Langsung ke konten utama

Perkembangan Objek Wisata Alam di Barabai, Hulu Sungai Tengah

Napa nang buhan pian pikirakan amun mandangar kata “bajalanan” atawa "liburan"? Kabanyakannya yang ada di pikiran tu pasti tampat wisata nang ada di Jawa. Ajin banyak juwa bisa ni nang memikirakan langsung ka luar negeri.

Sabujurnya sadih jua ulun nih melihat fakta kalau warga kita labih banyak mamilih bajalanan ka banua orang. Mungkin ngini karena pemerintah di banua orang tu mendukung banar masalah
pembangunan dan pemeliharaan objek wisata di daerahnya. Jadi sukses bagiannya manarik bubuhan kita ni supaya hakun bajalanan ka sana.

Nah di tulisan ngini, ulun handak bakisah haja masalah perkembangan objek wisata di tanah kadiaman ulun, di kota Barabai, Kabupaten Hulu Sungai Tengah.

Di Barabai, ada tampat wisata nang ngarannya Pagat. Dahulu, orang rami banar mendatangi tempat wisata nang ada di Kecamatan Batu Benawa ni. Nah, semenjak ulun lulus SMA, sekitar tahun 2011/2012-an, objek wisata nintu kada rami lagi. Tempatnya pina kada lagi tarawat. Sunyi banar. Kada tapi ada urang baampah ka situ.

Imbahnya pulang, Barabai ada baisi pemandian banyu panas nang samakin hari samakin sunyi jua. Parasa ulun sebabnya itu karana kurangnya parawatan dan pambaharuan. Orang nang datang ni handak sasuatu nang hanyar tarus. Apalagi samakin banyak anak milenial wayahini sudah.

Ada sakitar 5 tahunan sako pian destinasi wisata di kota ngini sunyi bujuran. Paling raminya pas hari kadua atau katiga Hari Raya Idul Fitri. Imbah nintu, sunyi pulang. Nah, akhirnya di tahun 2017 (amun kada salah), mulai munculan objek wisata hanyar di Barabai.

Munculnya objek wisata ini diampiki banar tu pang oleh warga Barabai, mulai nang tuha sampai nang anum. Ngini pang nah babarapa objek wisata nang  mambawa sesuatu nang hanyar, jadi sampai wahini pina rami tarus.

1.    Gua Limbuhang




Di sini buhan pian kawa bafoto nang “instagramable” jar urang tuh. Di dalamnya pina kadap pang. Siapakan ja kamera nang harat mun kasini. Kadada palampung. Dijamin aman haja jar panjaganya.

2.    Baruh Bunga Outbound



Bila buhan pian handak meet and great, Baruh Bunga bisa buhan pian pilih sebagai tampatnya. Di sini, banyak jua kegiatan outbound sampai ada flying fox jua. Ada jua kolam renangnya. Tampatnya barasih banar.

3.    Riam Bajandik


Riam Bajandik ngini pina mirip Manggasang (bagi nang tahu), cuma lebih rami dan kekinian lagi. Di sini banyak spot foto hagan buhan pian upload di social media. Siap-siap topi paling mun hari panas.

4.    Pulau Mas


Dari babarapa tempat wisata nang ulun sambatakan tadi, nang ngini nang paling hanyar nah. Hanyar banar tumburnya semalam. Kada jauh beda lawan Riam Bajandik. Buhan pian bisa langsung eksis tu pang.

Keempat tampat wisata baru ini bisa buhan pian datangi di daerah Batu Benawa. Inya sabarataan saarah haja. Nyaman dituju pokoknya. Kada jauh banar jua. Dengan ini, ulun berharap banar tempat-tempat wisata ini selalu dijaga. Dan mudahan samakin banyak lagi surga tersembunyi nang muncul di tanah Hulu Sungai Tengah.  Amin.

Penulis: Eca @ www.kataeca.com
Editor  : irabooklover @ www.irabooklover.com

Komentar

  1. Hanyar tahu ulun nah pada Pagat sunyi wayahini. Bahari waktu lagi halus sanang banar bila dibawai bajalanan ka situ. Puas mandi, kawa bafoto di gua lawan naik ka gunungnya. Mudahan Pagat pacangan diperbaharui kaena supaya kawa manarik para wisatawan pulang.

    BalasHapus
    Balasan
    1. Inggih..mudahan Pagat kaena pacangan rami pulang..Aamin.

      Hapus
  2. Oh ada pemandian air panas ya. Aduh itu enak banget lho. Coba diperbaiki , dibuat mirip onsen gitu. Pasti asyik. Guanya juga menarik. Cuma agak ngeri lihat airnya biru, pasti dalam ya.

    BalasHapus
    Balasan
    1. Inggih, nyaman barandam di pemandian air panas tu :)

      Bila warna birunya kayak itu tu dalam pang rajin lah ^^

      Hapus
  3. Riam bajandik nih semalam buhan kawa anan kesamaan. Melihat fotonya bagus2
    Hanyar tahu ih klo pagat wah ini sunyi. Napa bisa kaitu lah

    BalasHapus
    Balasan
    1. Kurang ada pambaharuan pang manurut ulun. Mudahan kaena rami pulang, aamin.

      Hapus
  4. Aku penasaran sma gua limbuhang sma baruh bunga outbond hehe Kalo dri bjb brp jam kira2 yu?? Yg baruh bunga outbond tu tiket masuknya brp jua kah? Hehe

    BalasHapus
    Balasan
    1. Tagantung kacapatan kandaraan lawan situasi jalan macet atau kada Ka XD, tapi ulun taksir-taksir mungkin sakitar 5-7 jam sampai ai ka sana.

      Waktu ulun ka sana sekitar tahun 2017 harga tiketnya 20.000 haja pian, tapi dadangar pulang jer wayahini harga tiketnya naik jadi 30.000 - 40.000 pulang

      Hapus
  5. Ini keempat lokasinya beparakan haja, jd kawa mun sekali bejalan selajur keempatnya nitu. Bagu2 gasan befoto wadahnya, apalagi guha limbuhang tu.

    BalasHapus
    Balasan
    1. Inggih, akur banar, sip barataan pamandangannya gasan bafoto.

      Hapus
  6. Urang Banjar aku nih kada pernah lalu keempat wisata ngeneh. Heh, rasa supan ada jua..

    BalasHapus
    Balasan
    1. Geh, lajui Ka ka sini, kaena takaji habar jer urang XD

      Hapus
  7. Sayangnya lah Pagat tu jadi sunyi wahini. Bahari lagi halus pernah jua ku ke situ. Tapi jadi penasaran jua nah lawan objek wisata hanyar di barabai

    BalasHapus
    Balasan
    1. Kasi Ka, kunjungi objek wisaya nang hanyar ni, bagus-bagus wadahnya ^^

      Hapus
  8. Masih ada gambar uln pas halus bamainan di pagat. Liwar rami tu pank. Rasa hndk bebulik kaina kesana membawa laki lwn anak ihh. Salajur bailang ka alkah kaluarga di Birayang..

    BalasHapus
    Balasan
    1. Bujur banar Ka ae, bahari tu rasa bahagia banar bila dibawai kuitan tulakan ka Pagat. Liwar rami bila sudah bamainan di sana XD

      Hapus
  9. wih, keren-keren objek wisatanya! kapan ya bisa piknik ke tempat-tempat keren itu?

    BalasHapus
    Balasan
    1. Inggih, keren banar Ka ai. Ulun doakan semoga pian diberi kesempatan supaya kawa piknik di sini. Aamin ^^

      Hapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Pantun Basa Banjar Gasan Manjaga Warisan Budaya

Assalamualaikum sabarataan. Alhamdulillah ulun akhirnya berkesempatan manulis lagi disini. Buhan pian penasaran apa yang handak ulun kisahakan kah? Lakasi baca lah. Di tulisan ini ulun handak bakisah soal pantun basa Banjar. Buhan pian mungkin sudah tahu, urang Melayu tu kada talapas lawan kabiasaan bapantun. Urang Banjar nang sarumpun lawan Melayu damintu jua, harat-harat baulah pantun. Pantun basa Banjar kada balain pang lawan pantun basa lain. Ada katantuannya jua nang musti diumpati. Mun kada diumpati pantun nang diulah kada baik atawa bisa jua kada kawa disambat pantun. Mun kita maulah wadai tu ada tuangannya. Mun maulah baju, ada polanya. Sama haja lawan pantun. Pantun nang baik ada katantuannya, ada tuangan, ada polanya jua, ngini nah: 1. Pantun nang bagus tu baisian ampat buting baris. Dua baris nang panambaian ngarannya sampiran. Dua baris nang pauncitan ngarannya isi. 2. Pantun nang bagus tu ada pola bunyinya, atawa pola parsajakannya. Polanya tu: ab-ab. 3. Pantu

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu