Langsung ke konten utama

Raminya Kisah Si Palui



Assalamu'alaikum dangsanak sebarataan. Hari ini ulun handak bakisah tentang Si Palui nah. Tahulah buhan pian lawan si Palui ni? Wayah masih sakulah SD ulun katuju banar mambacai kuran nang top di Banjarmasin ninih. Nang dibaca biasanya iklan-iklan jua kisah Si Palui. Parasaku ti, kisah Si Palui ninih lucu banar.

Sakalinya sampai ulun sudah baanakan bujang, kisah Si Palui tatap ada di kuran Banjarmasin Post. Amun bahari kisah nitu kawa dibaca di kuran nitu haja. Wahini bah, jangan dikisah lagi, sudah ada nang kawa dibaca di hape kita. Jar urang tu, virsi online. Han, canggih babanaran!

Di Instagram gin ada jua sakalinya, tapi kisah bagambar alias komik.

Hau, kaya apa tadih amun handak mambaca nang virsi online? Nah, ambil dulu hape pian nang android lah, nang bamerek ‘buah apel bakas diigut’ bisa jua. Ingatakan jua, harus kawa tasambung ka internet, hehehe. Sudah? Sudah? Sudah? Amun sudah, nah buka haja ‘google’ mbah tu katik ‘kisah si palui’. Tatamu tu kaina.

Cuntuh lah, sabuting nah ulun ambil dari situs http://banjarmasin.tribunnews.com/2018/04/25/si-palui-manyasahi-pesawat





Akhirnya Palui jadi maantar urang nitu ka bandara. Entah kenapakah, karana ban mutur nitu ampat bigi, ada sabuting miris manggasut pas di burung lapas subalah Binuang situ.

”Nah ban balakang kimpis iya am?” Palui pucat.

“Aduuh Lui, maka kami handak lakas, suasananya sunyi banar, malam kadap lagi nah,” ujar Garbus manggarunum.

“Ban sirap kada mambawa maklum kada biasa lagi kamirisan ban pang salama ni,” ujar Palui pina pusang.

“Inya kami balima Lui ai, panarbangan jam lima subuh, bila lewat pada nitu tiket kami hangus, tabakar,” sungut panumpang lainnya.

“Astagfirullah hal azim, kada sanggup lagi aku nah, jadi supir travel manyasahi pesawat nang handak tarabang, panumpang komplin minta ganti harga tiket urang balima kali 600 ribu, ubui,” Palui pucat muhanya.





Dalam kisah Si Palui, biasanya dikisahakan kisah sahari-hari dalam kahidupan Si Palui – nang tantunya kada hidup saurangan. Biasanya dikisahakan Palui ni sudah babini. Kakawanannya ada nang bangaran Garbus wan Tulamak.

Jadi, amun bisian kawan nang kada tapi bisa Bahasa Banjar, bagus banar kisah lucu Si Palui ini dijadiakan bacaan gasan kawan pian nitu. Suruh baca basuara, sekira tabiasa maucapakan kalimat-kalimat dalam Bahasa Banjar. Jadi sabujurnya, kisah handap babahasa Banjar nang mangisahakan Si Palui ini sabujurnya kada gasan balulucuan haja tapi jua kawa sabagai ‘alat’ gasan balajar Bahasa Banjar.

Nah, amun buhan pian pang rancaklah membaca kisah si Palui ni? 



Kontributor : Mia Yunita (https://www.ummvc.com/)

Komentar

  1. Dahulu ulun katuju meolah kliping kisah Palui nih. Dapat dua buku kliping dahulu tu. Rami-rami kisahnya. Bahasa Banjarnya 'totok' banar jua. Hehe

    BalasHapus
  2. dahulu lagi jadi surat kabar nang dibacai palui ngini pang. wkwkwk lagi kekanakan ti pang, kayapa kah lah kekanakan wahini tau jua kah lawan si palui ngini

    BalasHapus
  3. Kisah palui ni kisah terhits dari dahulu, lagi anak-anak suka banget nge-baca kisah ini. Siapa gerang ampun kisah si palui nginih ?, wahini kada tebaca lagi sudah. Bisa Paluinya sudah gonol lagi bekeluarga hehe.

    BalasHapus
  4. dulu pas awal pindah aku bingung 'kisah palui apaan sih'
    apalg dl belum ngerti bahasa banjar >.<
    tapi sekarang pas udah paham bahasa banjar, sering iseng baca-baca. soalnya ceritanya kan macem-macem

    BalasHapus
  5. Kaingatan wayah orientasi maba, ada kawan sesama maba dari jawa timur. nah digawi ae oleh senior, disuruh mambaca kesah si Palui di muka para maba. Handak tatawa tekutan dosa..uuwwuuu

    BalasHapus
  6. lama banget ga baca kisah si palui, dulu kalo lagi kecil suka nyari-nyari koran bpost demi mencari dan membaca cerita si palui

    BalasHapus
  7. Dulu sering baca juha kisah palui ini di koran bnjarmasin cm skrg penjual koran ud g seramai dlu dan rasanya rindu juha melihat palui di koran lagi hehe

    BalasHapus
  8. baru tau kisah si Palui :')

    lucu yg kepleset itu sering banget dong ngalaminnya haha


    Salam,

    www.rizkyashya.com

    BalasHapus
  9. Nah lawasnya kada membaca kisah palui, ulun rancak amun teambil koran hal pertama membaca kisah palui dulu. Whahha lucu banar pang kisah palui ni, ketuju ulun

    BalasHapus
  10. Kadang tu ada bahasa palui nang ulun kada paham saking banjar banar. Tapi kadang ya batakun lawan urang apa artinya. Jadi betambah jua kosakata bahasa banjar

    BalasHapus
  11. Palui tu kisah yang paling rami, ada tuh hirang, ada tuh lamak, ada garbus. Amun hndk mbca kisah palui nih bisa ada dikoran rajin. Bisa tatawa sorang mbaca palui nih wk

    BalasHapus
  12. Lawas banar ih kada membaca kesah si palui. Padahal rami-rami kesahnya

    BalasHapus
  13. Dulu asli rajin banar membaca kisah palui neh di koran, wahini ada onlinenya kah ekalinya. Hanyar tahu banar ulun nah. Kena membaca ah sekali-kali nah.

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Pantun Basa Banjar Gasan Manjaga Warisan Budaya

Assalamualaikum sabarataan. Alhamdulillah ulun akhirnya berkesempatan manulis lagi disini. Buhan pian penasaran apa yang handak ulun kisahakan kah? Lakasi baca lah. Di tulisan ini ulun handak bakisah soal pantun basa Banjar. Buhan pian mungkin sudah tahu, urang Melayu tu kada talapas lawan kabiasaan bapantun. Urang Banjar nang sarumpun lawan Melayu damintu jua, harat-harat baulah pantun. Pantun basa Banjar kada balain pang lawan pantun basa lain. Ada katantuannya jua nang musti diumpati. Mun kada diumpati pantun nang diulah kada baik atawa bisa jua kada kawa disambat pantun. Mun kita maulah wadai tu ada tuangannya. Mun maulah baju, ada polanya. Sama haja lawan pantun. Pantun nang baik ada katantuannya, ada tuangan, ada polanya jua, ngini nah: 1. Pantun nang bagus tu baisian ampat buting baris. Dua baris nang panambaian ngarannya sampiran. Dua baris nang pauncitan ngarannya isi. 2. Pantun nang bagus tu ada pola bunyinya, atawa pola parsajakannya. Polanya tu: ab-ab. 3. Pantu

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu