Langsung ke konten utama

Rekomendasi Hiburan di Tengah Kota Banjarmasin

Hari ini ulun handak memadahkan lawan buhan pian mengenai tempat liburan atau tempat seru kesan bejejalanan lawan kawan atau amun buhan pian handak beputuan nah.

Ulun handak memadahkan ada 5 tempat yamg kawa buhan pian datangi di tengah kota, kada usah bejauh-jauh. Ini nah 5 tempatnya :

- Siring 0 Km


Tahu eiy kalo buhan pian nang di Banjarmasin lawan tampat ini, pinanya nyata aja ah lah.

Malam minggu disini biasanya rami nah, soalnya pabila malam minggu disini rami banar ada orang benyewakan motor-motoran kaitu nah, ada jua nang kayak bemo betinjak tuh kawa banyak orang didalamnya sampai 4 orang sako.

Selain kesan beramian biasa, disini jua rancak pemerintah meadakan festival kebudayaan kaitu, nang pernah ulun lihat lah biasanya ada festival makanan, ada jua festival kayak adat kaitu dan banyak lagi lainnya.


- Pasar terapung 


Pasar terapung neh lah banyak banar di Banjarmasin, tapi nang ulun padahkan neh nang pasar terapung di siring sini nah.

Nang di siring neh tapi pasar terapungnya kada buka setiap hari tapi bukanya setiap hari sabtu sore lawan hari minggu aja pang nah.

Mun di pasar terapung neh banyak eiy yang dijual, mulai dari buah-buahan khas banjar nang diambil dari kebun buah yang bejualannya sorangan, cemilan banjar sampai ada nang bejualan makanan beratnya, ada khas banjar, ada jua nang kada.


- Menara Pandang


Nah, ini beparakan haja lawan pasar terapung siring tadi tapi tekesananya sadikit aja, kawa aja bejalan batis, paling jua 50 meteran sako.

Disambat orang menara pandang karena kalau dari atas bangunan neh kawa memandang sungai banjar sekitaran sini jua, biar inya kada tapi tinggi tapi lumayan haja kesan memandangi semuanya dari atas.

Di atas menara pandang neh rami banar biasanya orangnya soalnya dari atas sini neh nyaman banar anginnya lawan baik jua pang kesan beputuan lawan kawan atau lawan siapa haja, pacar kah jua rami haja. 🤭


- Taman lalu lintas


Ulun lihat taman lalu lintas neh kada di banjar aja pang ada tapi di kota lain ada jua dan alhamdulillah banar ada jua di banjar, hanyar ada tahun ini pang nah.

Ini sabujurnya tempat kesan mainan kekanakan pang lah, kesan melajari inya tentang lalu lintas kaitu supaya paham, supaya kada asal-asalan kena mun sudah bisa bekenderaan atau lainnya. Kesan kanakan halus paham, dimana handak menyeberang dan lain-lain, pokoknya tentang lalu lintas tuh pang seberataannya disini.

Selain kanakan ulun lihat banyak eiy jua orang dewasa kesini kesana beputuan apalagi nang handak putu ala-ala sebijian awak, yang kisahnya jer orang wahini OOTD tuh nah, banyak ulun lihat jua soalnya wadahnya neh dasar bagus pang.

Buhan pian kawa kesinian jua kesan besantai asal jangan bererusak haja, jangan dicoret-coreti jua.


- Taman Kamboja 



Nah, kalau taman nang ini neh biasanya rami sore haja pang nang, mun pagi sunyi kecuali pagi minggu, nah am rami kesan lari pagi.

Disini sore dasar nyaman anginnya lawan kesan santai bepanderan lawan kawan, lawan keluarga nyaman jua disini.

Nang jar ulun tadi, hari minggu rami kalo biasanya disini orang olahraga, wahini disediakan jua alat olahraga disini. Ulun pernah mencobai jua, seru aja nah olahraga di taman kaini. 😍


Nah, itu haja pang nah yang kawa ulun rekomendasi akan kesan bubuhan pian besantai tapi parak aja lokasinya. Biasanya ada nang koler pang bejejalanan jauh-jauh makanya ulun pilih akan 5 tempat ini.

Makasih sudah membaca buhan pian, sampai ketemu ditulisan ulun selanjutnya lah. 😍

source : hampir seluruh foto diambil di Google Local Guides


Kontributor : Rima (www.rima-angel.com)

Komentar

  1. Umaa, pas banar kebelujuran handak bejalanan sehari ke Banjarmasin nowdays, pina bebanyak spot wisata leh

    BalasHapus
  2. Sudah sekali ke taman kamboja melihat pameran anggrek. Kalau ke siring sudah sering benar. Senang bisa main ke taman kamboja

    BalasHapus
  3. Sudah sekali ke taman kamboja melihat pameran anggrek. Kalau ke siring sudah sering benar. Senang bisa main ke taman kamboja

    BalasHapus
  4. Kd prnh naik ke manara pandangnya, kaina bebila bila hndak ai naik ke situ uaa hehe

    BalasHapus
  5. Ulun de suah ke taman lalu lintas ni heh sian bengat padahal rancak ja liwat..

    BalasHapus
  6. Ulun belum suah ke taman lalu lintas lagi nih, jadi penasaran handak kesana nahh. Hihihi

    BalasHapus
  7. Sauting lagi nang kada suah aku datangi, yaitu taman lalu lintas. Rancak maliwati tp kd suah singgah lagi. Mudahan kaina sawat belelihat biar kada mandangar kesah haja.

    BalasHapus
  8. Handak banar bejalan ke Taman Lalu Lintas membawai kekanakan, tapi kada ingat tarus. Sakalinya ingat, waktunya nang kada sampat �� Mudahan pas ke Banjar kena, ingat wan sampat bejalan ka sana.

    BalasHapus
  9. Pasar terapung favorite Eny banget pokoknya dulu hampir tiap Minggu kesana hho

    BalasHapus
  10. Ini tempat liburan aku selain ke mall sih soalnya males jalan jauh-jauh.

    BalasHapus
  11. Penasaran lawan siring 0 km nah. Kada sempat ke situ sampai wahini

    BalasHapus
  12. Inggih leh. Seberataan tempatnya parak2 situ haja jua. Ulun paling kada suah ke taman lalu lintas nitu. Gesan kekanakan jd pina mengoler bejanguk ke sana. Hehe.

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Bajukung di Atas Rawa

jejakrekam.com Di Kalimantan Selatan daerah pahuluan selain gunung dan sungai jua ada daerah rawa. Terutama di 3 kabupaten hulu sungai selatan, tengah, dan utara tergabung 3 daerah rawa.Nah di rawa ngini kadakawa pakai alat angkutan nang ganal jadi harus pakai jukung nang ramping supaya muat lawan kada santuk lawan di bagian bawah bila kamarau pas banyu surut. Jadi di awal bulan Juni samalam ulun sawat mancobai bejukung di rawa ngini. Tepatnya di daerah perbatasan antara hulu sungai tengah dan hulu sungai utara. Di permukaan rawanya hibak lawan tumbuhan banyu. Jadi jukung tu harus mambuka jalan dahulu. Bila takana rumputnya nang jadi sarang nyamuk benyamuk tunpang disangati nang di atas jukung. Makanya paman-paman nang mambawa jukung besangu obat nyamuk. Kada tahan jua obat nyamuk saking banyaknya nyamuknya. Oya, jukung ni dipakai gasan alat pengawasan kelompok pencari iwak. Rata-rata di sini mata pencaharian orang mencari iwak tarus pang. Tapi takana ada nang menyalahi aturan yaitu ma

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu