya Rp 2000 haja. Murah kalo?
Nang jadi ciri khas lagi, memakan pentol ni kada perlu pakai sendok garpu atau piring. Mamakannya pakai tusukan sate haja. Jadi pentolnya tinggal diambil dari wadah yang sudah disediakan buhan paman pentol. Habis tu, kalau handak saus atau betomat, tinggal masukakan tusukan pentol ka situ. Habis tu bisa langsung dinikmati. Praktis tu pang.
Cuman menurut ulun, yang mambari muar ni, sampahnya tu nah. Terutama sampah bakas tusukan urang makan pentol. Bisa kalau habis bedagang, dibarasihi pang lah lawan buhan paman pentol bakas makan buhan yang nukar tadi. Cuman, kada nyaman ae bila melihat bahamburan kaitu, hehehe.

Mudahan ae kedepannya buhan paman pentol keliling dan mangkal menyediakan tempat sampah gasan tusukan pentol hehehe. Dan buhan kita pembeli ni sadar jua. Nyaman jua hen kalau berasih tu malihatnya.
Nah itu dulu kisah ulun soal pentol. Mudahan lain waktu kita batamuan lagi.
Wassalamualaikum Warahmatullahi Wabarakatuh
Penulis : Enny R (www.ennyratnawati.com)
Editor : Irabooklover (www.irabooklover.com)
Uma katujunya meliat tulisan di bannernya itu hahaha tapi dasar bujur am pasti cucuknya bahamburan. Untung ulun tim makan pentol bawa pulang, kada suka mencucuk di tempat.
BalasHapusInggih, ulun jua tim bawa bulik, bila mencucuk di tempat bisa khilaf, hihihi.
HapusUlun akur banar lawan ide tentang paman pentol yang menyediakan tempat sampah gasan cucukan pentol tu. Kawa jua ni jadi ide gasan kegiatan komunitas. Misalnya membagikan tempat sampah portabel gratis gasan para paman pentol supaya ratiknya kada bahamburan lagi XD
BalasHapusMun sudah disediakan tempat sampahnya kada salah paman pentol lagi Ka lah bila bahamburan ratiknya ^^
HapusAku suka pentol. Tapi suka dibawa pulang sih. Soalnya gk ada tempat duduknya :(
BalasHapusDan aku setuju banget tuh sama banner, soalnya ya tau sendiri kan, cucukan pentolnya bahambur :( dan itu lumayan merusak estetika.
Inggih, mudahan baik nang manjual atawa nang mamakan pentol ni sadar akan kebersihan ^^
HapusMaka wahini lagi ngetren pentol nang padas-padas, jadi di pancill pentolnya becambur sambal pada kaytu sudah.
BalasHapusKalau ulun mun mencucuk pentol biasanya cucukannya ulun andak di gerobak pamannya aja atau bawa bulik wkwk.
Biasanya ada jua pang paman pentol yang barasih, jadi disediakannya wadah ratik cucukannya tu.
Mudahan masing-masing sadar, nang nukar sadar jangan bereratik nang menjual menyediakan wadah ratiknya. Ya kaloo
Inggih, akur banar Ka ae. Kita perlu kesadaran kedua belah pihak supaya banua kita barasih ^^
HapusPentol ni nyamannya pas masih panas lawan sore2, kaya menyanyati tuh .. Belum lagi yg pentol bakar, harumnya mulah kepingin .. Semoga paman pentol lainnya menyediakan wdah gsan smpah skira kd bhamburan hehe
BalasHapusAkur Ka, pentol bakar tu dasar harum banar, hihihi
Hapushahaha ternyata berataan penggemar pentol. bujur lo, munyak lalu melihat behamburan ratiknya...hihihi. oh iya peringatan paman pentol jangan mehamburi ratik tu ada di siring hehehe..
BalasHapusInggih bujur, Ka, muyak lalu malihat ratiknya bahamburan tu. Mudahan kita barataan sadar untuk manjaga kebersihan.
Hapusulun jua penggemar pentol nah. hari-hari nukar pentol lawan bibi yang rancak ke kantor
BalasHapusNah, akhirnya ada jua bibi, kada malulu paman haja yang bisa bajualan pentol Ka lah XD
HapusBujur banar memabukakan. Semalam daei rumah niat handak menukar 10rb haja, sampai sana sekeluargaan makan timbul 35 rb, han napa tiya
BalasHapusHen, bujur lo Ka, tos dulu kita, hihihi.
Hapuspadahal nang bararatik ni nang manukari pentol kanapa paman pentolnya nang ditagur. bah iya banar...
BalasHapusYa am jer paman, seharusnya kebersihan tu tanggung jawab bersama ^^
HapusPentol ni dasar nyaman banar pang, apalagi mun mamakan langsung di tempat. Kawan ulun dari Jawa awalnya kada tahu pentol tu napa, oh jarnya itu kami menyambatnya bakso. Hehe.
BalasHapusPian masuk tim makan pentol di tempat bearti Ka lah, hihihi.
HapusAku pas ke Banjar jg terkaget kaget kenapa setusuknya mahal banar.
BalasHapusTapi aku suka, apalagi yg d dekat rs islam bisa abis 10ribu lebih
Salam,
www.rizkyashya.com
Toss dulu kita Ka sebagai sesama penyuka pentol XD
Hapus