Langsung ke konten utama

Pasar Tarapung, Pasarnya Urang Banua

Assalamualaikum, kayapa habar pian barataan? Nah, pas banar ujar urang tuh wayahnya libur panjang atawa bahasa Inggrisnya long weekend. Amun bubuhan pian bingung handak ka mana daripada di rumah haja baik bajalanan ke tempat wisata nang ada di Banjarmasin. Salah satunya nitu Pasar Terapung.

Amun bubuhan pian urang banjar pasti tahu lawan Pasar Terapung yang seikung ni. Rugi tu pang amun pian kada tahu Pasar Terapung, apalagi amun buhan pian urang banjar lawan kada suah ka Pasar Terapung. Wayahini amun bubuhan pian handak ka Pasar Tarapung kada usah jauh-jauh lagi. Sualnya wahini di parak siring Tendean situ, nang jar urang pantai jodoh kah tu nah di situ sudah ada pasar tarapung buhannya ai.

source: tribunnews.com

Sabalumnya ulun handak bakisah dahululah. Pasar Terapung bahari nitu asalnya di muara sungai Kuin di parak tapian sungai Barito lawan di Lok Baintan situ. Tapi, wayahini batambah pulang Pasar Terapung nang ada di Banjarmasin yaitu di parak siring tadi.

Pasar Terapung nih banyak acil-acil nang bajualan pakai jukung di atas banyu. Biasanya tuh macam-macam nang dijual sidin di atas jukung. Mulai dari wadai, nasi, sayur-sayuran sampai buah-buahan khas Banjarmasin. Lawan amun bubuhan pian handak menikmati belanja di atas jukung baiknya tuh ulun sarankan pian tulak ka Pasar Terapung nang ada di Lok Baintan situ, lain jua pang rasanya amun buhan pian kesana. Hihihi...
Selain belanja di atas jukung, amun pian ka Pasar Terapung tuh pian bisa manikmati salah satu produk budaya sungai khas suku Banjar nang sudah lawas ada mulai ratusan tahun lalu. Selain itu, buhan pian jua kawa manikmati pemandagan sungai lawan hijaunya pepohonan nang ada di sekitar sungai. Han, meulah sigar mata tu pang amun subuh-subuh mehirup udara nang bebas polusi ditambahi pemandangan nang masih alami.
source: kabarwisata.com

Nah, kayapa mun hari minggu nih liburan bubuhan pian ka Pasar Terapung haja? Tasarah buhan pian ja handak ka Pasar Terapung nang manakah, nang panting bajalanan. Ya kalo? Daripada di rumah haja amun pina maungut baik bajalanan ka wisata nang ada di daerah kita. Sakira kada rugi jua tu nah jadi urang Banjar amun suah ka Pasar Terapung.

Ayuha sudah gin ulun bakisahnya. Jangan kada ingat lah amun pian suah ka Pasar Terapung kisahkan di kolom komentar nang ada di bawah nih nah. Lawan jangan kada ingat mengisahkan di blog bubuhan pian jua kisah bajalanan ka pasar tarapungnya. Sambil bajalanan sambil malastariakan wisata nang ada di daerah kita jua bubuhannya ai.


Penulis: Fatimah Aqila (author on www.binianbanjar.com)
Editor: Gita Puteri

Komentar

  1. Yang panting bajalanan... Bujur banar cil ay. Sambil mancucuk uuntuk yakalo cil. Nyaman banar. Han kaganangan am ulun

    BalasHapus
  2. Nang di lok baintan tu kada suah lagi kasana. Masuknya matan manakah yo kada tahu jalannya. Tahunya nang di kuin banarai

    BalasHapus
  3. Ga pernah ke pasar terapung yg di lok baintan itu, tapi kalo ke siring pernah .. Dan jajan disitu pas hari minggu.. Cocok sih buat yg mau ke psar terapung tapi mager jauh2 ke lok baintan sana ekekek

    BalasHapus
  4. Paling lancak dah membawai anak laki bejalanan ke siring nang ada pasar terapungnya tuh. Dasar rami pang banyak urangnya. Kekanakan himung jua melihat jukung.

    BalasHapus
  5. Handak banar sabujurnya bejalanan ka Lok Baintan tu, tapi kada tahu jalannya 😅 Nang di siring gen kada tejalan-jalan jua nah. Rancak melewati ja, singgahnya kada 😂

    BalasHapus
  6. Kangen pasar terapung, sudah berminggu-minggu handak kesana, ya kada kesana aja lagi neh. Huhu :( Handak ngemil2 disana rasanya ih.

    BalasHapus
  7. ku jadi penasaran kyp wahini nasib pasar terapung yang di muara kuin yo. terakhir ke situ sunyi banar sudah

    BalasHapus
  8. Semoga nanti bisa ke Banjarmasin lagi. Salam kenal saya Nova Yolanda dari Surabaya, saya faham dikit2 bahasa banjar karena punya temen dari banjarmasin.

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami

Bajukung di Atas Rawa

jejakrekam.com Di Kalimantan Selatan daerah pahuluan selain gunung dan sungai jua ada daerah rawa. Terutama di 3 kabupaten hulu sungai selatan, tengah, dan utara tergabung 3 daerah rawa.Nah di rawa ngini kadakawa pakai alat angkutan nang ganal jadi harus pakai jukung nang ramping supaya muat lawan kada santuk lawan di bagian bawah bila kamarau pas banyu surut. Jadi di awal bulan Juni samalam ulun sawat mancobai bejukung di rawa ngini. Tepatnya di daerah perbatasan antara hulu sungai tengah dan hulu sungai utara. Di permukaan rawanya hibak lawan tumbuhan banyu. Jadi jukung tu harus mambuka jalan dahulu. Bila takana rumputnya nang jadi sarang nyamuk benyamuk tunpang disangati nang di atas jukung. Makanya paman-paman nang mambawa jukung besangu obat nyamuk. Kada tahan jua obat nyamuk saking banyaknya nyamuknya. Oya, jukung ni dipakai gasan alat pengawasan kelompok pencari iwak. Rata-rata di sini mata pencaharian orang mencari iwak tarus pang. Tapi takana ada nang menyalahi aturan yaitu ma

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu