Langsung ke konten utama

5 Hal Penting dari Musik Panting yang Perlu Diketahui

Assalamu'alaikum....

Kakawanan ulun, apa habar pian hari ini? 2019 sudah nah, kada kerasaan awal tahun pulang. Ya Alloh ay, kada kerasaan ay tarus lah nyambatnya. Ham, mudahan beberkah aja waktu kita lah, dijauhkan dari apa-apa nang meulah sia-sia.

Kali ini kita handak memandirakan alat musik tradisional Banjar. Panting banar buhan pian tau su'al alat musik nang ngarannya "Panting" ngini.

Haam, tau lah buhan pian lawan Panting? Jangan bepadah kada tau. Ayuja mun kada  ingat kada papa, su'alnya nginih pelajaran SD kalu lih, jadi maklum aja amun kd ingat. Amun kada tau hanyar am keliwaran.

Jadi, hari ini kita sama-sama lah mempelajari si Panting ini sekira ingat pulang wan pengetahuan kita jadi betambah-tambah. Uke? Siap?

Ukeee, lanjuuuttttt....

Anu, apa lah bahasa Banjarnya "Oke"?

Maaf acil kada tau jua, nak ay😂

Hahaha, ayuja cil ulun maafkaan 😆

Naah, langsung ja ulun jabarakan lah dalam 5 poin hal panting apa aja nang harus kita tau bujur tentang Panting.

1. Musik Panting ini sebujurnya gabungan antara alat musik panting, babun, biola, suling, gong, gaguncai dan ketipak. Tapinya karena si Panting ini jumlahnya ada 3 buah jadi kaya "inya inya haja" nang kelihatan, lalu supaya nyaman urang nyambatnya Musik Panting.

Jadi, kawanan ulun ay, musik Panting ni mainnya bejama'ah. Saikung main gong, saikung gaguncai, saikung auling, saikung ketipak, saikung biola, saikung babun, 3 ikung pantingnya, eh seikung lagi penyairnya.

Pemain musiknya ni lelakian ja biasanya, duduk besila. Penyair nang biasanya bebinian, kada pank mun duduk besila jua, tapi betelempoh duduknya.
Sumber: banjarmasin.tribunnews.com

2. Alat musik Panting ini bentuknya mirip lawan Gambus bubuhan Arab sana. Sama jua mainnya pada dipetik jua sabab bisi panting. Panting tu arti sebujurnya adalah senar.



3. Taulah bubuhan pian darimana asal muasal musik ini? Banyak yang kada tau kah? Ulun gin kada tau jua asalnya. Sekalinyaaaaa, asal musik Panting ni dari tanah kelahiran ulun, Tapin, Rantau. Hiks, napa yo ulun kada tau, kada pernah pank ulun menemui di sana musik Panting, ulun kira tih dari Banjar aja. Mungkin karena Panting ni sudah mendarah daging lah di masyarakat Banjar lalu ciri khas Tapin-nya tu kadada.

4. Pencipta musik Panting adalah A. Syarbaini. Asalnya musik Panting ni jar ngarannya musik Bajapin karena dimainkan saat pertunjukan Tari Japin. Nah, pas tahun 1977, bubuhan seniman kita bahari kaya; bapak A. Syarbaini, H. Anang Adriansyah (tau kalo lawan sidin? Banyak banar lagu Banjar ulahan sidin nih), Yustan Azidin, Marsudi, BA, Drs. H. Bahtiar Sanderta, sepakat meubah ngaran musik Bajapin menjadi musik Panting.

5. Musik Panting sampai ke Kairo sudah. Han, makinnya pian kada tau kalo? Haha, samaaa haja pnk lawan ulun😁.

Jadi, napa kisahnya? Ulun kutip dari Banjarmasin Post lah.

April 2018 semalam tu jar buhan Perkumpulan Mahasiswa Asing Al-Azhar meadakan semacam festival budaya gasan mengenal budaya masing-masing negara. Ada 24 negara yang umpatan, Indonesia salah satunya. Nah, bubuhan mahasiswa kita di Mesir sana meajuakan musik Panting ni gasan tampil di acara itu.

Uwaaii.... Bangganya jadi urang Banjar mun kayani kisahnya, ya kalu? 😍


🔊🔊🔊


Nah, cukup sekian lah dari ulun tentang Panting ni. Semuga kawa menambah wawasan kita mengenai adat budaya Banjar tercinta. 


***

Syair Musik Panting
Lawan Bismillah kami ucapkan
Panting dikatik baandung tangan
Musik dialun nang dibawakan
Kisahnya nasib marista badan
Mangatik panting di bulan tarang
Duduk basila basangga wihang
Marista diri awak saurangan
Manunggu nasib rajaki datang
Musik Panting kita dangari sayang..
Paninggal Datu urang bahari
Panting dikatik di malam hari sayang..
Mahibur hati di wayah sunyi
Musik Panting kita dangari sayang..
Panting dikatik di malam hari
Patut dibina dipalajari sayang...
Mahibur hati di wayah sunyi



Kontributor: Latifika Sumanti (www.fika-su.com) 

Komentar

  1. Pertama kali lihat grup panting di siring tendean. Rancak mainnya. Terhiburlah yang melihati.

    BalasHapus
  2. Hanyar tahu nah pada panting tu artinya senar. Bagus banar musik panting ni dilastariakan di wadah kita

    BalasHapus
  3. umaaa...sampai kairo lah.kerennn ihh...betul, harus dilestarikan nih.mungkin perlu jadi kurikulum di sekolah2 (hahaha..usulan kemana nih?)hehe

    BalasHapus
  4. jadi ingat walimatul ursy bahari. buhan mahasiswa mamaku menyumbang hiburan musik panting waktu itu. Biasanya orang dangdutan. Hehe.

    BalasHapus
  5. Alat panting, nang panting banar diketahui kanakan wahini. ulun lagi SD maliat di gambar wara pang. tapi rancak ae maliat amun ke siring, bangganya ditampilkan di Mesir

    BalasHapus
  6. Uln katuju mandangarakan musik panting nih. Kaya berasa di zaman kerajaan Banjar dahulu suasananya. Hen hanyar tahu pada asalnya matan Rantau musik panting nih.

    BalasHapus
  7. Salain panting, mamanda tu gin ujar kasanian buhan Rantau jua.

    BalasHapus
  8. Humaaa ulun haja kada suah lagi ke kairo, inya badahulu sudah. Bangga banar ih..

    BalasHapus
  9. Wujudkan Impian Anda Disini & Ajaklah Teman-Teman Anda Semua Untuk Ikut Bergabung Bersama Kami Hanya Di http://www.dewalotto.me !!!
    Raihlah Mimpi Anda Setiap Hari & Jadilah Pemenang !!!

    BalasHapus

Posting Komentar

Postingan populer dari blog ini

Pantun Basa Banjar Gasan Manjaga Warisan Budaya

Assalamualaikum sabarataan. Alhamdulillah ulun akhirnya berkesempatan manulis lagi disini. Buhan pian penasaran apa yang handak ulun kisahakan kah? Lakasi baca lah. Di tulisan ini ulun handak bakisah soal pantun basa Banjar. Buhan pian mungkin sudah tahu, urang Melayu tu kada talapas lawan kabiasaan bapantun. Urang Banjar nang sarumpun lawan Melayu damintu jua, harat-harat baulah pantun. Pantun basa Banjar kada balain pang lawan pantun basa lain. Ada katantuannya jua nang musti diumpati. Mun kada diumpati pantun nang diulah kada baik atawa bisa jua kada kawa disambat pantun. Mun kita maulah wadai tu ada tuangannya. Mun maulah baju, ada polanya. Sama haja lawan pantun. Pantun nang baik ada katantuannya, ada tuangan, ada polanya jua, ngini nah: 1. Pantun nang bagus tu baisian ampat buting baris. Dua baris nang panambaian ngarannya sampiran. Dua baris nang pauncitan ngarannya isi. 2. Pantun nang bagus tu ada pola bunyinya, atawa pola parsajakannya. Polanya tu: ab-ab. 3. Pantu

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu