Langsung ke konten utama

Oleh-Oleh Khas Kalimantan Selatan


Assalamualaikum, kayak apa habar pian sabarataan? Mudahan pian sabarataan sehat lah.
 
Perkenalkan dahulu, ulun Ashya asli urang Jawa nang begawi di Banjarmasin. Ulun ada ba-isi blog www.rizkyashya.com, mun pian kadada gawian, jangan kada ingat lah singgahi ka blog ulun.

Tulisan ulun ni handak membahas tentang oleh-oleh wajib amun pian bakunjung ka Kalimantan Selatan. 

1. Amplang Tenggiri



Sumber : cookpad.com

Amplang Tenggiri ni pinanya jadi oleh-oleh wajib para wisatawan nang bakunjung ka Kalimantan Selatan. Mancarinya kada ngalih, ada ja urang bajual di toko oleh-oleh kayak Toko Andalas, Toko Oleh-oleh Khas Banjarmasin Galuh Banjar, lawan Supermarket. 

Amplang ni dijual mulai nang harga 10.000an sampai 30.000an, murah banar.

Amplang ni jadi favorit oleh-oleh wisatawan karna nyaman banar rasanya. Rasanya gurih-gurih rasa iwak tenggiri. Cucuk banar Amplang ni gasan camilan atau karupuk kawan makan.  

2. Batu Mulia Martapura




Sumber : www.indonesiakaya.com

Amun pian bakunjung ka Kalimantan Selatan, jangan kada ingat bakunjung jua ka Kota Martapura.

Di Kota Martapura pian kawa manukar oleh-oleh batu-batu mulia. Batu – batu ini diulah jadi utas, galang, lawan kangkalung.

Batu mulia nang dijual kaya Batu Akik jenis Kecubung, Safir, Batu Merah Delima, dll. Amun pian nukar batu mulia di Martapura, pian kada usah khawatir sebab Martapura ada baisi Lembaga Pengembangan dan Sertifikasi Batu Mulia. Lembaga ni nang manjamin batu-batu mulia pian asli, kada abal-abal.

Kain Sasirangan


Sumber : lifestyle.okezone.com

Barang terakhir ni nang biasanya jadi oleh-oleh amun bakunjung ka Kalimantan Selatan, yaitu Kain Sasirangan, atau ulun biasanya manyambatnya kain batiknya warga banua.   

Biasanya kainnya ni dipakai gasan ikat kepala, sabuk gasan lakian, lawan selendang gasan binian. Banyak banar motif atau pola gasan si kain. Warna-warnanya bungas banar rancak diambil dari warna alam.

Harga Kain Sasirangan bermacam-macam mulai 70.000an sampai 200.000an tagantung bahan lawan coraknya. Pian kawa nukar kain ni di toko-toko oleh-oleh atau di Kampung Sasirangan. 

Nah, nintu pang tulisan ulun tentang oleh-oleh Kalimantan Selatan. Semoga pian kada bingung lagi lah mun pian handak nukar oleh-oleh.

***

Nang manulis: Rizky Ashyanita (www.rizkyashya.com)
 Nang ma-edit: Ira (www.irabooklover.com)
Label:

Komentar

  1. Ruli retno7 Mei 2020 pukul 09.54

    Hen murahai kalu lah mun haraga saitu, rugi banar mun bulik dari banjar ni kada basangu oleh-oleh. Nang iyanya tu sasirangan tu pang, khas banar

    BalasHapus
  2. Rindang Yuliani7 Mei 2020 pukul 18.03

    Nah baik banar nih tulisan, kawa dibaca gasan uranf nang handak manukar oleh2 gasan nang di luar banua. Kasi tukar amplang dn makanan lainnya, nyaman banar khas Kalsel nih.

    BalasHapus
    Balasan
    1. Female Blogger of Banjarmasin5 Juni 2020 pukul 10.25

      Inggih Ka, makanan khas Kalsel ni dasar nyaman-nyaman rasanya XD

      Hapus
  3. Dina langkar7 Mei 2020 pukul 23.57

    amplang nih kesukaan ulun banar, apalagi ampang nang asli ikan tenggiri

    BalasHapus
  4. Antung Apriana8 Mei 2020 pukul 03.07

    Nah kawa jua nih amun handak membari hadiah gasan kawan pas bejejalanan ke jawa kena oleh-olehnya

    BalasHapus
  5. Rima Angel8 Mei 2020 pukul 11.26

    Amplang favorit banget sih itu, suka banget sama Amplang.

    BalasHapus
  6. Rizky Ashyanita8 Mei 2020 pukul 11.48

    Amplang terfavorit sih ��

    BalasHapus

Posting Komentar

Postingan populer dari blog ini

Tidak Kalah dengan Ibukota Provinsi, Ini 4 Kafe di Barabai yang Wajib Dikunjungi

Halo Kaka-Kaka bungas yang lagi membaca tulisan ini, mudahan sehat sabarataan lah. Kenalkan dulu nah, ulun Eca anggota FBB jua dan tulisan ini nih tulisan perdana ulun di Banjar Corner. Selamat membaca 🤗 Tau lah bubuhan pian di wadah ulun Barabai bisi 4 kafe nang kada kalah lawan di Banjarmasin? Han kada tau kalo, makanya bacai sampai tuntung lah. Barabai Hulu Sungai Tengah sabujurnya lain kota kelahiran ulun. Tapi, kayapa pun jua, ulun sudah lawas bagana di sana dan sudah tarasa jadi tanah kelahiran ulun saurang. Ulun mulai bagana di Barabai semenjak kelas 1 SMP. Waktu ulun masih sakulah itu, dasar balum ada nang ngarannya kafe nginih. Ulun lawan kakawanan dahulu bejalanan ke kedai atau depot haja. Nah, wahini lumayan banyak sudah cafe yang kawa dipakai hagan “feed” Instagram bubuhan pian. Ini nah yang menurut ulun musti pian kunjungi. 1. Hero Cafe Nah, kabalujuran banar ulun lawan anggota FBB nang lain suah bakumpulan di Hero Cafe ini mun pas handak betamuan. Di sini rami
13 komentar
Baca selengkapnya

Belajar Istilah Banjar

  Halo! Apa habar buhan pian sabarataan? Mudahan baik ajaa lah sabarataan, sehat selalu dan dijauhkan dari panyakit.   Nah kali ini ulun handak memadahkan beberapa istilah dalam bahasa Banjar yang mungkin banyak dari pian masih balum tahu karena kada tebiasa berbahasa banjar sehari-hari, atau hanyar aja pindah ke banjar. Oiya, ulun ingat banar bahari pas SD balajar bahasa Banjar muatan lokalnya, amun wahini masih jua kah kakanaan tahu di istilah ni?   Berikut beberapa istilah dalam bahasa Banjar:   1. Salesmaan   Salesma sabujurnya adalah ngaran virus yaitu virus salesma, yang begejala behingusan atau pilek. Nah rancak urang tetap menyambat salesmaan jua amun ada nang kena flu karena gejala si salesma lawan flu nih mirip yang nyata bahingusan lawan batukan.   2. Hawai   Hawai nang ini lain ngaran wilayah lah, hawai nang dimaksud di sini tu artinya semacam sunyi tu nah, misalnya urang tebiasa di kota lalu bejalanan ke desa pasti lain suasananya, tebiasa pina rami
6 komentar
Baca selengkapnya

8 Macam Wadai Banjar

Assalamualaikum, Dangsanak berataan. Kayapa habarnya nih? Mudah-mudahan sihat berataanlah. Aamiin.  Hari ini ulun handak menyambatakan ngaran-ngaran wadai khas urang Banjar. Banyak banar macamnya, tapi nang ulun kisahakan hari ini 8 buting haja. Amun handak sebarataan, dua hari dua malam kada tuntung kita bekisahan. 1. Wadai Lapis sumber : http://dapurummumusasyi.blogspot.com/2013/10/kue-lapis-kakao.html Wadai nang pemulaan ngarannya wadai lapis. Kamiran atawa adonannya biasanya diulah dua warna, imbah itu disumap salapis-salapis beliung-liung warnanya. Bila sudah pina karas salapis, hanyar dindaki lapisan di atasnya pulang. Harus sabar pang tu pang meulah wadai lapis ngini. Warna nang paling rancak diulah tu hijau putih atau cuklat putih. Meulah wadai lapis ngini biasanya di dalam cipir ganal nang dimasukakan ka dalam panci badandangan. Bila sudah masak kaina hanyar dihiris halus-halus sasuai salira. 2. Lumba Sumber : http://beritainfo.web.id/ Lumba ni tamasu
8 komentar
Baca selengkapnya